Rôma 11:4 - Sră Goh 2018

⁴ Mơya mbe Yàng Tom Trồ ho wơl mơ khai taih? “Añ neh prap lòi Añ in poh rbô nă cau klau ò cùn gơltang di đap Baal.”

Rôma 11:4 ပူးပေါင်းရင်းမြစ်များ

I Ală Bơtau 16:31

Bơh khai sền dềt rhền khai in nàng lòt tòm tồi glài Jerôbôam, kòn klau Nebat dê, khai lòt bau mơ Jesabel, kòn ùr Etbaal, bơtau cau Sidôn; khai kung lòt duh broă Baal mơ duh khoai gơ.

I Ală Bơtau 19:10

Khai ho lah: “Añ neh jơh nùs, ngac ngar bơh Jehôwa Yàng Tom Trồ Gơnap Gơnoar Dờng Làm Jơh; bơh làng bol Israel neh sang lòi bơta ho bal Kơnràñ dê, phà tơrlah ală cơnòng duh khoai Kơnràñ dê, mơ tơnchơt ală cau gơnoar hwơr Kơnràñ dê mơ đào; mìng dô nă añ gam wơl, mơ bol khai kung jòi bơta kis añ nàng tơnchơt.”

I Ală Bơtau 19:18

Mơya Añ rơp ơn is poh rbô nă cau tòm Israel jơh ală gơltang hơ̆ òhềt cùn khoai di đap Baal, mơ kòp nơm sơndồi bol khai òhềt cum gơ.”

Esai 4:3

Ală cau gam wơl tòm Siôn, mơ ală cau gam ơm wơl tòm Jerusalem, hơ̆ la jơh ală cau geh sơnđan la sàng goh, jơh tơl nă cau geh cih tòm sră cau kis dê tòm Jerusalem.

Jeremi 19:5

Kung bơt bơtào ală tiah jơnhoa Baal in nàng chu ală kòn dềt bol khai dê lơh gơs phan chu pơdơng Baal in, la bơta Añ ò tŭ lơi ai gơnoar sồr, ò tŭ lơi yal, la bơta Añ ò tŭ lơi kơlôi sơnơng tòm nùs Añ.’

Sră Ôse 13:1

Tòm tŭ Epraim đơs, cau rơm să rngòt; khai neh geh yò tơngguh tòm Israel. Mơya khai neh tìs glài duh khoai Baal mơ kong chơt.

Sră Ôse 2:8

Khai òhềt đal git Añ la Bơtau neh ai khai in kòi mbo, tơrnòm mơ mơñà, neh tuh khai in oă ngan priă mơ màh mơ khai neh ngui nàng lơh gơs phan ơn Baal in.

Sôphôni 1:4

Añ rơp pò tê Añ jê tòmdră mơ Juda mơ jơh ală cau ơm tòm Jerusalem. Añ rơp tơnroh jơh ală bơta gam wơl Baal dê, mơ jùt sơnđan jơh ală cau gơnoar ơn phan duh khoai duh khoai rùp ràk;

Khà Làng Bol 25:3

Behơ̆ Israel lơh gơs dô bă bal tòm bơta duh khoai Baal Pheor dê. Mơ bơta gơhào gơjrañ Yàng Jehôwa dê gơhào khuh tòmdră mơ bol khai.

Yal Wơl 4:3

Mat bol mê neh gŏ ală bơta mơ Yàng Jehôwa neh lơh tòm broă Baal Pheor. Jehôwa Yàng Tom Trồ bol mê dê neh tơnroh bơh digùl bol mê jơh ală cau jat Baal Pheor,

Ală Kwang Cahrña 2:13

Bol khai neh sang lòi Yàng Jehôwa mơ duh broă ală yàng Baal mơ Astarte.