Rôma 2:4 - Sră Goh 2018

⁴ Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

Rôma 2:4 ပူးပေါင်းရင်းမြစ်များ

Đơs Crih 10:11

Khai kơlôi lah: “Yàng Tom Trồ neh hŭi rau, Kơnràñ neh pơndơp mat, rơp ò gơs tŭ lơi sền gŏ.”

Đơs Crih 104:24

Ơ Yàng Jehôwa, ală broă Kơnràñ dê la oă ngan ò git lơh! Kơnràñ neh lơh jơh ală bơta dô bă jak chài ngan; Plai ù bềng lìu ală phan kis mơ Kơnràñ neh crơng gơs.

Đơs Crih 31:19

Nùs niam Yàng dê la dờng ngan ò git lơh, La nùs niam mơ Yàng neh prap lòi ală cau in duh rngòt di Yàng, Mơ Kơnràñ bơtào kơ̆ ală cau in kìng crŭ să he tòm Yàng, di đap mat jơh tơl nă cau.

Đơs Crih 78:38

Bulah behơ̆, bơh nùs kòñ nđàc Kơnràñ toh bơta tồi glài iơh bơsak bol khai dê. Ò tơnroh bol khai; oă dơ̆ Kơnràñ tơnruc bơta gơhào gơjrañ Kơnràñ dê, mơ ò gơrơndul jơh bơta gơjrañ dờng Kơnràñ dê.

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Lik Ejiptơ 34:6

Mơ Kơnràñ lòt gan di đap Môise, mơ yal lah: “Jehôwa! Jehôwa! La Yàng Tom Trồ nđàc sơngit mơ kòñ nđàc, òbat gơhào gơjrañ, tơngkah tơngkañ nùs kòñ gơboh kơ̆ dơn mơ dòn song,

Cau Bơto 8:11

Tài bơh ò lơh nền glài tòmdră mo mơ ală broă iơh, gen tàng nùs kòn mơnus jak lơh bơta iơh.

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Jeremi 7:10

Lồc behơ̆ bol mê tơlik mat mơ Añ tòm hìu do, la tiah geh tơmoh bơh sơnđan Añ, mơ đơs lah: “Bol hi neh geh dong tă rau!” Tồ mìng pơnjat sùm lơh ală bơta cù kìr hơ̆ ơ?

Ejekiel 11:19

Añ rơp ai bol khai in dô nơm nùs ò wil wơl, mơ ai dô nơm hwềng pa tòm bol khai; Añ rơp tă sang nùs mơ lŭ bơh di bol khai mơ ai bol khai in dô nơm nùs mơ poac,

Ejekiel 16:63

Gen tòm tŭ Añ lơh bơta tơwài glài ai in bơh jơh ală bơta ai neh lơh, ai rơp kah wơl mơ ƀàssìl, mơ ai ò gam pò bơr tai tài bơh bơta ƀàssìl ƀàsso ai dê,” Jehôwa Yàng Tom Trồ đơs behơ̆.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Jôna 4:2

Khai hòi dan mơ Yàng Jehôwa lah: “Ơ Yàng Jehôwa, hơ̆ ò di la bơta mơ añ neh đơs tòm tŭ añ gam ơm tòm lơgar tòm añ jê ò ơ? Tài behơ̆ tàng añ sơrbac sơrbang dô pleh tus hơ Tarsi. Bơh añ git Kơnràñ la Yàng Tom Trồ gơs nùs kòñ nđàc, òbat gơjrañ, bềng bơta kòñ gơboh kơ̆ dơn, mơ tòmgơl nùs ò lơh glài.

Khà Làng Bol 14:18

‘Yàng Jehôwa la Bơtau òbat gơjrañ, bềng lìu bơta kòñ gơboh, toh glài mơ bơta tòmdră. Bulah Kơnràñ ò sang lòi bơta lơh glài cau tìs glài; Kơnràñ lơh glài ală kòn sau bơh tồi glài ală ồng pàng bol khai dê jơl tus di rài dơ̆ pe mơ dơ̆ poan.’

Rôma 10:12

Bơh digùl cau Juda mơ cau Grek ò gơs bơta lơi cah is, bơh Yàng la Yàng jơh tơl nă cau in, Kơnràñ ai pà tơngkah tơngkañ kòp nă cau hòi dan di Kơnràñ.

Rôma 11:22

Behơ̆ sền tĕ bơta kơ̆ dơn mơ bơta kràñ cê Yàng Tom Trồ dê; bơta kràñ cê gơwèt hơ cau neh gơtup tìs, ai bơta kơ̆ dơn gơwèt hơ mê, mìng la mê kư̆ ơm tòm bơta kơ̆ dơn Kơnràñ dê; dilah ò behơ̆ gen mê kung rơp gơkòl koh sơl.

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;

Rôma 6:1

Behơ̆, mbe bol he kòñ đơs taih? Bol he kư̆ ơm sùm tòm tồi glài tồ bơta nđàc in geh bơtơl lìu làc ơ?

Rôma 6:15

Behơ̆ gen mbe lơh taih? Bol he ò di ơm tòm gơnoar bơta boh lam mơya ơm tòm gơnoar bơta nđàc dê, gen bol he rơp kư̆ tìs glài sơl ơ? Ò di behơ̆!

II Kôrintô 8:2

Tòm tŭ bol khai ơm tòm bơta gơlòng bòl glar dờng, mơya bềng bơta hòn chò. Tòm bơta siơ̆u siar rlau jơh, gen nùs dờng ơnàng bol khai gơlik gơs lìu làc.

Ephesô 1:18

Dan Yàng Tom Trồ sòl pơnđàng tòm nùs oh mi dê, tồ oh mi in rgơi git bơta gơn kơnòm bơh bơta hòi sac Kơnràñ dê la mbe lơi, sre brê gơklŏ crih crài Kơnràñ dê tòm ală cau sàng goh la mbe lơi,

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 2:4

Mơya Yàng Tom Trồ la Bơtau gơs bềng lìu bơta kòñ sơngit, bơh bơta kòñ gơboh dờng Kơnràñ dê mơ Kơnràñ neh kòñ gơboh di bol he,

Ephesô 2:7

tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

Ephesô 3:16

Añ dan Kơnràñ jat be bơta gơklŏ crih crài Kơnràñ dê, kơnòm di Yàng Hwềng Kơnràñ dê bơh gơnap gơnoar mơ ai gòi oh mi in gơs pràn kơldang tòm cau đah dơlam,

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Philip 4:19

Yàng Tom Trồ añ jê rơp ai oh mi in ală bơta oh mi pal càng, jat be bơta pas gơs bơta gơklŏ Kơnràñ dê tòm Yàng Krist Jesu.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 2:2

tồ kơnòm di bơta geh gơtòmklac bal tòm bơta kòñ gơboh mơ bol khai geh kơ̆ nùs, tian gơs tus hơ bơta lìu làc tòm bơta git wă nền cê, mơ tòm bơta dòp git bơta ndơp ndơr Yàng Tom Trồ dê, hơ̆ la Bơtau Krist,

I Timôthe 1:16

Mơya añ neh geh Yàng kòñ nđàc, tồ Yàng Krist Jesu in yal tơlik bơta kong ơt wil tơl Kơnràñ dê tòm añ la cau glài kơnjơ̆ rlau jơh, nàng lơh krơh ală cau in rơp dòn Kơnràñ tồ geh bơta kis gam sùm sùm.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

I Pier 3:20

hơ̆ la ală cau ò dòn bơr tòm rài yau, tòm tŭ Yàng Tom Trồ kong ơt gơn tòm rài Nôe tòm tŭ khai pơng ơhò; tòm ơhò hơ̆ gơs mìng dô êt cau, la phàm nă lơm, geh dong klàs bơh dà.

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

II Pier 3:15

Pal kah tĕ lah bơta kong ơt Yàng bol he dê la bơh bơta dong klàs oh mi dê, kung be Pol, bi kòñ gơboh bol he dê, jat bơta jak chài neh ai khai in mơ cih sră pơyoa oh mi in sơl.

II Pier 3:3

Sơnròp ngan, pal git lah tòm ală ngai lồi dut rơp tus ală cau jak dơñŏ tơnhial ai jơnau dơñŏ tơnhial, jat nùs hàm kòñ is bol khai dê,

II Pier 3:9

Yàng ò di òbat bơh jơnau ho pơgon Kơnràñ dê be ală cau ne kơlôi la òbat, mơya Kơnràñ kong ơt gơwèt mơ oh mi, ò kòñ dô nă cau lơi roh rui, mơya kòñ jơh tơl nă git gơjrañ sang glài.

Yal Tơlik 2:21

Añ neh ai khai in tŭ nàng gơjrañ sang glài, mơya khai ò bài gơjrañ sang glài rềs àr bơrnàn khai dê.

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.