Rôma 12:3 - Sră Goh 2018

³ Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

Rôma 12:3 ပူးပေါင်းရင်းမြစ်များ

Jơnau Pơnđik 25:27

Sa dà lơwe oă ò niam; mơ kư̆ jòi jat bơta gơklŏ he in, kung ò niam.

Jơnau Pơnđik 26:12

Kòn neh gŏ cau lơi jak chài jat mat khai sơl? Gam gơs bơta gơn kơnòm cau tùl gơla in rlau mơ khai.

Cau Bơto 7:16

Bañ lơh be song ring ir, kung bañ lơh be jak chài ir; ñchi bơh tài tơnroh să tòm he taih?

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Luka 18:11

Cau Pharisi ntào hòi dan òm be do: ‘Khoai Yàng Tom Trồ, añ ưnngài Kơnràñ bơh añ ò di be cau ndai, sa kwà, ò song ring, rềs àr bơrnàn, kung ò di be cau dar dia ne.

Jang 3:34

Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Rôma 11:20

Hơ̆ la song ngan; ală ntê neh jơh koh tài bơh ò dòn, mơ mê gam ntào tài bơh bơta dòn. Mê bañ pơnhừ să, mơya rngòt rngơt tĕ.

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

Rôma 12:16

Kis gơtòmsòr bal mơ gơp; bañ kơlôi hơ đah bơta dờng lin, mơya pơndêt tĕ să. Bañ jòng să he la jak chài.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

I Kôrintô 3:10

Jat bơta nđàc Yàng Tom Trồ neh ai añ in, añ neh bơt mơnàng kung be cau chài rgơi bơt, mơ cau ndai bơt hơđang. Mơya cau lơi bơt hơđang mơnàng hơ̆ pal kơrhia tĕ mbe he bơt.

I Kôrintô 7:17

Mìng kòp nă cau pal lơh lòt jat bơta nđàc Yàng neh pà he in, mơ jat be Yàng Tom Trồ neh hòi sac. Hơ̆ la jơnau sơnio lam añ neh bơto tòm ală Hìu Jum Goh.

II Kôrintô 10:13

Mơya bol hi ò kòñ jòng să rlau mơ sơnoa rnoas, mìng jat nhàr mơ Yàng Tom Trồ neh ai bol hi in, tòm nhàr hơ̆ kung gơs broă lơh bol hi dê digùl oh mi sơl.

II Kôrintô 12:13

Dilah ò kòp bơta să tòm añ ò lơh pơnjê di oh mi, gen gơs bơta lơi mơ oh mi gơhuc mơ ală Hìu Jum Goh ndai sơl? Dan toh glài añ in bơta ò ring behơ̆!

II Kôrintô 12:7

Mơ rngòt añ yò tơngguh is să añ oă bơh bơta yal tơlik dờng màng rlau jơh, gen neh ai dô nơm mŭ yar tòm poac añ, hơ̆ la dô nă cau kong sồr cà Satan dê neh pù lơh añ, tồ añ in ò yò tơngguh is să añ oă ir.

Galati 6:3

Bơh dilah gơs cau lơi kơlôi să tòm khai la cau kwơ màng, mơya ngan khai la cau ò kwơ dô êt lơi, gen khai pơrlồm is să khai dê.

Ephesô 3:2

ngan oh mi neh kơno bơh gơnoar broă bơta nđàc Yàng Tom Trồ dê neh jào añ in nàng duh broă oh mi,

Ephesô 3:4

Oh mi sền sră hơ̆ gen rgơi git loh bơta git wă añ jê bơh bơta ndơp ndơr Bơtau Krist dê,”

Ephesô 4:16

kơnòm dê Kơnràñ mơ jơh să jan geh crap mơ gơtòmklĕ bal bơh bơta dong kòl ală tiah tơrbŏ dê, jat be pràn kòp pơnah dê, lơh să jan gơlik dờng mơ bơtào is tòm bơta kòñ gơboh.

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Kôlôse 1:29

Kung bơh bơta hơ̆ mơ añ kong bòl glar lơh broă, tòmlơh jơh nùs kơnòm di pràn Kơnràñ dê mơ Kơnràñ lơh broă tòm añ dô bă gơs gơnap gơnoar.

Kôlôse 2:13

Ai oh mi, tòm tŭ neh chơt bơh bơta tìs glài oh mi dê mơ bơh bơta ò siat gơltau poac să oh mi dê, gen Kơnràñ neh lơh oh mi in kis bal mơ Bơtau Krist, bơh Kơnràñ neh toh jơh ală bơta tìs glài bol he dê.

I Timôthe 1:14

Mơ bơta nđàc Yàng bol he dê neh tơngkah tơngkañ oă ngan bal mơ bơta dòn mơ bơta kòñ gơboh tòm Yàng Krist Jesu.

I Timôthe 2:15

Bulah behơ̆, cau ùr rơp geh dong tă tòm bơta deh kòn, dilah kư̆ ơm tòm bơta dòn, bơta kòñ gơboh, mơ bơta gơlik gơs sàng goh, bal mơ bơta pơndêt să.

I Timôthe 2:9

Kung behơ̆ sơl, añ kòñ ală cau ùr sơmpô să mơ ồi ào dô bă ƀa liă, git jơnau mơ kràñ cê, ò bơka sŏ, ò ngui màh, lŭ kràng màng hala ồi ào kas jền nàng sơmpô să,

Sră Pơyoa Pol Dê Pơyoa Tit In 2:12

Bơta nđàc hơ̆ bơto bol he pơndang sang tĕ bơta ò duh rngòt mơ nùs hàm kòñ is dunnia dê, mơ pal kis dô bă git kơrhia, song ring mơ duh rngòt tòm rài do,

Sră Pơyoa Pol Dê Pơyoa Tit In 2:2

Tơngkah tĕ ală cau kra pal git kơrhia, kràñ cê, jak chài, ơm kơ̆ tòm bơta dòn, bơta kòñ gơboh mơ bơta ơt ơl.

Sră Pơyoa Pol Dê Pơyoa Tit In 2:4

nàng bơto cau ùr kơnòm să git kòñ gơboh bau, gơboh kòn he dê,

Sră Pơyoa Pol Dê Pơyoa Tit In 2:6

Kung pal bơto tơngkah ală cau klau kơnòm să lơh lòt dô bă git kơrhia.

Jakơ 4:6

Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”

I Pier 1:13

Behơ̆, oh mi gơs tĕ nùs kơlôi be cau kơt but lơh broă, drơng kơp, gơn kơnòm wil tơl di bơta nđàc rơp ai oh mi in tòm tŭ Yàng Jesu Krist tơlik mat.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

I Pier 4:7

Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

III Jang 1:9

Añ neh cih dô êt jơnau Hìu Jum Goh in rau, mơya Diôtrep la cau kòñ lơh gơs cau lam bồ bol khai, gen ò bài dòp gơnoar añ jê.