Rôma 1:5 - Sră Goh 2018

⁵ Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Rôma 1:5 ပူးပေါင်းရင်းမြစ်များ

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Malaci 1:14

“Pal srat sơntơm cau lơi in blac pơrlồm, la cau gơs tòm mpồl khai dê dô nơm phan poan jơng dam di pal mơ khai ho pơgon ơn gơ Yàng in, mơya khai ơn dô nơm phan poan jơng sồt rmàñ Yàng in!” Yàng Jehôwa Gơnap Gơnoar Dờng Làm Jơh đơs lah: “Bơh Añ la Bơtau Dờng, mơ sơnđan Añ la pal rngòt digùl ală làng bol.”

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Broă 1:25

nàng ala pơnah broă tòm cau gơnoar bơto dờng dê mơ Juda neh sang lòi nàng lòt tòm tiah ơn is khai in.”

Broă 15:14

Simôn neh yal wơl mbe lơi dơ̆ sơnròp Yàng Tom Trồ neh wèt sền làng bol bơdìh, nàng bơh bol khai gơlik gơs dô làng bol gơrê bal mơ Kơnràñ.

Broă 6:7

Jơnau Yàng Tom Trồ dê sơlo ngai sơlo gơ lòt ơnàng, khà cau bơtê tòm Jerusalem sơlo gơbơtơl oă ngan; kung gơs oă cau gơnoar ơn phan duh khoai dòn dòp Yàng sơl.

Broă 9:15

Mơya Yàng đơs lah: “Lòt tĕ, bơh khai la dô nơm phan ngui Añ neh sac rwah nàng cèng sơnđan Añ di đap ală làng bol bơdìh, ală cau bơtau mơ ală kòn sau Israel dê.

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

Rôma 3:29

Hala Yàng Tom Trồ mìng la Yàng Tom Trồ làng bol Juda dê lơm ơ? Kung ò di la Yàng Tom Trồ làng bol bơdìh dê sơl ò ơ? Ơi, ngan behơ̆.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

I Kôrintô 9:2

Dilah añ ò di la cau gơnoar bơto dờng ală cau ndai in, mơya añ kung la cau gơnoar bơto dờng oh mi in; bơh să tòm oh mi la ƀang kì gơnoar bơto dờng añ jê tòm Yàng.

Ephesô 1:12

Nùs kòñ hơ̆ la bol he, la cau sơnròp ngan neh kơnòm di Bơtau Krist, pal kis dô bă di pal nàng jòng ro bơta gơklŏ Kơnràñ dê.

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,