Rôma 2:7 - Sră Goh 2018

⁷ Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Rôma 2:7 ပူးပေါင်းရင်းမြစ်များ

Sră Jop 17:9

Bulah behơ̆, cau song ring rơp ntào kơ̆ tòm ală gùng dà khai dê, Mơ ală cau gơs tê sàng goh rơp sơlo ngai sơlo pràn rlau.

Đơs Crih 27:14

Kơp gơn tĕ Yàng Jehôwa; Lơh tĕ pràn kơldang mơ kơ̆ nùs wền dơngoh; Ngan pal kơp gơn tĕ Yàng Jehôwa!

Đơs Crih 37:3

Dòn kơnòm tĕ di Yàng Jehôwa mơ lơh bơta niam; Gen mê rơp ơm tòm lơgar mơ geh Kơnràñ sền gàr.

Đơs Crih 37:34

Kơp gơn tĕ Yàng Jehôwa, mơ lơh jat gùng dà Kơnràñ dê, Gen Kơnràñ rơp yò tơngguh mê nàng dòp geh lơgar; Mê rơp gŏ bơta tơnroh cau iơh bơsak dê.

Ejekiel 18:17

Khai ruc tê wơl bơh di tồi glài mơ ò sa jền cồng kơnjơ̆ hala ai jền cồng oă rlau. Khai prap gàr ală bơta boh lam Añ jê mơ lơh jat ală jơnau sồr Añ jê. Khai rơp ò chơt bơh bơta tồi glài bèp khai dê, ngan la khai rơp kis.

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Luka 21:19

Kơnòm di bơta kơ̆ nùs bol mê dê mơ bol mê geh sròng hwềng soàn he dê.

Luka 8:15

Ai gar sơntìl ơm di ù niam la ală cau kơno jơnau Yàng, gen ai nùs song mơ lơbơn niam nàng prap gàr, ơt ơl mơ gơlik plai.

Jang 4:36

Cau toès leng jền tơngai, mơ tơrgòm plai prap bơta kis gam sùm sùm in, tồ cau sih gar mơ cau toès in gơs hòn chò bal mơ gơp.’

Jang 5:44

Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Rôma 2:10

mơya bơta gơklŏ, sền dờng màng, lơngap lơngai ai ală cau lơh bơta niam in, lài la cau Juda, tơnơ̆ tai la cau làng bol bơdìh.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

Rôma 8:18

Añ kòp lah ală bơta jê sồt tòm tŭ do ò di pal pơndròm mơ bơta gơklŏ rơp geh ràng tơlik bol he in.

Rôma 9:23

Kơnràñ kung kòñ yal tơlik bơta pas gơs bơta gơklŏ Kơnràñ dê gơwèt hơ bol he la ală cau pal kòñ nđàc mơ Kơnràñ neh rcang lài nàng dòp bơta gơklŏ Kơnràñ dê;

I Kôrintô 15:42

Bơta kis wơl ală cau chơt dê kung behơ̆ sơl. Să jan neh sih la òs ồm lề, geh kis wơl la ò ồm lề;

I Kôrintô 15:50

Ơ oh mi, añ đơs be do lah poac mơ mhàm ò geh pơrdòn lơgar Yàng Tom Trồ; bơta òs ồm lề kung ò geh pơrdòn bơta ò ồm lề.

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

Galati 6:9

Bol he bañ ruc wơl tòm bơta lơh broă niam, bơh dilah bol he ò gơplơ̆ nùs, gen tus di tŭ tơngai bol he rơp toès.

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

II Timôthe 1:10

tŭ do geh ràng tơlik bơh bơta tơlik să Yàng Krist Jesu, la Yàng Dong Klàs bol he dê, Bơtau neh tơnroh bơta chơt, ngui Jơnau Niam ràng tơlik loh làng bơta kis mơ bơta ò ồm lề.

Hebrơ 2:7

Yàng neh lơh Kòn Mơnus gơhuc dô êt mơ cau gơnrơh, Tơndau sơgơn bơtau gơklŏ mơ ryŭ ryơm Khai in, Ơn Khai hơđang ală broă tê Yàng lơh,

Hebrơ 6:12

tồ oh mi in ò lơh alah, mơya oh mi đòm jat ală cau gơs bơta dòn mơ bơta ơt ơl nàng pơrdòn jơnau ho pơgon.

Hebrơ 6:15

Behơ̆, Abraham neh kong ơt kơp gơn jŏ jòng, gen tàng khai dòp geh jơnau Yàng Tom Trồ neh ho pơgon.

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.