Rôma 2:5 - Sră Goh 2018

⁵ Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Rôma 2:5 ပူးပေါင်းရင်းမြစ်များ

II Yal Yau 30:8

Bañ lơh kơldang bồ kơldang ngko be ală ồng pàng bol mê dê, wèt tĕ să tòm bol mê hơ Yàng Jehôwa. Lòt tus tĕ hơ Tiah Sàng Goh mơ Kơnràñ neh ơn is sàng goh gam sùm sùm. Duh tĕ broă Jehôwa Yàng Tom Trồ bol mê dê, tồ bơta gơjrañ dờng Kơnràñ dê rơp pleh ngài bơh bol mê.

II Yal Yau 36:13

Khai kung tòmdră mơ bơtau Nebukatnessar la bơtau neh sồr khai srat să ho nền tòm sơnđan Yàng Tom Trồ dê. Khai kơldang bồ mơ kơldang nùs ò bài rê wơl hơ Yàng Jehôwa la Yàng Tom Trồ Israel dê.

Sră Jop 21:30

Hơ̆ la cau iơh bơsak neh prap lòi tòm ngai rung rài, Mơ khai geh dong tă tòm ngai gơjrañ dờng?

Đơs Crih 110:5

Yàng Jehôwa ơm đah ma mê; Kơnràñ rơp lơh bơcah lề ală cau bơtau tòm ngai Kơnràñ gơhào gơjrañ.

Đơs Crih 95:8

Bañ kơldang nùs be tòm Meriba, Be tòm ngai tòm Masa tòm ƀlàng ngềt ngơt,

Lik Ejiptơ 14:17

Gen Añ rơp lơh cau Ejiptơ in kơldang nùs nàng bol khai rơp mù tòm dàlềng mơ ting jat cau Israel. Mơ Añ rơp geh gơklŏ bơh Pharaôn bal mơ jơh mpồl ling khai dê, bơh ală rơndeh lòs tòmlơh bal mơ ală cau ling hào ơseh khai dê.

Lik Ejiptơ 32:34

Tŭ do, lòt tĕ, lam làng bol lòt tus di tiah Añ neh đơs, mơ cau gơnrơh Añ jê rơp lòt lài mơ mê. Bulah behơ̆, tòm tŭ tus di tŭ tơngai lơh glài gen Añ rơp lơh glài tài bơh tồi glài bol khai dê.”

Lik Ejiptơ 8:15

Mơya tòm tŭ Pharaôn gŏ khai neh geh ơm lơngai rau, gen kơldang nùs, ò iat jơnau Môise mơ Arôn dê, tòm toh jat be jơnau Yàng Jehôwa neh đơs.

Jơnau Pơnđik 1:18

Bulah behơ̆, bol khai kơp mòc nàng tơnchơt să tòm bol khai! Mơ kơp òm nàng tơnroh is bơta kis bol khai dê.

Jơnau Pơnđik 11:4

Tòm ngai gơjrañ dờng, phan mơna ò kwơ dô êt lơi, Mìng bơta song ring dong klàs bơh bơta chơt.

Jơnau Pơnđik 28:14

Cau lơi òs duh rngòt sùm sùm gơs lơngai ngan; ai cau lơi kơldang nùs rơp dùh tòm bơta sơbơng rơng.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Jeremi 40:3

mơ Yàng Jehôwa neh lơh tòm toh kung be Kơnràñ neh đơs, bơh bol mê tìs glài tòmdră mơ Yàng Jehôwa mơ ò lơh jat jơnau đơs Kơnràñ dê; gen tàng bơta do gơlik tus bol mê in.

Ejekiel 11:19

Añ rơp ai bol khai in dô nơm nùs ò wil wơl, mơ ai dô nơm hwềng pa tòm bol khai; Añ rơp tă sang nùs mơ lŭ bơh di bol khai mơ ai bol khai in dô nơm nùs mơ poac,

Ejekiel 3:7

Mơya hìu Israel rơp ò bài iat mê tài bơh bol khai ò bài iat Añ, bơh jơh dô nơm hìu Israel neh kră nùs mơ kơldang bồ.

Daniel 5:20

Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

Sră Ôse 13:12

Bơta tìs glài Epraim dê neh pùt wơl, tồi glài khai dê neh cih kah.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Rôma 1:18

Bơta gơjrañ dờng Yàng Tom Trồ dê bơh đang trồ geh yal tơlik sò tơm di jơh ală bơta ò duh rngòt mơ ală bơta iơh bơsak kòn mơnus dê, hơ̆ la ală cau òs ngui bơta iơh bơsak nàng kup bơklơn jơnau song.

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

Rôma 9:22

Yàng Tom Trồ kòñ sơnio bơta gơjrañ dờng mơ yal tơlik gơnap gơnoar Kơnràñ dê, gen neh ai oă bơta kong ơt mơ kong di ală cau pal gơjrañ neh prap lòi bơta roh rui in.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Yal Wơl 2:30

Mơya Sihôn bơtau Hesbôn ò bài lòi bol hi lòt gan lơgar khai dê. Bơh Jehôwa Yàng Tom Trồ bol mê dê neh lơh hwềng khai tòmdră mơ nùs khai kră kơldang tồ jào khai tòm tê bol mê dê tòm toh jat be Kơnràñ neh lơh rau.

Yal Wơl 32:34

Añ ò di neh prap gàr bơta hơ̆ tòm tiah prap lòi mơ prap kơ̆ bơta hơ̆ tòm tiah prap phan ò ơ?

II Tesalônika 1:5

Hơ̆ la cơng tàng loh làng bơh bơta cahrña song ring Yàng Tom Trồ dê, nàng oh mi in geh kòp la di pal ngan mơ lơgar Yàng Tom Trồ, kung bơh lơgar hơ̆ mơ oh mi gam kong bòl glar.

Hebrơ 3:13

Mơya tòm tŭ gam sơnđan la “Ngai do,” gen kòp ngai pal bơto tơngkah tĕ bal mơ gơp, rngòt gơs cau lơi digùl oh mi kòl tồi glài pơrlồm mơ gơlik kơldang nùs.

Hebrơ 3:15

be Sră Goh neh đơs lah: “Ngai do tòm tŭ bol mê kơno jơnau đơs Kơnràñ dê, Gen bol mê bañ kơldang nùs, be tòm tŭ tòmdră.”

Hebrơ 4:7

Gen jŏ tơnơ̆, tòm sră Đơs Crih Dabit cih, Kơnràñ pơgon dô ngai tai sơnđan la “Ngai do,” be hơđang neh đơs lah: “Ngai do, dilah bol mê kơno jơnau đơs Kơnràñ dê, Gen bañ kơldang nùs.”

Jakơ 5:3

Màh priă bol mê dê è sa rau, è sa hơ̆ rơp lơh cơng tòmsò mơ bol mê, gơ rơp sa poac bol mê dê kung be ồs sa behơ̆ sơl. Bol mê neh tơrgòm prap ală phan màng ală ngai lồi dut in.

Jôsue 11:20

Bơh Yàng Jehôwa neh lơh bol khai in kơldang nùs, nàng bol khai tus tòmdră mơ Israel tòm bơta lơh kơlìn, tồ bol khai pal kong tơnroh jơh, mơ ò rgơi dòp bơta nđàc; mơya pal tơnroh jơh jat be Yàng Jehôwa neh sồr Môise.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.

Jude 1:6

Ai ală cau gơnrơh ò prap gàr gơnoar broă bol khai dê mơya sang lòi tiah tòm bol khai dê, gen Yàng Tom Trồ neh kơt bol khai mơ che sreng gam sùm sùm tòm tiah klam jơngo jơl tus di ngai cahrña dờng.

Yal Tơlik 2:21

Añ neh ai khai in tŭ nàng gơjrañ sang glài, mơya khai ò bài gơjrañ sang glài rềs àr bơrnàn khai dê.

Yal Tơlik 6:17

Bơh ngai dờng bơta gơjrañ dờng Kơnràñ dê neh tus, ñcau rgơi ntào jai taih?”

I Samuel 6:6

Ñchi bơh tài bol mê lơh kơldang nùs kung be làng bol Ejiptơ mơ Pharaôn neh lơh taih? Tơnơ̆ mơ tŭ Kơnràñ neh lơh glài kơnjơ̆ di bol khai gen bol khai neh ò lòi Israel in khat gơboh nàng lik lòt ò ơ?