Rôma 2:14 - Sră Goh 2018

¹⁴ Làng bol bơdìh la cau ò gơs bơta boh lam, mơya bol khai lơh is ală broă be bơta boh lam sồr, bol khai bulah ò gơs bơta boh lam, kung bơtào is bơta boh lam he in sơl.

Rôma 2:14 ပူးပေါင်းရင်းမြစ်များ

Broă 10:35

mơya tòm jơh ală làng bol, dilah cau lơi duh rngòt di Yàng mơ lơh bơta song ring, gen cau hơ̆ geh Kơnràñ dòp.

Broă 14:16

Tòm rài lài òr, Kơnràñ lòi jơh ală làng bol in lòt jat gùng is he dê,

Broă 17:30

Yàng Tom Trồ ò kòp ală rài cau òhềt git Kơnràñ ò, mơya tŭ do Kơnràñ sồr jơh ală cau tòm kòp bă tiah pal gơjrañ sang glài,

Rôma 1:32

Bulah bol khai neh git làm bơta boh lam Yàng Tom Trồ dê neh lơh nền lah ală cau tìs ală glài behơ̆ la pal chơt, mơya bol khai ò di mìng lơh tìs să tòm bol khai lơm, mơ kung dô nùs kòñ cau ndai lơh ală bơta hơ̆ sơl.

Rôma 2:12

Ală cau làng bol bơdìh ò gơs bơta boh lam Môise dê mơ tìs glài, gen kung rơp roh rui tòm bơta ò gơs bơta boh lam; ai ală cau Juda gơs bơta boh lam mơ tìs glài gen rơp kòl bơta boh lam cahrña;

Rôma 2:15

Bol khai yal tơlik loh lah broă bơta boh lam dê neh cih tòm nùs bol khai, nùs tồr bol khai dê kung lơh cơng bơta do la ngan, ai bơta kơlôi bol khai dê ƀà cok glài he, ƀà tò să he.

Rôma 2:27

Cau ò kong siat gơltau mơ lơh jat bơta boh lam, gen rơp cahrña di mê la cau bulah neh gơs sră bơta boh lam siat gơltau, mơya lơh tìs mơ bơta boh lam.

I Kôrintô 11:14

Jat bơta òs gơ dê ò di bơto oh mi lah: Dilah cau klau lòi sŏ jòng, gen lơh khai in ƀàssìl ò ơ?

I Kôrintô 9:21

Gơwèt mơ làng bol bơdìh añ kung be cau làng bol bơdìh, (bulah behơ̆, gơwèt mơ Yàng Tom Trồ, añ ò di la ò gơs bơta boh lam, mơya añ ơm hơđơm bơta boh lam Bơtau Krist dê), tồ geh cau làng bol bơdìh ơm bơdìh bơta boh lam cau Juda dê.

Ephesô 2:12

tŭ hơ̆ oh mi ơm ngài mơ Bơtau Krist, ơm bơdìh làng bol Israel, mơ be cau nac crih gơwèt hơ bơta ho bal jơnau ho pơgon dê. Tòm dunnia oh mi ò gơs bơta gơn kơnòm, mơ ò gơs Yàng Tom Trồ.

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

Yal Wơl 4:7

Bơh gơs làng bol dờng lơi ndai gơs dô nă yàng bol khai dê ơm rềp mơ bol khai be Jehôwa Yàng Tom Trồ bol he dê ơm rềp mơ bol he tòm tŭ bol he hòi dan mơ Kơnràñ sơl ơ?

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.