Rôma 2:9 - Sră Goh 2018

⁹ Bơta rung rài mơ bơta bòl glar jê sồt dùh hơđang kòp nă cau lơh bơta iơh bơsak, lài la cau Juda, tơnơ̆ tai la cau làng bol bơdìh;

Rôma 2:9 ပူးပေါင်းရင်းမြစ်များ

II Yal Yau 6:23

gen dan Kơnràñ iat bơh đang trồ mơ lơh broă, mơ cahrña ală cau duh broă Kơnràñ dê, tơm wơl cau tìs glài in mơ cèng bơta bol khai neh lơh hơđang bồ bol khai dê. Dan dong tò cau song ring in, wèt sền di bol khai jat bơta song ring bol khai dê.

Đơs Crih 32:10

Cau iơh bơsak gơs oă bơta jê sồt; Mơya cau lơi dòn kơnòm di Yàng, gen bơta kòñ gơboh kơ̆ dơn gòm gơrwàng cau hơ̆.

Jơnau Pơnđik 11:23

Bơta kơp kòñ cau song ring dê mìng la bơta niam; Ai bơta kơp gơn cau iơh dê la bơta gơjrañ dờng.

Ejekiel 18:4

Bơh git lah kòp hwềng kis gơrê bal mơ Añ; hwềng soàn mè bèp kung be hwềng soàn kòn, gơrê jơh bal mơ Añ. Hwềng soàn lơi tìs glài gen hwềng soàn hơ̆ rơp chơt.

Ejekiel 22:31

Gen tàng Añ tuh bơta gơjrañ dờng añ jê hơđang bol khai, ngui ồs bơta gơjrañ Añ jê nàng sa roh bol khai, tuh wơl hơđang bồ bol khai jơh ală bơta bol khai neh lơh, Jehôwa Yàng Tom Trồ đơs behơ̆.’”

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Mathiơ 16:26

Dilah cau lơi geh jơh dunnia mơ roh hwềng soàn he, gen gơs ñchi kwơ cau hơ̆ in taih? Hala ñchi ai nàng tòmgơl mơ hwềng soàn he taih?

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Broă 28:17

Tơnơ̆ mơ pe ngai Pol jà ală cau kwang làng bol Juda dê pơjum bal. Neh bol khai tus jơh rau, gen Pol đơs lah: “Ơ oh mi añ, bulah añ ò lơh bơta lơi tòmsò mơ làng bol hala tòmsò mơ bơta òs mòng ồng pàng bol he dê, mơya añ kung kòl kup jàm bơh Jerusalem mơ bơtào tus tòm tê cau Rôma.

Broă 28:28

Behơ̆ oh mi git tĕ lah bơta dong klàs do Yàng Tom Trồ dê neh geh lòt tus hơ cau làng bol bơdìh; mơ bol khai kung rơp iat sơl.” [

Broă 3:26

Behơ̆ Yàng Tom Trồ neh sac rwah Cau Duh Broă Kơnràñ dê, mơ sồr Khai lòt tus ai lơngai ală oh mi in sơnròp ngan, mơ lơh kòp nă cau in tòm ală oh mi pơrlac sang bơta tồi glài iơh bơsak he dê.”

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Rôma 10:12

Bơh digùl cau Juda mơ cau Grek ò gơs bơta lơi cah is, bơh Yàng la Yàng jơh tơl nă cau in, Kơnràñ ai pà tơngkah tơngkañ kòp nă cau hòi dan di Kơnràñ.

Rôma 2:10

mơya bơta gơklŏ, sền dờng màng, lơngap lơngai ai ală cau lơh bơta niam in, lài la cau Juda, tơnơ̆ tai la cau làng bol bơdìh.

Rôma 8:35

Ñcau rơp cah is bol he bơh bơta kòñ gơboh Bơtau Krist dê taih? Hơ̆ la bơta rung rài, pơnjê pơngkồr, kup kơryan, jơgloh rung, ơm kuh lòi rồ, sơbơng rơng, hala crut đào sơl ơ?

Rôma 9:24

ală gri hơ̆ la bol he, la cau Kơnràñ neh hòi sac, ò di mìng bơh tòm ală cau Juda lơm, mơya kung bơh tòm ală cau làng bol bơdìh sơl.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

II Tesalônika 1:6

Bơh dilah bơta song ring Yàng Tom Trồ dê la ai bơta jê sồt bòl glar sal tê ală cau neh lơh jê sồt bòl glar di oh mi,

I Pier 4:17

Bơh tŭ tơngai cahrña neh tus, sơntòm bơh di hìu Yàng Tom Trồ dê; mơ dilah sơntòm bơh di bol he, gen bơta lồi dut ală cau ò dòn jat Jơnau Niam Yàng Tom Trồ dê rơp gơlik gơs mbe lơi taih?