Rôma 2:6 - Sră Goh 2018

⁶ Bơh Yàng Tom Trồ rơp cahrña kòp nă cau in jat be broă bol khai lơh.

Rôma 2:6 ပူးပေါင်းရင်းမြစ်များ

Sră Jop 34:11

bơh jat ală broă bol khai neh lơh gen Kơnràñ rơp tơm wơl bol khai in, mơ jat be gùng dà bol khai dê, gen Kơnràñ rơp lơh behơ̆ hơđang bol khai.

Đơs Crih 62:12

Mơ tai, ơ Yàng Jehôwa, bơta kòñ gơboh kơ̆ dơn gơrê bal mơ Kơnràñ; Bơh Kơnràñ tơm wơl kòp nă cau in jat be broă lơh bol khai dê.

Lik Ejiptơ 32:34

Tŭ do, lòt tĕ, lam làng bol lòt tus di tiah Añ neh đơs, mơ cau gơnrơh Añ jê rơp lòt lài mơ mê. Bulah behơ̆, tòm tŭ tus di tŭ tơngai lơh glài gen Añ rơp lơh glài tài bơh tồi glài bol khai dê.”

Jơnau Pơnđik 24:12

Dilah kòn đơs: “Sền do, bol hi ò git bơta do;” gen Bơtau kơr sơnoa nùs cau, ngan ò di sền sơwì bơta hơ̆ ơ? Mơ Bơtau ê sền gàr hwềng soàn kòn rơp ò git sơl ơ? Behơ̆ Kơnràñ rơp ò tơm wơl kòp nă jat broă lơh bol khai ò ơ?

Jơnau Pơnđik 24:2

Bơh nùs bol khai kòñ bơta jàñ bơsak, mơ sơndồi bol khai đơs tơlik bơta roh gơcoh.

Jơnau Pơnđik 26:10

Cau lơi ơpah cau tùl gơla mơ cau nac lòt gan gùng, tòm toh be dô nă cau ling pañ kam lơh jê sồt oă cau.

Cau Bơto 3:17

Gen añ đơs tòm nùs lah: “Yàng Tom Trồ rơp cahrña cau song ring mơ cau iơh bơsak; bơh gơs bơta lơh nền tŭ tơngai kòp broă mơ kòp bơta in.”

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 32:19

Ală tơnggume broă Kơnràñ dê la dờng, ală broă lơh Kơnràñ dê la gơs gơnoar pràn. Gar mat Kơnràñ dê pò sền jơh ală gùng dà kòn mơnus dê, nàng tơm wơl kòp nă cau in jat gùng dà khai dê, mơ jat cồng nha broă lơh khai dê.

Ejekiel 18:20

Hwềng soàn lơi tìs glài gen hwềng soàn hơ̆ rơp chơt. Kòn rơp ò kong bơta tồi glài bơh bèp khai dê, mơ bèp kung ò kong bơta tồi glài bơh kòn khai dê sơl. Bơta song ring cau song ring dê rơp geh kòp khai in, mơ bơta iơh bơsak cau iơh bơsak dê rơp cèng bơta cahrña lơh glài khai in.

Ejekiel 18:30

Gen tàng, Yàng Jehôwa đơs lah: ‘Ơ hìu Israel, Añ rơp cahrña bol mê, kòp nă jat gùng dà khai dê. Gơjrañ sang glài tĕ! Pơrlac ngài tĕ bơh di jơh ală bơta tìs bol mê neh lơh; dilah ò, gen bơta tồi glài rơp la bơta tơnroh bol mê.

Ejekiel 36:19

Añ neh lơh gơprah gơpring bol khai digùl ală làng bol, mơ bol khai neh kong rsìh tòm ală lơgar; Añ neh cahrña bol khai jat bơta lơh lòt bol khai dê

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Rôma 14:22

Mê dòn be lơi, gen prap gàr tĕ behơ̆ digùl mê mơ Yàng Tom Trồ. Lơngai cau lơi in ò lơh nền glài să tòm khai in tòm bơta khai neh sơwì nền la di.

I Kôrintô 3:8

Cau tam mơ cau tuh la dô bă bal, mơya kòp nă rơp dòp phan ƀàn is he dê, jat be broă bòl glar khai neh lơh.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 11:15

Behơ̆ dilah ală cau duh broă gơ dê lơh tànggơ be cau duh broă bơta song ring, gen kung ò gơkrơi sơl; bơta lồi dut bol khai dê rơp dòp cồng nha jat be broă lơh bol khai dê.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

II Timôthe 4:14

Aleksandria la cau chài tiar kòng, neh lơh iơh di añ oă ngan; Yàng rơp sal wơl khai in jat be broă khai dê.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.

Yal Tơlik 22:12

“Do añ tus mhar, mơ cèng bal phan ƀàn nàng ai kòp nă cau in jat be broă bol khai lơh.