Rôma 2:16 - Sră Goh 2018

¹⁶ Behơ̆ jat be jơnau niam añ bơto yal; tòm ngai hơ̆, Yàng Tom Trồ kơnòm di Yàng Jesu Krist rơp cahrña ală bơta kơlôi sơnơng ndơp ndơr kòn mơnus dê.

Rôma 2:16 ပူးပေါင်းရင်းမြစ်များ

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Đơs Crih 50:6

Ală tap trồ bơto yal bơta song ring Kơnràñ dê, Tài bơh să tòm Yàng Tom Trồ la Bơtau cahrña! (Selah)

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

Cau Bơto 3:17

Gen añ đơs tòm nùs lah: “Yàng Tom Trồ rơp cahrña cau song ring mơ cau iơh bơsak; bơh gơs bơta lơh nền tŭ tơngai kòp broă mơ kòp bơta in.”

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Luka 8:17

Bơh ò gơs bơta lơi pồn mơ ò gơ pò tơlik, kung ò gơs broă lơi ndơp mơ ò geh git mơ ò gơtơlik loh làng.

Jang 12:48

Cau lơi sang Añ mơ ò dòp rò jơnau Añ, gen neh gơs kwang cahrña; jơnau Añ neh đơs rơp cahrña bol khai tòm ngai lồi dut.

Broă 10:42

Kơnràñ neh nting sồr bol hi bơto yal tĕ làng bol in, mơ lơh cơng lah să tòm Kơnràñ la Bơtau mơ Yàng Tom Trồ neh pồ bơtào lơh gơs Cau Kwang Cahrña cau kis mơ cau chơt.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Rôma 3:6

Ò di behơ̆! Dilah Yàng Tom Trồ ò song ring gen mbe rgơi cahrña dunnia taih?

I Kôrintô 15:1

Ơ oh mi, añ tơngkah wơl oh mi in Jơnau Niam añ neh bơto yal oh mi in, mơ oh mi neh dòp rau, mơ oh mi kung gam ntào kơ̆ tòm jơnau hơ̆.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Galati 1:11

Ơ oh mi, añ kòñ oh mi in git lah: Jơnau Niam añ neh bơto yal do, ò di tus bơh kòn mơnus;

I Timôthe 1:11

jat be Jơnau Niam gơklŏ Yàng Tom Trồ dê la Bơtau pal jòng ro neh jào añ in.

II Timôthe 2:8

Kah tĕ Yàng Jesu Krist deh bơh jơi bơtiàn bơtau Dabit, Bơtau neh kis wơl bơh bơta chơt jat be Jơnau Niam añ jê.

II Timôthe 4:1

Di đap Yàng Tom Trồ mơ di đap Yàng Krist Jesu la Bơtau rơp cahrña cau kis mơ cau chơt, añ bơh bơta tơlik mat Kơnràñ dê mơ bơh lơgar Kơnràñ dê mơ bơto kràñ cê mê in lah:

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Hebrơ 9:27

Jat be bơta neh lơh nền jơi kòn mơnus pal chơt dô dơ̆, gen tơnơ̆ pal kong cahrña,

I Pier 4:5

mơya bol khai pal yal broă mơ Bơtau neh rcang sir nàng cahrña cau kis mơ cau chơt.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,