Rôma 13:1 - Sră Goh 2018

¹ Kòp nă cau pal dòn duh tĕ cau gơs gơnoar at bồ he, bơh ò gơs gơnoar lơi la ò tus bơh Yàng Tom Trồ, ală gơnoar at bồ hơ̆ la bơh Yàng Tom Trồ bơtào gơs.

Rôma 13:1 ပူးပေါင်းရင်းမြစ်များ

Đơs Crih 62:11

Yàng Tom Trồ neh đơs dô dơ̆, Añ neh kơno bơta do bàr dơ̆: Hơ̆ la gơnap gơnoar gơrê bal mơ Yàng Tom Trồ.

Jơnau Pơnđik 24:21

Ơ kòn, duh rngòt tĕ Yàng Jehôwa mơ ki ngàm cau bơtau; bañ tòmklac bal mơ cau pơrlơ̆ dră;

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 4:32

Mê rơp kong bơtrơh bơh digùl kòn mơnus, rơp ơm bal mơ phan poan jơng tòm ƀlàng; mê rơp pal sa ñhơt be kơnrồ, mơ kong lơh glài tòm poh tơngai, jơl tus di tŭ mê đal git lah Bơtau Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.”

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Jang 19:11

Yàng Jesu ho lah: “Dilah ò di bơh hơđang neh ai ồng in, gen ồng ò gơs gơnoar lơi hơđang Añ; behơ̆ tàng, cau neh bơtào Añ ồng in gen cau hơ̆ gơs glài dờng rlau tai.”

Broă 2:41

Behơ̆ ală cau dòn jơnau hơ̆ gen gơs ƀaptem; mơ tòm ngai hơ̆ gơs pơgap pe rbô nă cau bơtơl tai tòm mpồl bol khai.

Rôma 12:21

Bañ lòi bơta iơh bơsak pha rlau mơ he, mơya ai tĕ bơta niam nàng pha rlau mơ bơta iơh bơsak.

Rôma 13:2

Gen tàng cau lơi tòmdră mơ ală cau gơs gơnoar, hơ̆ la tòmdră mơ gơnoar sồr Yàng Tom Trồ dê; mơ ală cau sòdră hơ̆ rơp kong àñ bơta lơh glài he in.

Ephesô 5:21

Duh rngòt tĕ di Bơtau Krist mơ dòn duh bal mơ gơp.

Yal Wơl 17:12

Cau lơi tòmdră ò dòn bơr cau kwang cahrña hala cau gơnoar ơn phan duh khoai ơm ntào tềng hơ̆ duh broă Jehôwa Yàng Tom Trồ bol mê dê gen cau hơ̆ pal kong tơnchơt. Bol mê pal tă sang bơta iơh bơsak bơh di Israel.

I Timôthe 2:2

ală cau bơtau in, mơ jơh ală cau gơnoar at bồ in, nàng bol he in geh kis dô bă ring lơngai mơ lơngap lơngai tòm bơta duh rngòt mơ dòn duh tòm jơh ală bơta.

Sră Pơyoa Pol Dê Pơyoa Tit In 3:1

Tơngkah tĕ ală cau dòn jat Yàng pal dòn duh ală cau kwang mơ cau gơnoar at bồ, pal dòn bơr, rcang sir nàng lơh jơh ală broă niam,

Jude 1:8

Bulah behơ̆, ală cau gơlơh be mpau do kung jat dô gùng hơ̆ mơ lơh ƀơ̆ ƀơl să jan he, pơndang sang gơnoar at bồ, mơ bơrsèl tơnhial di ală gơnoar dờng ryŭ.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.