Rôma 12:2 - Sră Goh 2018

² Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

Rôma 12:2 ပူးပေါင်းရင်းမြစ်များ

Ejra 10:11

Tŭ do yal glài tĕ di đap Yàng Jehôwa la Yàng Tom Trồ ală ồng pàng bol mê dê, mơ lơh jat tĕ nùs kòñ Kơnràñ dê. Cah is tĕ să tòm bol mê bơh di ală làng bol ơm gùt dar bol mê mơ bơh di ală bau ùr làng bol bơdìh bol mê dê.”

Đơs Crih 119:103

Jơnau Yàng dê la bơkah lơngồt añ in ò git nđò, Ngan lơngồt rlau mơ dà lơwe tòm bơr añ jê!

Đơs Crih 119:128

Ngan, añ lòt jat jơh ală jơnau sồr Yàng dê; Añ gơjrañ kơuềng di kòp nơm gùng dà ma blac.

Đơs Crih 119:174

Ơ Yàng Jehôwa, añ kơp kòñ ngan bơta dong klàs Yàng dê; Añ hừh nùs bơh bơta boh lam Kơnràñ dê.

Đơs Crih 119:72

Bơta boh lam bơh bơr Yàng đơs La kwơ màng añ in rlau mơ rbô rhiang màh priă.

Đơs Crih 119:97

Añ kòñ gơboh bơta boh lam Yàng dê ò git lơh! Jơh ngai mho añ kơlôi sơnơng bơh bơta boh lam hơ̆.

Đơs Crih 34:8

Lòng tĕ mơ sền Yàng Jehôwa la niam ò git nđò! Lơngai cau lơi in kìng crŭ tòm Kơnràñ!

Đơs Crih 51:10

Ơ Yàng Tom Trồ, dan crơng gơs tòm añ dô nơm nùs sàng goh; Mơ ơn tòm añ dô nơm hwềng nùs pa mơ song ngan.

Lik Ejiptơ 23:2

Bañ jat bol oă tòm broă tìs. Tòm tŭ bol mê lơh cơng tòm bơta yă wơn, bañ ntào bal mơ bol oă mơ lơh tìs bơta song ring,

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Ejekiel 36:26

Añ rơp ai bol mê in dô nơm nùs pa, mơ ơn dô nơm hwềng pa tòm bol mê; Añ rơp tă nùs mơ lŭ bơh di bol mê, mơ ai bol mê in nùs mơ poac.

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Jơnau Niam Jat Mak 4:19

mơya bơta kơlôi rcang rài do dê, bơta pơrlồm bơta pas sơm dê, mơ ală bơta hàm kòñ ndai gơtơmut tòm nùs bol khai, lơh gơrềt jơnau hơ̆ gen ò gơlik plai.

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

Jang 15:19

Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê.

Jang 17:14

Añ neh ai jơnau Bèp dê bol khai in, mơ dunnia gơjrañ di bol khai tài bơh bol khai ò bal mơ dunnia, kung be Añ ò bal mơ dunnia sơl.

Jang 7:7

Dunnia ò rgơi gơjrañ kơuềng di bol mê, mơya gơjrañ kơuềng di Añ, tài bơh Añ lơh cơng dunnia in git lah ală broă bol khai dê la iơh bơsak.

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Rôma 13:14

Mơya dòp soh tĕ Yàng Jesu Krist, bañ rcang đah poac să nàng lơh jat bơta hàm kòñ is gơ dê.

Rôma 7:12

Gen behơ̆ bơta boh lam la sàng goh, mơ bơta sồr lam kung la sàng goh, song ring mơ niam sơl.

Rôma 7:14

Mơ tai, bol he git bơta boh lam la đah hwềng, mơya añ la đah poac să neh kòl tac tồi glài in.

Rôma 7:22

Bơh jat cau đah dơlam, añ geh hừh nùs tòm bơta boh lam Yàng Tom Trồ dê;

I Kôrintô 3:19

Bơh bơta jak chài dunnia dê gơwèt mơ Yàng Tom Trồ la tùl gơla. Be Sră Goh neh cih lah: “Kơnràñ kup ală cau jak chài tòm bơta lac lèo bol khai dê.”

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

Galati 1:4

la Bơtau neh phi să bơh tồi glài bol he dê, nàng dong tă bol he klàs bơh rài iơh do, jat be nùs kòñ Yàng Tom Trồ la Bèp bol he dê.

Ephesô 1:18

Dan Yàng Tom Trồ sòl pơnđàng tòm nùs oh mi dê, tồ oh mi in rgơi git bơta gơn kơnòm bơh bơta hòi sac Kơnràñ dê la mbe lơi, sre brê gơklŏ crih crài Kơnràñ dê tòm ală cau sàng goh la mbe lơi,

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Ephesô 5:17

Gen tàng bañ tùl gơla, mơya pal git wă nùs kòñ Yàng dê la mbe lơi.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Kôlôse 3:10

mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

I Tesalônika 4:3

Bơh nùs kòñ Yàng Tom Trồ dê, hơ̆ la oh mi gơlik gơs sàng goh, bañ tìs glài rềs àr bơrnàn.

Sră Pơyoa Pol Dê Pơyoa Tit In 3:5

ò di bơh broă song ring să tòm bol he neh lơh ò, mơya jat nùs kòñ nđàc Kơnràñ dê, kơnòm di bơta rào goh bơh bơta deh wơl pa mơ bơta tòmgơl pa tòm Yàng Hwềng Goh.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

I Pier 1:14

Oh mi be kòn sau jak dòn bơr, gen bañ đòm jat ală bơta hàm kòñ is lài òr, la tŭ oh mi gam bơrngơl gơla.

I Pier 1:18

Bơh oh mi git lah ò di bơh phan òs roh rui be priă hala màh mơ oh mi neh geh tơwài lik klàs bơh bơta lơh lòt ò kwơ mơ ồng pàng lòi wơl he in ò,

I Pier 2:3

dilah oh mi neh git làm bơta kơ̆ dơn Yàng dê.

I Pier 4:2

nàng tòm ală ngai gam kis tòm poac să gen ò jat tai ală bơta hàm kòñ is kòn mơnus dê, mơya jat nùs kòñ Yàng Tom Trồ dê.

II Pier 1:4

Kung bơh bơta gơklŏ mơ bơta kơ̆ dơn hơ̆, Kơnràñ neh ai bol he in jơnau ho pơgon màng ngan mơ dờng ngan Kơnràñ dê, nàng kơnòm di bơta hơ̆ oh mi geh pleh klàs bơh di bơta ồm lề tòm dunnia gơlik bơh nùs hàm kòñ is, mơ geh pơnah tòm nùs Yàng Tom Trồ dê.

II Pier 2:20

Dilah bol khai neh kơnòm dê bơta dòp git Yàng la Yàng Dong Klàs bol he dê la Yàng Jesu Krist, mơ geh lik klàs bơh bơta ngkòr ngkàc dunnia dê rau, mơ dilah gơkòl ală bơta hơ̆ kơt wơl mơ at bồ tai, gen bơta lồi dut bol khai dê rơp gơlik iơh rlau mơ lài òr.

I Jang 3:13

Ơ oh mi, dilah dunnia gơjrañ kơuềng di oh mi, gen bañ ai lơh krơi.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.