Rôma 1:1 - Sră Goh 2018

¹ Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

Rôma 1:1 ပူးပေါင်းရင်းမြစ်များ

I Yal Yau 23:13

Ală kòn klau Amram dê la Arôn mơ Môise. Arôn neh geh ơn is, khai mơ ală kòn sau khai dê tòm jơh ală rài, geh ơn is ngui ală phan sàng goh rlau jơh nàng ơn ală phan ơn duh khoai di đap Yàng Jehôwa, duh broă di đap Kơnràñ mơ ai lơngai tòm sơnđan Kơnràñ dê gam sùm sùm.

Esai 49:1

Ơ ală bồt pơlào, iat tĕ añ! Ơ ală làng bol tòm ală lơgar ngài, kơrhia tĕ! Yàng Jehôwa neh hòi añ lài mơ tŭ añ òhềt deh, Kơnràñ neh tơmoh sơnđan añ tòm tŭ añ gam ơm tòm kơndul mè añ jê.

Jeremi 1:5

“Lài mơ tŭ crơng mòn mê tòm kơndul mè, Añ neh git mê rau; Lài mơ tŭ mê geh deh, Añ neh ơn is mê, bơtào mê lơh gơs cau gơnoar hwơr ală lơgar in.”

Jơnau Niam Jat Mak 1:14

Tơnơ̆ mơ tŭ Jang gơkòl ơm jàm, Yàng Jesu lòt tus hơ Galile, bơto yal Jơnau Niam Yàng Tom Trồ dê,

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 15:15

Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ.

Jang 15:20

Kah tĕ jơnau Añ neh đơs mơ bol mê: ‘Cau dĭ ò dờng rlau mơ cau tòm.’ Dilah bol khai neh kup kơryan Añ, gen kung rơp kup kơryan bol mê sơl; dilah bol khai neh prap gàr jơnau Añ, gen kung rơp prap gàr jơnau bol mê sơl.

Broă 13:9

Tŭ hơ̆, Sol kung sơnđan la Pol, geh bềng lìu Yàng Hwềng Goh, sền trol di cau bơjơu hơ̆ mơ đơs lah:

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Broă 21:40

Neh geh gơnoar đơs rau, gen Pol ntào hơđang kơnă ntùng, pò tê lơh tềl làng bol in. Tòm tŭ jơh tơl nă ơm mŏ mŏ, gen khai đơs tòm jơnau Hebrơ lah:

Broă 22:21

Yàng đơs mơ añ lah: ‘Lòt tĕ, bơh añ rơp sồr mê lòt tus hơ ală làng bol bơdìh tòm tiah ngài.’”

Broă 22:7

Añ gơplơ̆ tòm ù mơ kơno jơnau đơs mơ añ lah: ‘Ơ Sol, Sol, ñchi bơh tài mê kup kơryan Añ taih?’

Broă 26:1

Tŭ do, bơtau Agrippa đơs mơ Pol lah: “Mê geh gơnoar đơs nàng tò să mê.” Gen Pol pò tê nàng tò să khai be do:

Broă 26:14

Jơh tơl nă bol hi gơplơ̆ tòm ù, añ kơno jơnau đơs mơ añ tòm jơnau Hebrơ lah: ‘Ơ Sol, Sol, ñchi bơh tài mê kup kơryan Añ taih? Mê coh dê cồng srồng gen bòl glar mê in.’

Broă 27:23

Bơh tòm mang do Yàng Tom Trồ la Bơtau mơ añ gơrê bal mơ duh broă, neh ai cau gơnrơh Kơnràñ dê ntào di gah añ,

Broă 9:15

Mơya Yàng đơs lah: “Lòt tĕ, bơh khai la dô nơm phan ngui Añ neh sac rwah nàng cèng sơnđan Añ di đap ală làng bol bơdìh, ală cau bơtau mơ ală kòn sau Israel dê.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

Rôma 11:13

Añ đơs mơ oh mi la cau làng bol bơdìh: añ gam la cau gơnoar bơto dờng làng bol bơdìh kàr lơi, gen añ rơp lơh màng ryŭ gơnoar broă añ jê kàr hơ̆,

Rôma 15:16

tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.

Rôma 15:29

Añ git lah tòm tŭ añ tus hơ oh mi, gen rơp cèng bềng lìu bơta lơngai lơngò Bơtau Krist dê.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

I Kôrintô 1:1

Pol, cau geh hòi sac lơh gơs cau gơnoar bơto dờng Yàng Krist Jesu dê, bơh nùs kòñ Yàng Tom Trồ, mơ Sôsthen la oh mi,

I Kôrintô 9:1

Añ ò di geh khat gơboh ò ơ? Añ ò di la cau gơnoar bơto dờng ò ơ? Añ ò di neh gŏ Yàng Jesu la Yàng bol he dê ò ơ? Oh mi ò di la broă añ jê tòm Yàng ò ơ?

II Kôrintô 1:1

Pol, jat nùs kòñ Yàng Tom Trồ dê, lơh gơs cau gơnoar bơto dờng bơh Yàng Krist Jesu, bal mơ oh mi he la Timôthe, pơyoa Hìu Jum Goh Yàng Tom Trồ in tòm Kôrintô, mơ jơh ală cau sàng goh in ơm làm jơh lơgar Acai.

II Kôrintô 11:5

Mơya añ kơlôi lah añ ò di gơhuc mơ ală cau gơnoar bơto dờng màng ryŭ hơ̆ dô êt lơi.

II Kôrintô 11:7

Añ neh bơto yal Jơnau Niam Yàng Tom Trồ oh mi in ò dan bơta lơi, tơnliah is să he tồ oh mi in geh yò tơngguh, gen añ gơs glài sơl ơ?

II Kôrintô 12:11

Añ neh gơlik tùl gơla bơh oh mi rồn bơklơn añ; pal ngan la oh mi jòng ro añ sồng di, bơh bulah añ ò kwơ dô êt lơi, kung ò di gơhuc mơ ală cau gơnoar bơto dờng màng ryŭ ne dô êt lơi ò.

II Kôrintô 2:12

Tòm tŭ añ neh tus hơ Trôas nàng bơto yal Jơnau Niam bơh Bơtau Krist, dô nơm mpồng neh pò añ in tòm Yàng,

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

Galati 1:1

Pol, geh hòi sac lơh gơs cau gơnoar bơto dờng, ò di bơh jơi kòn mơnus, kung ò bơh dô nă cau lơi, mơya bơh Yàng Jesu Krist mơ Yàng Tom Trồ la Bèp, hơ̆ la Bơtau neh lơh Kơnràñ in kis wơl bơh bơta chơt.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Ephesô 4:11

Kơnràñ ai cau do in gơs cau gơnoar bơto dờng, cau ne gơs cau gơnoar hwơr, cau ƀà gơs cau bơto yal Jơnau Niam, cau ƀà tai gơs cau gơnoar bơto mơ cau bơto,

Yal Wơl 10:8

Tòm tŭ hơ̆ Yàng Jehôwa ơn is jơi bơtiàn Lebi nàng tùng Đài Bơta Ho Bal Yàng Jehôwa dê, nàng ntào di đap Yàng Jehôwa duh broă mơ ai lơngai tòm sơnđan Kơnràñ dê kung be bol khai gam lơh jơl tus ngai do.

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

Philip 2:11

mơ kòp nơm lơmpiat rơp yal tơlik Jesu Krist la Yàng nàng lơh gơklŏ Yàng Tom Trồ la Bèp.

Kôlôse 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, mơ Timôthe la oh mi bol he dê,

Kôlôse 1:25

Añ kung neh geh lơh gơs cau gơnoar duh broă Hìu Jum Goh hơ̆ dê, jat be gơnoar broă mơ Yàng Tom Trồ neh ai añ in tài bơh oh mi, nàng yal tơlik wil tơl jơnau Yàng Tom Trồ dê,

I Tesalônika 2:2

Mơya tơnơ̆ mơ tŭ neh kong jê sồt mơ dơñŏ tơnhial tòm Philip, be oh mi neh git, gen bol hi sơlo khin cha tòm Yàng Tom Trồ bol hi dê mơ bơto yal Jơnau Niam Yàng Tom Trồ dê oh mi in digùl oă bơta gơrơndul tòmdră.

I Tesalônika 2:8

Bol hi neh gơs nùs đềt mềr di oh mi, gen tàng bol hi gơs nùs hòn chò ngan ò di mìng tòmpà Jơnau Niam Yàng Tom Trồ dê oh mi in lơm, mơya tus di să tòm bol hi sơl. Bơh oh mi la cau bol hi kòñ gơboh ngan.

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.

II Timôthe 1:11

Bơh Jơnau Niam hơ̆ tàng añ neh geh pồ bơtào lơh gơs cau bơto Jơnau Niam, cau gơnoar bơto dờng mơ cau bơto;

Sră Pơyoa Pol Dê Pơyoa Tit In 1:1

Pol, dĭ gơna Yàng Tom Trồ dê mơ la cau gơnoar bơto dờng bơh Yàng Jesu Krist, nàng lam ală cau geh sac rwah Yàng Tom Trồ dê tus hơ bơta dòn mơ git wă jơnau song, la dô bơta di pal mơ bơta dòn duh,

Hebrơ 5:4

Mơ bơta ryŭ ryơm hơ̆ ò gơs cau lơi jòi is he in, mơya pal geh Yàng Tom Trồ hòi sac, kung be Arôn òr nau.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Jakơ 1:1

Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.

I Pier 4:17

Bơh tŭ tơngai cahrña neh tus, sơntòm bơh di hìu Yàng Tom Trồ dê; mơ dilah sơntòm bơh di bol he, gen bơta lồi dut ală cau ò dòn jat Jơnau Niam Yàng Tom Trồ dê rơp gơlik gơs mbe lơi taih?

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Yal Tơlik 1:1

Bơta yal tơlik jơnau ndơp Yàng Jesu Krist dê, mơ Yàng Tom Trồ neh ai Kơnràñ in nàng yal tơlik ală dĭ gơna Kơnràñ in ală bơta rơp gơlik tus gòñ. Kơnràñ neh sồr cau gơnrơh Kơnràñ dê lòt tus yal tơlik ală bơta hơ̆ Jang in la dĭ gơna Kơnràñ dê,

Yal Tơlik 22:6

Cau gơnrơh đơs tai mơ añ lah: “Ală jơnau do la pal dòn mơ song ngan. Yàng la Yàng Tom Trồ ală hwềng ală cau gơnoar hwơr dê neh sồr cau gơnrơh Kơnràñ dê lòt tus, nàng sơnio ală dĭ gơna Kơnràñ in ală bơta rơp gơlik tus gòñ.

Yal Tơlik 22:9

Mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê dê la ală cau gơnoar hwơr, mơ ală cau prap gàr ală jơnau tòm sră do. Duh khoai tĕ Yàng Tom Trồ.”