Philemôn 1:20 - Sră Goh 2018

²⁰ Ngan, ơ bi, añ kơp kòñ bi lơh añ in hòn chò tòm Yàng, añ kơp kòñ bi lơh nùs añ in rài bòl tòm Bơtau Krist.

Philemôn 1:20 ပူးပေါင်းရင်းမြစ်များ

I Kôrintô 16:18

mơ lơh hwềng nùs añ jê mơ oh mi dê geh rài bòl. Behơ̆ pal sền dờng màng ală cau behơ̆.

II Kôrintô 2:2

Bơh dilah añ lơh oh mi in moat jrùng, gen ñcau lơh añ in chò hòp rlau mơ cau mơ añ neh lơh moat jrùng hơ̆ taih?

II Kôrintô 7:13

Hơ̆ la bơta bol hi geh pơndòm pơniang. Rlau mơ bơta pơndòm pơniang hơ̆; bol hi bơh bơta hòn chò Tit dê, gen hòn chò sơlo oă tai, tài bơh oh mi gen hwềng nùs khai dê geh rài bòl.

Philip 1:8

Bơh Yàng Tom Trồ lơh cơng añ in lah ngan añ kòñ gơboh di jơh ală oh mi bơh nùs nhơm Yàng Krist Jesu.

Philip 4:1

Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

Philemôn 1:12

Añ sồr khai rê wơl hơ bi; hơ̆ la kung be pơyoa nùs tòm añ jê bi in sơl.

Philemôn 1:7

Mơ tai, ơ bi, añ neh geh hòn chò mơ pơndòm pơniang oă ngan bơh nùs kòñ gơboh bi dê, tài bơh kơnòm di bi mơ nùs ală cau sàng goh neh geh rài bòl.

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

I Jang 3:17

Dilah cau lơi gơs phan mơna dunnia dê, mơ gŏ oh mi he rƀah lơòi, mơ ò gơs nùs ơnàng, gen nùs kòñ gơboh Yàng Tom Trồ dê mbe rgơi ơm tòm cau hơ̆ taih?

III Jang 1:4

Añ kơno ală kòn añ kis tòm jơnau song, gen ò gơs bơta hòn chò lơi rlau tai añ in.