Rôma 2:10 - Sră Goh 2018

¹⁰ mơya bơta gơklŏ, sền dờng màng, lơngap lơngai ai ală cau lơh bơta niam in, lài la cau Juda, tơnơ̆ tai la cau làng bol bơdìh.

Rôma 2:10 ပူးပေါင်းရင်းမြစ်များ

Sră Jop 22:21

Behơ̆ dô nùs tĕ mơ Yàng Tom Trồ mơ gơtòmsòr bal mơ Kơnràñ, tòm gùng dà hơ̆ gen bơta niam rơp tus hơ ồng,

Đơs Crih 15:2

Hơ̆ la cau lòt jat bơta song ngan, lơh bơta song ring, Mơ đơs jơnau song tòm nùs khai dê.

Đơs Crih 29:11

Dan Yàng Jehôwa ai pràn kơldang làng bol Kơnràñ in; Dan Yàng Jehôwa ai bơta lơngap lơngai nàng ai lơngai làng bol Kơnràñ dê!

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Jơnau Pơnđik 11:18

Cau iơh dòp geh cồng nha roh lơm; Mơya cau sih bơta song ring dòp geh jền tơngai ngan.

Jơnau Pơnđik 8:18

Bơta pas sơm mơ bơta ryŭ ryơm la bal mơ añ, Phan mơna jŏ jòng, bơta bơtào tơngguh ơm bal mơ añ.

Esai 26:12

Ơ Yàng Jehôwa, Kơnràñ rơndap nền bơta ring lơngai bol hi in; jơh ală broă bol hi lơh gơs, Kơnràñ neh lơh bol hi in.

Esai 32:17

Cồng nha bơta song ring dê la bơta ring lơngai, plai đo bơta song ring dê rơp la ring ngềt mơ dòn kơnòm gam sùm sùm.

Esai 48:18

Ơ hơh kơp kòñ bol mê mìng ơn nùs tồr di ală jơnau sồr Añ jê, gen bơta pas gơs bol mê dê rơp kung be dô nơm hiòng dà, bơta cồng nha bol mê dê rơp be ală ryà dàlềng.

Esai 48:22

“Ală cau iơh bơsak ò geh bơta lơngap lơngai,” Yàng Jehôwa đơs behơ̆.

Esai 55:12

Bơh bol mê rơp lik lòt tòm bơta hòn chò, gen lam rê wơl tòm bơta lơngap lơngai. Ală mơnơm mơ ală dòr rơp ai jơnau đơs chò di đap bol mê, mơ jơh ală chi che tòm ƀlàng rơp tàp tê bol gơ dê.

Esai 57:19

Yàng Jehôwa đơs lah: ‘Lơngap lơngai, lơngap lơngai ală cau in ơm ngài mơ ơm rềp, mơ Añ rơp sơmbòi bol khai in.’

Jeremi 33:6

Mơya, Añ rơp ai pràn, mơ sơmbòi gơ in; Añ rơp sơm bol khai mơ ai bol khai in gŏ bơta tơngkah tơngkañ bơta lơngap lơngai mơ dong tă.

Khà Làng Bol 6:26

Dan Yàng Jehôwa wèt mat Kơnràñ dê hơ mê mơ ai mê in bơta lơngap lơngai.’

Mathiơ 10:13

Dilah hìu hơ̆ di pal, gen bơta lơngap lơngai bol mê dê rơp ơm tòm hìu hơ̆; dilah ò, gen bơta lơngap lơngai bol mê dê gơrê wơl hơ bol mê.

Luka 1:79

Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”

Luka 12:37

Lơngai ală cau dĭ gơna hơ̆ in, dơ̆ cau tòm rê, gŏ bol khai ơm drơng kơp! Di ngan Añ đơs mơ bol mê, cau tòm rơp kơt but he, ai bol khai in nggui, mơ tus duh broă bol khai in.

Luka 19:42

mơ đơs lah: “Kơp kòñ tòm ngai do mê rgơi git ală bơta lơh mê in ring lơngai. Mơya tŭ do mê ò rgơi sền gŏ gơ.

Luka 22:14

Tus di jơ sa, Kơnràñ nggui di cơnòng, ală cau gơnoar bơto dờng nggui bal mơ Kơnràñ.

Luka 9:48

mơ đơs mơ bol khai lah: “Dilah cau lơi bơh sơnđan Añ mơ wă rò kòn dềt do, hơ̆ la wă rò Añ; ai cau lơi wă rò Añ hơ̆ la wă rò Bơtau neh sồr Añ lòt tus. Bơh cau lơi dềt rhền rlau jơh digùl bol mê, hơ̆ la cau dờng rlau jơh.”

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Broă 10:35

mơya tòm jơh ală làng bol, dilah cau lơi duh rngòt di Yàng mơ lơh bơta song ring, gen cau hơ̆ geh Kơnràñ dòp.

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Rôma 2:9

Bơta rung rài mơ bơta bòl glar jê sồt dùh hơđang kòp nă cau lơh bơta iơh bơsak, lài la cau Juda, tơnơ̆ tai la cau làng bol bơdìh;

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Rôma 8:6

Bơta kơlôi wèt đah poac să la bơta chơt, ai bơta kơlôi wèt đah Yàng Hwềng la bơta kis mơ bơta lơngap lơngai;

Rôma 9:21

Cau tòm mòn gri ò di gơs gơnoar hơđang ù kơnàng, bơh tòm dô gơnru ù mơ lơh gơs gri ngui tòm bơta niam ryŭ, mơ gri ndai ngui tòm bơta ò diă ò diơng ò ơ?

Rôma 9:23

Kơnràñ kung kòñ yal tơlik bơta pas gơs bơta gơklŏ Kơnràñ dê gơwèt hơ bol he la ală cau pal kòñ nđàc mơ Kơnràñ neh rcang lài nàng dòp bơta gơklŏ Kơnràñ dê;

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Philip 4:7

Gen bơta lơngap lơngai Yàng Tom Trồ dê, la bơta jòng rlau jơh ală bơta git wă, rơp sền gàr nùs mơ bơta kơlôi sơnơng oh mi dê tòm Yàng Krist Jesu.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

Hebrơ 2:7

Yàng neh lơh Kòn Mơnus gơhuc dô êt mơ cau gơnrơh, Tơndau sơgơn bơtau gơklŏ mơ ryŭ ryơm Khai in, Ơn Khai hơđang ală broă tê Yàng lơh,

Jakơ 2:22

Behơ̆ gen, mê gŏ bơta dòn lòt bal mơ broă lơh khai dê, mơ kơnòm di broă lơh gen sồng bơta dòn geh wil tơl.

Jakơ 3:13

Tòm oh mi, ñcau la cau jak chài, git wă? Nggui tĕ bơta lơh lòt niam he dê nàng yal tơlik broă he lơh bơh nùs niam lơnhơn mơ bơta jak chài.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.