Rôma 10:2 - Sră Goh 2018

² Bơh añ lơh cơng bơh bol khai lah bol khai gơs nùs ngac ngar bơh Yàng Tom Trồ, mơya ò di jat mơnàng bơta git jak ngan.

Rôma 10:2 ပူးပေါင်းရင်းမြစ်များ

II Ală Bơtau 10:16

mơ đơs lah: “Tus tĕ mơ añ, sền nùs ngac ngar añ jê bơh Yàng Jehôwa.” Behơ̆, Jehu mơ khai hào hơđang rơndeh.

Đơs Crih 14:4

Jơh ală cau lơh iơh bơsak ò git wă sơl ơ? Bol khai sa loan làng bol Añ jê be sa ƀañ, Mơ kung ò gơs tŭ lơi hòi dan mơ Yàng Jehôwa sơl.

Jơnau Pơnđik 19:2

Nùs duh hul siơ̆u bơta git wă hơ̆ ò di dô bơta niam; mơ cau lơi sơrbac cơnđòa kong gơtup tìs.

Esai 27:1

Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Broă 21:20

Tòm tŭ kơno rau, gen bol khai jòng ro Yàng Tom Trồ, mơ đơs mơ Pol lah: “Ơ bi, bi rgơi gŏ ò git nđò rbô nă cau Juda neh dòn jat, mơ jơh tơl nă bol khai ngac ngar ngan bơh bơta boh lam.

Broă 21:28

mơ hòi driau lah: “Ơ cau Israel, dong kòl tĕ! Do la cau neh bơto sồr làm jơh ƀòn lơgar nàng tòmdră mơ làng bol, tòmsò mơ bơta boh lam Môise, mơ hìu duh khoai do sơl; tian gơs khai kung lam cau Grek mut tòm hìu duh khoai, mơ lơh ngkòr ngkàc tiah sàng goh do.”

Broă 22:22

Bol khai iat Pol tus di jơnau hơ̆, gen hòi driau lah: “Tơnroh tĕ cau be do bơh di plai ù! Khai ò di pal kis tai!”

Broă 22:3

“Añ la cau Juda, deh tòm Tarsơ kơnhwàl Silisi, mơya añ geh ròng siam tòm ƀòn dờng Jerusalem, la cau bơtê Gamaliel dê, jat dô bă kràñ cê bơta boh lam ồng pàng bol he dê, mơ gơs nùs ngac ngar gơwèt hơ Yàng Tom Trồ, kung be jơh ală ồng tòm ngai do sơl.

Rôma 10:1

Ơ oh mi, bơta kơp kòñ tòm nùs añ mơ bơta añ hòi dan mơ Yàng Tom Trồ, hơ̆ la tồ làng bol Israel in geh dong klàs.

Rôma 10:3

Bơh bol khai ò dòp git bơta song ring Yàng Tom Trồ ai, mơ jòi bơtào bơta song ring is he dê, gen tàng ò bài dòn duh bơta song ring Yàng Tom Trồ dê;

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

II Kôrintô 8:3

Bơh añ lơh cơng lah bol khai neh rì is jền jat pràn bol khai dê, mơ kung rlau mơ pràn bol khai dê sơl,

Galati 1:14

añ ntoat tơngguh tòm gùng duh khoai cau Juda dê rlau jơh mơ ală cau dô rơh dô rài bal mơ añ: Añ la cau ngac ngar rlau jơh bơh jơnau òs yau ồng pàng añ jê.

Galati 4:15

Oh mi hòn chò oă ngan! Ñchi bơta neh gơlik gơs taih? Bơh añ lơh cơng lah dilah rgơi gen oh mi kung klĕ gar mat oh mi dê mơ ai añ in sơl.

Philip 1:9

Bơta añ hòi dan hơ̆ la dan bơta kòñ gơboh oh mi dê sơlo ngai sơlo gơbơtơl lìu làc rlau tai, bal mơ bơta git wă jơnau song mơ bơta cahrña wil tơl,

Philip 3:6

bơh nùs ngac ngar gen la cau kup kơryan Hìu Jum Goh, ai bơh bơta song ring bơta boh lam dê gen ò gơs tiah geh lah pơrhơng.

Kôlôse 4:13

Bơh añ lơh cơng bơh khai lah, khai kong oă broă bòl glar bơh oh mi, bơh cau ơm tòm Laodise, mơ bơh cau ơm tòm Hierapôlis sơl.