Nehemi 9:9 - Sră Goh 2018

⁹ Kơnràñ neh gŏ bơta bòl glar mò pàng bol he dê tòm lơgar Ejiptơ, mơ neh kơno ală jơnau driau nggà bol khai dê di gah Dàlềng Pơrhê,

Nehemi 9:9 ပူးပေါင်းရင်းမြစ်များ

Lik Ejiptơ 14:31

Mơ tòm tŭ cau Israel neh gŏ gơnap gơnoar dờng Yàng Jehôwa dê tòmdră mơ cau Ejiptơ, gen làng bol rngòt di Yàng Jehôwa, dòn kơnòm di Kơnràñ mơ di Môise la cau duh broă Kơnràñ dê.

Lik Ejiptơ 2:25

Behơ̆, Yàng Tom Trồ wèt sền di cau Israel mơ kơlôi rcang bơh bol khai.

Lik Ejiptơ 3:16

Lòt tĕ, pơjum tơrgòm ală cau kwang kra Israel dê, mơ đơs mơ bol khai lah: “Yàng Jehôwa ồng pàng bol mê dê la Yàng Tom Trồ Abraham, Yàng Tom Trồ Isak, mơ Yàng Tom Trồ Jakôp dê, neh tơlik mat mơ añ mơ đơs lah: ‘Añ neh wèt sền di bol mê, mơ neh gŏ ñchi bơta bol khai neh lơh di bol mê tòm lơgar Ejiptơ.

Ejekiel 20:6

Tòm ngai hơ̆ Añ neh srat să ho nền mơ bol khai lah Añ rơp cèng bol khai lik klàs bơh di lơgar Ejiptơ nàng mut tòm dô nơm lơgar mơ Añ neh jòi bol khai in, hơ̆ la lơgar bềng lìu dà toh mơ dà lơwe, lơgar niam rlau mơ jơh ală lơgar ndai.

Broă 7:34

Ngan Añ neh sền gŏ bơta bòl glar làng bol Añ jê tòm lơgar Ejiptơ, Añ neh kơno jơnau rac ròc bol khai dê, gen Añ mù nàng dong tă bol khai. Tŭ do mê lòt tus tĕ, Añ rơp sồr mê lòt hơ lơgar Ejiptơ.’

Broă 7:7

Yàng Tom Trồ đơs tai lah: ‘Añ rơp cahrña làng bol neh kup bol khai lơh gơs dĭ, tơnơ̆ mơ hơ̆ bol khai rơp lik klàs, mơ duh broă Añ tòm tiah do.’