Rôma 1:7 - Sră Goh 2018

⁷ Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 1:7 ပူးပေါင်းရင်းမြစ်များ

Đơs Crih 60:5

Bơta pha lin rlau tòm tê ma Kơnràñ dê, mơ ho wơl bol hi in, Tồ cau kòñ gơboh Kơnràñ dê rgơi geh dong tă!

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Khà Làng Bol 6:25

Dan Yàng Jehôwa sòl pơnđàng mat Kơnràñ dê hơđang mê mơ kòñ nđàc di mê;

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

Broă 15:23

Bal mơ sră pơyoa be tơnơ̆ do: “Bol hi, la cau gơnoar bơto dờng mơ ală cau kwang kra, mơ oh mi, oh mi dê pơyoa jơnau còp să ală oh mi cau làng bol bơdìh tòm Antiôt, Siri mơ Silisi.

Broă 9:13

Anania ho lah: “Ơ Yàng, añ neh kơno oă cau yal bơh cau do neh lơh iơh oă di ală cau sàng goh Yàng dê tòm Jerusalem,

Rôma 1:6

Kung bal mơ oh mi la ală cau ơm tòm Rôma, ală cau geh Yàng Tom Trồ hòi sac nàng gơrê hơ Yàng Jesu Krist.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.

Rôma 8:28

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

Rôma 8:39

đah jơnhoa hala đah jrô, hala dô nơm phan lơi ndai neh geh crơng gơs, ò rgơi cah is bol he bơh bơta kòñ gơboh Yàng Tom Trồ dê ơm tòm Yàng Krist Jesu la Yàng bol he dê.

Rôma 9:25

Ngan be Kơnràñ neh đơs tòm sră Ôse lah: “Añ rơp sơnđan cau ò di làng bol Añ la làng bol Añ jê, Cau ò di kòñ gơboh la kòñ gơboh.”

I Kôrintô 1:24

mơya gơwèt hơ ală cau geh hòi sac, cau Juda hala cau Grek, gen Bơtau Krist la gơnap gơnoar Yàng Tom Trồ dê mơ la bơta jak chài Yàng Tom Trồ dê.

I Kôrintô 16:23

Dan bơta nđàc Yàng Jesu Krist dê ơm bal mơ oh mi.

Galati 6:18

Ơ oh mi, dan bơta nđàc Yàng Jesu Krist bol he dê ơm bal mơ hwềng nùs oh mi dê. Amen.

Ephesô 1:2

Dan oh mi in geh bơta nđàc, mơ bơta lơngap lơngai, bơh Yàng Tom Trồ la Bèp bol he dê, mơ bơh Yàng Jesu Krist.

Ephesô 6:23

Dan oh mi in geh bơta lơngap lơngai, bơta kòñ gơboh bal mơ bơta dòn bơh Yàng Tom Trồ la Bèp mơ bơh Yàng Jesu Krist.

Yal Wơl 33:12

Bơh Benjamin khai neh đơs lah: “Dan lòi cau kòñ gơboh di Yàng Jehôwa ơm rlô ring lơngai, Yàng Tom Trồ Hơđang Rlau Jơh jơm gòm khai jơh ngai mang, cau kòñ gơboh geh rlô digùl pơnì Kơnràñ dê.”

Philip 1:2

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê mơ bơh Yàng Jesu Krist!

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Philip 4:20

Dan bơta gơklŏ gơrê mơ Yàng Tom Trồ la Bèp bol he dê sùm sùm ò lồi. Amen.

Philip 4:23

Dan bơta nđàc Yàng Jesu Krist dê ơm bal mơ hwềng nùs oh mi dê.

Kôlôse 1:2

pơyoa ală cau sàng goh in mơ ală oh mi dòn song tòm Bơtau Krist ơm tòm Kôlôse: Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê.

Kôlôse 3:12

Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

I Tesalônika 1:1

Pol, Silbanus, mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp, mơ tòm Yàng Jesu Krist: Dan oh mi in geh bơta nđàc mơ bơta lơngap lơngai.

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

I Tesalônika 1:4

Ơ oh mi la cau geh Yàng Tom Trồ kòñ gơboh, bol hi git oh mi neh geh sac rwah,

I Tesalônika 4:7

Bơh Yàng Tom Trồ ò di hòi bol he tus hơ bơta ngkòr ngkàc ò, mơya tus hơ bơta gơlik gơs sàng goh.

I Tesalônika 5:28

Dan bơta nđàc Yàng Jesu Krist bol he dê ơm bal mơ oh mi.

II Tesalônika 1:2

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp mơ bơh Yàng Jesu Krist!

II Tesalônika 3:16

Dan să tòm Yàng la Bơtau ai bơta lơngap lơngai sùm sùm tòm jơh ală bơta. Dan Yàng ơm bal mơ jơh tơl nă oh mi.

II Tesalônika 3:18

Dan bơta nđàc Yàng Jesu Krist bol he dê ơm mơ jơh tơl nă oh mi.

I Timôthe 1:2

pơyoa Timôthe in la kòn tòm añ jê tòm bơta dòn: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê!

I Timôthe 6:2

Cau lơi gơs cau tòm la cau dòn jat, gen ò di ai kai bơh la oh mi mơ sền òsơp di khai; mơya pal sơlo duh broă lin rlau tai, bơh cau dòp geh tơngai broă he dê la cau dòn jat mơ la cau he kòñ gơboh. Hơ̆ la ală bơta mê pal bơto sồr mơ bơto tơngkah.

II Timôthe 1:2

Pơyoa Timôthe in la kòn kòñ gơboh añ jê: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê.

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

Sră Pơyoa Pol Dê Pơyoa Tit In 1:4

Añ pơyoa Tit in, la kòn tòm añ jê tòm bơta dòn bal: Dan mê in geh bơta nđàc mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng Dong Klàs bol he dê.

Philemôn 1:25

Dan bơta nđàc Yàng Jesu Krist dê ơm mơ hwềng nùs oh mi dê.

Philemôn 1:3

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê, mơ bơh Yàng Jesu Krist.

Jakơ 1:1

Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.

I Pier 1:15

Mơya be Bơtau neh hòi sac oh mi la Bơtau sàng goh, gen oh mi kung pal gơs sang goh tòm jơh ală bơta lơh lòt he dê,

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

II Jang 1:3

Dan bơta nđàc, bơta nđàc sơngit, bơta lơngap lơngai bơh Yàng Tom Trồ la Bèp, mơ bơh Yàng Jesu Krist la Kòn Bèp dê, rơp ơm bal mơ bol he tòm jơnau song mơ bơta kòñ gơboh.

Yal Tơlik 2:1

“Cih tĕ cau gơnrơh Hìu Jum Goh Ephesô in lah: Do la ală jơnau đơs Bơtau at poh nơm sơmañ tòm tê ma mơ lòt digùl poh nơm jơng ồs đèng mơ màh

Yal Tơlik 2:12

“Cih tĕ cau gơnrơh Hìu Jum Goh Pergam in lah: Do la ală jơnau đơs Bơtau gơs đào sồt bàr đah mat:

Yal Tơlik 2:18

“Cih tĕ cau gơnrơh Hìu Jum Goh Thiatirơ in lah: Do la ală jơnau đơs Kòn Yàng Tom Trồ dê, la Bơtau gơs gar mat be lơmpiat ồs, mơ jơng Kơnràñ gơlơh be kòng àng goh:

Yal Tơlik 2:29

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh.’”

Yal Tơlik 2:8

“Cih tĕ cau gơnrơh Hìu Jum Goh Simirnơ in lah: Do la ală jơnau đơs Bơtau sơnròp mơ Bơtau lồi dut, Bơtau neh chơt mơ neh kis wơl:

Yal Tơlik 22:21

Dan bơta nđàc Yàng Jesu dê ơm bal mơ jơh ală cau sàng goh. Amen.

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Yal Tơlik 3:22

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh.”

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò: