Rôma 10:1 - Sră Goh 2018

¹ Ơ oh mi, bơta kơp kòñ tòm nùs añ mơ bơta añ hòi dan mơ Yàng Tom Trồ, hơ̆ la tồ làng bol Israel in geh dong klàs.

Rôma 10:1 ပူးပေါင်းရင်းမြစ်များ

Lik Ejiptơ 32:10

Tŭ do lòi tĕ Añ in lơh is, tồ bơta gơjrañ dờng Añ jê gơhào khuh gơwèt mơ bol khai, nàng Añ tơnroh jơh bol khai. Gen Añ rơp lơh mê in gơlik gơs dô nơm làng bol dờng.”

Lik Ejiptơ 32:13

Dan Yàng kah wơl bơh Abraham, Isak, mơ Israel, la ală cau duh broă Kơnràñ dê, mơ Kơnràñ neh ai să tòm Kơnràñ mơ srat să ho nền mơ bol khai lah: ‘Añ rơp ai jơi bơtiàn bol mê in gơbơtơl oă kung be sơmañ hơđang trồ, mơ Añ rơp ai jơi bơtiàn bol mê in jơh lơgar mơ Añ neh ho mơ bol khai, mơ bol khai rơp geh lơgar hơ̆ lơh gơs sre brê jơl sùm sùm.’”

Jeremi 17:16

Ai añ, añ ò sang gơnoar broă ê gàr tòm bơta duh broă Kơnràñ. Añ kung ò kơp gơn tơngai bòl glar, Kơnràñ ngan neh git. Jơnau lik bơh bơr añ jê.

Jeremi 18:20

Bơta iơh rgơi tơm wơl bơta niam ơ? Bơh bol khai neh tò trồm lơh iơh bơta kis añ in. Dan kah wơl mbe añ neh ntào di đap Kơnràñ, Bơh bol khai mơ dan bơta lơngai, Bơta gơjrañ Kơnràñ dê wèt ngài bơh bol khai.

Luka 13:34

Ơ Jerusalem, Jerusalem, mê tơnchơt ală cau gơnoar hwơr, cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê be iar me ngkrok ală kòn gơ tus hơđơm đar gơ dê, mơya bol mê ò bài!

Jang 5:34

Añ ò càng kơnòm bơta lơh cơng bơh cau, bulah behơ̆ Añ đơs ală bơta hơ̆ nàng bol mê in geh dong klàs.

Rôma 10:2

Bơh añ lơh cơng bơh bol khai lah bol khai gơs nùs ngac ngar bơh Yàng Tom Trồ, mơya ò di jat mơnàng bơta git jak ngan.

Rôma 9:33

be neh cih lah: “Do Añ lòi di Siôn dô nơm pơnai lŭ gơtup jơng, dô nơm pơnai lŭ gơtup pừ; Cau lơi dòn di lŭ hơ̆ gen rơp ò gơs ƀàssìl.”

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.

I Samuel 15:35

Samuel ò tìp Sol tai jơl tus di ngai khai chơt, mơya Samuel ñìm rac bơh Sol. Mơ Yàng Jehôwa moat jrùng bơh neh bơtào Sol gơs bơtau at bồ Israel.