Rôma 2:8 - Sră Goh 2018

⁸ ai cau lơi gơs nùs tòmdră, ò bài dòn jat jơnau song, mơya jat bơta ò song ring, gen Yàng Tom Trồ rơp tuh hơđang bol khai bơta gơjrañ dờng mơ gơhào gơjrañ.

Rôma 2:8 ပူးပေါင်းရင်းမြစ်များ

II Yal Yau 6:23

gen dan Kơnràñ iat bơh đang trồ mơ lơh broă, mơ cahrña ală cau duh broă Kơnràñ dê, tơm wơl cau tìs glài in mơ cèng bơta bol khai neh lơh hơđang bồ bol khai dê. Dan dong tò cau song ring in, wèt sền di bol khai jat bơta song ring bol khai dê.

Sră Jop 24:13

Gơs cau bơtào tòmdră di bơta àng, La cau ò mòng git gùng bơta àng, mơ ò ơm tòm gùng bơta àng dê.

Đơs Crih 90:11

Ñcau git kơlôi bơh gơnoar bơta gơhào gơjrañ Yàng dê taih? Ñcau git kơlôi bơh bơta gơjrañ dờng Kơnràñ dê gen rngòt di Kơnràñ taih?

Jơnau Pơnđik 11:23

Bơta kơp kòñ cau song ring dê mìng la bơta niam; Ai bơta kơp gơn cau iơh dê la bơta gơjrañ dờng.

Jơnau Pơnđik 13:10

Bơta pơnhừ să tơnggơs bơta tòm pơndang bal; Ai bơta jak chài ơm mơ cau dòp jơnau bơto tơngkah.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Jeremi 34:18

Añ rơp phi ală cau neh tìs bơta ho bal Añ, ò lơh jat ală jơnau ho bal neh bơtào di đap Añ, tòm tŭ bol khai reh kơnrồ kòn gơlik gơs bàr pơnah, mơ lòt gan digùl bàr pơnah gơ dê;

Ejekiel 22:31

Gen tàng Añ tuh bơta gơjrañ dờng añ jê hơđang bol khai, ngui ồs bơta gơjrañ Añ jê nàng sa roh bol khai, tuh wơl hơđang bồ bol khai jơh ală bơta bol khai neh lơh, Jehôwa Yàng Tom Trồ đơs behơ̆.’”

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Rôma 1:18

Bơta gơjrañ dờng Yàng Tom Trồ dê bơh đang trồ geh yal tơlik sò tơm di jơh ală bơta ò duh rngòt mơ ală bơta iơh bơsak kòn mơnus dê, hơ̆ la ală cau òs ngui bơta iơh bơsak nàng kup bơklơn jơnau song.

Rôma 10:16

Mơya ò di kòp nă cau neh kơno Jơnau Niam mơ dòn jat lơm ò; bơh Esai neh đơs lah: “Ơ Yàng, ñcau dòn jơnau bol hi bơto taih?”

Rôma 15:18

Bơh añ ò khin đơs bơh ală bơta ndai rlau mơ bơta Bơtau Krist kơnòm di añ lơh gơs nàng tề lam làng bol bơdìh tus hơ bơta dòn bơr, bơh jơnau đơs mơ broă lơh,

Rôma 6:17

Mơya ưnngài Yàng Tom Trồ, bơh tơnơ̆ mơ tŭ oh mi neh ơm dĭ gơna tồi glài dê, gen neh jơh nùs dòn bơr kơr sơnoa bơta bơto dê neh jào oh mi in.

Rôma 9:22

Yàng Tom Trồ kòñ sơnio bơta gơjrañ dờng mơ yal tơlik gơnap gơnoar Kơnràñ dê, gen neh ai oă bơta kong ơt mơ kong di ală cau pal gơjrañ neh prap lòi bơta roh rui in.

I Kôrintô 11:16

Mơya dilah cau lơi kòñ tòm pơndang, gen bol hi ò gơs bơta òs mòng behơ̆, mơ ală Hìu Jum Goh Yàng Tom Trồ dê kung ò gơs sơl.

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

Galati 5:20

duh rùp ràk, juh proh, sò tơm, jak tòmlah, ƀoah, gơjrañ mañ, tòm pơndang bal, cah is mpồl, jat gùng duh khoai tìs,

Philip 1:17

Mơya ală cau ne bơto yal bơh Bơtau Krist dô bă ò kòñ gơboh, mơya bơh nùs hàm kòñ sềt pơniă mơ kơlôi lah gơbơtơl tai bơta bòl glar añ in tòm tŭ kong kơt mơ che sreng.

Philip 2:3

Bañ lơh bơta lơi bơh nùs sềt pơniă hala bơh bơta gơklŏ ò kwơ, mơya pìn pơndêt tĕ să, kòp nă sền cau ndai la dờng màng rlau mơ he.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

Sră Pơyoa Pol Dê Pơyoa Tit In 3:9

Mơya pal pleh di ală bơta tòm pơndang tùl gơla, ală jơnau jòi yau jat jơi, ală bơta pơndang mơ tòm pơndang bal bơh bơta boh lam, bơh ală bơta hơ̆ la ò kwơ mơ roh lơm.

Hebrơ 10:27

mìng gam kơp gơn dô bă rngòt rngơt di bơta cahrña mơ ồs hơng rơp chu pơrguc ală cau sòdră di Yàng Tom Trồ.

Hebrơ 11:8

Bơh bơta dòn Abraham, tòm tŭ geh hòi sac, khai dòn bơr mơ lik lòt tus hơ tiah khai rơp dòp lơh gơs sre brê; khai lik lòt mơ ò git ntềng đah khai lòt.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

Jakơ 3:14

Mơya dilah tòm nùs oh mi gơs bơta ƀoah gơjrañ, sràt bơtang mơ lơh kơnềs, gen bañ jòng să mơ đơs blac tòmdră mơ jơnau song.

Jakơ 3:16

Bơh tiah lơi gơs bơta ƀoah gơjrañ mơ lơh kơnềs, gen tềng hơ̆ gơs bơta sơlồng sơlàng mơ tơl jơh ală bơta iơh rmơh.

I Pier 3:1

Kung behơ̆ sơl, ơ ală cau la bau ùr, dòn duh tĕ bau klau ai di, tồ dilah gơs bau klau lơi ò dòn jat jơnau Yàng, bulah bol ai ò ai jơnau Yàng nàng bơto bol khai, mơya bol khai kung rgơi kơnòm di bơta lơh lòt bol ai dê mơ gơlik gơs cau dòn,

I Pier 4:17

Bơh tŭ tơngai cahrña neh tus, sơntòm bơh di hìu Yàng Tom Trồ dê; mơ dilah sơntòm bơh di bol he, gen bơta lồi dut ală cau ò dòn jat Jơnau Niam Yàng Tom Trồ dê rơp gơlik gơs mbe lơi taih?

Yal Tơlik 14:10

gen cau hơ̆ kung rơp ñô tơrnòm bơta gơjrañ dờng ò crài Yàng Tom Trồ dê mơ êt di mơngàn bơta gơjrañ Kơnràñ dê, mơ khai rơp kong jê sồt tòm ồs mơ siau di đap ală cau gơnrơh sàng goh mơ di đap Belàt Kòn.

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.