Rôma 16:2 - Sră Goh 2018

² Dan oh mi wă rò khai tòm Yàng dô bă di pal mơ cau sàng goh, mơ dong kòl khai tòm broă khai kơnòm di oh mi bơh să tòm khai neh dong kòl oă cau, mơ kung dong kòl añ sơl.

Rôma 16:2 ပူးပေါင်းရင်းမြစ်များ

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Broă 9:13

Anania ho lah: “Ơ Yàng, añ neh kơno oă cau yal bơh cau do neh lơh iơh oă di ală cau sàng goh Yàng dê tòm Jerusalem,

Broă 9:15

Mơya Yàng đơs lah: “Lòt tĕ, bơh khai la dô nơm phan ngui Añ neh sac rwah nàng cèng sơnđan Añ di đap ală làng bol bơdìh, ală cau bơtau mơ ală kòn sau Israel dê.

Broă 9:36

Tòm ƀòn dờng Jôppe, gơs dô nă cau ùr sơnđan la Tabitha, cih tơlik hơ̆ la Dorkas la cau bơtê; khai lơh oă broă lơbơn niam mơ jak pà gòi cau rƀah lơòi in.

Broă 9:39

Pier ñă lòt bal mơ bol khai. Neh tus tềng hơ̆ rau, cau lam Pier tus tòm ơdŭ tap hơđang; jơh ală cau ùr bơnrau ntào di gah Pier mơ ñìm, mơ tơyơr sơnio khai in sền ală ào jrùh mơ ồi ào ndai mơ Dorkas neh jing bol khai in tòm tŭ khai gam kis.

Broă 9:41

Pier ai tê yò tơngguh khai in ntào, gen hòi ală cau sàng goh mơ ală cau ùr bơnrau tus sơnio bol khai in mò neh kis.

Rôma 15:7

Behơ̆ gen oh mi dòp rò tĕ bal mơ gơp, kung be Bơtau Krist neh dòp rò oh mi, tồ Yàng Tom Trồ in geh gơklŏ.

Rôma 16:15

Dan còp să Philôlôgus mơ Julia, Nereus mơ lŏ khai dê, mơ Ôlimpas, mơ jơh ală cau sàng goh ơm mơ bol khai.

Rôma 16:23

Gaius la cau neh wă rò añ mơ wă rò jơh Hìu Jum Goh còp să oh mi. Erastus la cau kwang at bồ đam priă tòm ƀòn dờng, mơ Kwartus la oh mi añ, kung còp să oh mi sơl.

Rôma 16:6

Dan còp să Mari la cau neh lơh oă broă bòl glar bơh oh mi.

Rôma 16:9

Dan còp să Urbanus, la cau bơyô lơh broă bal mơ añ tòm Bơtau Krist, mơ Stakis la cau kòñ gơboh añ jê.

Ephesô 5:3

Digùl oh mi bañ đơs bơh bơta rềs àr bơrnàn, mơ jơh ală bơta ngkòr ngkàc, hala bơta hàm hà; behơ̆ gen sồng di pal la ală cau sàng goh.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Philip 2:29

Gen, ai tĕ bơta hòn chò wil tơl mơ wă rò khai tòm Yàng, mơ sền ală cau behơ̆ la dờng màng,

Kôlôse 4:10

Aritak, la cau bơyô kong jàm bal mơ añ, còp să oh mi; Mak, la oh mi jơi bơtiàn bal mơ Banaba, kung behơ̆ sơl. (Bơh Mak gen oh mi neh dòp jơnau sồr rau dilah khai tus hơ oh mi, wă rò tĕ khai.)

I Timôthe 2:10

mơya ai broă niam nàng sơmpô să, sồng di pal mơ cau ùr sơnđan is să he la cau ùr duh rngòt di Yàng Tom Trồ.

II Timôthe 1:18

Dan Yàng ai khai in bơta kòñ nđàc Yàng dê tòm ngai hơ̆! Mê git loh lah tòm Ephesô khai neh duh broă añ in oă ngan.

Sră Pơyoa Pol Dê Pơyoa Tit In 2:3

Ală mò kra kung behơ̆ sơl, pal lơh lòt jat bơta sàng goh, ò di đơs iơh, ò di lơh gơs dĭ tơrnòm alak dê, mơya pal lơh gơs cau bơto bơta niam,

Philemôn 1:12

Añ sồr khai rê wơl hơ bi; hơ̆ la kung be pơyoa nùs tòm añ jê bi in sơl.

Philemôn 1:17

Behơ̆ dilah bi sền añ la oh mi bơyô bi dê, gen dòp rò tĕ khai kung be dòp rò să tòm añ sơl.

II Jang 1:10

Dilah cau lơi lòt tus hơ oh mi mơ ò cèng bơta bơto sồr hơ̆, gen bañ rò khai mut tòm hìu, mơ bañ lùp còp khai;