Nehemi 9:32 - Sră Goh 2018

³² Behơ̆ tŭ do, Ơ Yàng Tom Trồ bol hi dê, la Yàng Tom Trồ dờng ngan, gơnap gơnoar, mơ pal rngòt, Bơtau lơh jat bơta ho bal kòñ gơboh, dan Kơnràñ bañ sền nggòc ală bơta jê sồt bòl glar neh tus hơ bol hi, hơđang ală cau bơtau mơ ală kwang bàng, hơ ală cau gơnoar ơn phan duh khoai mơ ală cau gơnoar hwơr, hơ ală mò pàng bol hi, mơ jơh làng bol Kơnràñ dê, bơh rài ală bơtau Asiri tus tŭ do.

Nehemi 9:32 ပူးပေါင်းရင်းမြစ်များ

I Ală Bơtau 8:23

Khai đơs lah: “Ơ Jehôwa, Yàng Tom Trồ Israel dê! Ò gơs Yàng Tom Trồ lơi be Kơnràñ, bơh hơđang trồ jòng hala tòm ù hơđơm; Yàng prap gàr bơta ho bal mơ bơta kòñ gơboh kơ̆ dơn gơwèt mơ ală dĭ gơna Yàng, la ală cau lòt di đap Yàng dô bă jơh nùs,

II Ală Bơtau 15:19

Pul, bơtau Asiri, tus tòmlơh mơ lơgar; Menahem ai Pul in dô rbô talơng priă, nàng dong khai bơtào kơ̆ lơgar tòm gơnoar bơtau khai dê.

II Ală Bơtau 15:29

Tòm rài Peka bơtau Israel, Tilglat Pileser bơtau Asiri, tus gơrwàng tòmpìt ai Iyôn, Abel Betmakah, Janôah, Kedes, Hajor, tiah Galaat, Galile, mơ jơh kơnhwàl Neptali; gen khai cèng làng bol ală lơgar hơ̆ rê hơ Asiri.

II Ală Bơtau 17:23

jơl tus di tŭ Yàng Jehôwa neh bơtrơh tơlik bol khai bơh di đap Kơnràñ, tòm toh be Kơnràñ neh yal lài bơh ală cau gơnoar hwơr dĭ gơna Kơnràñ dê. Behơ̆, Israel kong cèng pơrdô ngài bơh lơgar, ơm dĭ tòm lơgar Asiri jơl tus di ngai do.

II Ală Bơtau 17:3

Salmanaser, bơtau Asiri, lòt tus tòmdră mơ Ôse; khai kong duh Salmanaser, mơ boh dia khai in.

II Ală Bơtau 17:6

Tòm nam dơ̆ sin rài Ôse, bơtau Asiri tòmpìt ai jơh Samari, cèng làng bol Israel tus hơ Asiri, ơn bol khai ơm tòm Hala hơđang Habor, di gah hiòng Gôjan dê, tòm ală ƀòn dờng lơgar Medi dê.

II Ală Bơtau 23:29

Tòm ală ngai hơ̆, Pharaôn Nekô bơtau Ejiptơ, neh guh brồ lơh bơtau Asiri tus hơ hiòng Ơphrat. Gen Jôsia lòt tìp khai. Mơya tòm tŭ Pharaôn Nekô tìp mơ khai tòm Megidô gen tơnchơt khai.

II Ală Bơtau 25:7

Bol khai tơnchơt ală kòn klau Jedekia di đap mat khai; bol khai kơlwĕ mat Jedekia, kơt khai mơ sreng kòng, mơ cèng khai tus hơ Babilôn.

Ejra 4:10

mơ ală cau ndai tòm ală làng bol, cau kwang dờng ryŭ ryơm Osnappar, neh geh sồr mơ lòi ơm tòm ƀòn dờng Samari dê mơ tòm jơh kơnhwàl gam wơl Đah Ne Hiòng.”

Ejra 4:2

gen bol khai tus hơ Jerubabel mơ hơ ală cau bồ ală hìu nhă mơ đơs lah: “Lòi bol hi dong kòl bơt bơtào bal mơ ală ồng, tài bơh bol hi duh khoai Yàng Tom Trồ ală ồng dê kung be ală ồng mơ bol hi neh ơn phan duh khoai Kơnràñ in bơh di tŭ Esarhatdôn bơtau Asiri neh cèng bol hi tus ơm tềng do.”

Ejra 9:13

Tơnơ̆ mơ jơh ală bơta neh tus hơđang bol hi la bơh ală broă iơh bơsak bol hi neh lơh mơ tồi glài dờng bol hi dê; bulah behơ̆, ơ Yàng Tom Trồ bol hi dê, Kơnràñ ò lơh glài bol hi dô bă kơnjơ̆ di pal mơ tồi glài bol hi dê, mơ neh lòi bol hi in dô pơnah làng bol gam wơl be do.

Nehemi 1:5

Añ hòi dan be do: “Ơ Jehôwa Yàng Tom Trồ hơđang trồ dê, Yàng Tom Trồ dờng mơ pal duh rngòt, Bơtau prap gàr bơta ho bal mơ gơs nùs kòñ gơboh kơ̆ dơn gơwèt mơ ală cau kòñ gơboh di Kơnràñ mơ prap gàr bơta sồr lam Kơnràñ dê,

Đơs Crih 47:2

Bơh Yàng Jehôwa la Bơtau Hơđang Rlau Jơh, la Bơtau pal duh rngòt; Kơnràñ la Bơtau dờng at bồ hơđang làm jơh plai ù.

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Đơs Crih 66:5

Tus tĕ sền ală broă Yàng Tom Trồ neh lơh: Ală broă Kơnràñ lơh digùl kòn mơnus la pal rngòt ngan.

Lik Ejiptơ 18:8

Môise yal po bèp khai in git jơh ală bơta mơ Yàng Jehôwa neh bơh Israel mơ lơh di Pharaôn mơ cau Ejiptơ, bal mơ jơh ală bơta bòl glar kalke khai neh kong rò gùng, mơ mbe lơi Yàng Jehôwa neh dong klàs bol khai.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Daniel 9:4

Behơ̆, añ hòi dan mơ Jehôwa Yàng Tom Trồ añ jê, yal glài mơ đơs lah: “Ơ Yàng la Yàng Tom Trồ dờng rlau jơh mơ pal rơm să rngòt, Kơnràñ prap gàr jơnau ho bal tòm bơta kòñ gơboh kơ̆ dơn gơwèt hơ ală cau kòñ gơboh dê Kơnràñ mơ lơh jat ală bơta sồr lam Kơnràñ dê.

Daniel 9:6

Bol hi neh ò iat jơnau ală cau duh broă Kơnràñ dê la ală cau gơnoar hwơr neh ai sơnđan Kơnràñ mơ đơs mơ ală cau bơtau, ală cau kwang at bồ, ală ồng pàng bol hi dê, bal mơ jơh làng bol tòm lơgar.

Daniel 9:8

Ơ Yàng, bol hi bal mơ ală cau bơtau, ală cau kwang at bồ, ală ồng pàng bol hi dê pal kong bơta ƀàssìl ƀàsso tài bơh bol hi neh tìs glài tòmdră mơ Kơnràñ.

Lebi 26:18

Dilah tơnơ̆ mơ jơh ală bơta hơ̆ mơ bol mê gam ò iat jơnau Añ, Añ rơp lơh glài bol mê tai kơnjơ̆ poh dơ̆ rlau.

Lebi 26:21

Dilah bol mê kư̆ gam tòmdră mơ Añ mơ ò bài iat Añ, Añ rơp bơtơl bơta rung rài bòl glar bol mê in poh dơ̆ rlau tai, di pal mơ ală bơta tồi glài bol mê dê.

Lebi 26:24

gen să tòm Añ rơp tòmdră mơ bol mê, mơ lơh bol mê in kong bòl glar poh dơ̆ rlau tai, tài bơh ală bơta tồi glài bol mê dê.

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Yal Wơl 7:12

Dilah bol mê ơn nùs tồr dê ală bơta boh lam do mơ kơrhia lòt jat ală bơta hơ̆ gen Jehôwa Yàng Tom Trồ bol mê dê rơp prap gàr bơta ho bal bơh bơta kòñ gơboh mơ bol mê tòm toh jat be Kơnràñ neh srat să ho nền mơ ală ồng pàng bol mê dê.

Yal Wơl 7:13

Kơnràñ rơp kòñ gơboh di bol mê mơ ai lơngai bol mê in mơ lơh jơi bơtiàn bol mê dê gơbơtơl oă. Kơnràñ rơp ai lơngai plai đo hìu kòn bol mê dê, cồng nha ù tiah bol mê dê, hơ̆ la kòi mbo, tơrnòm pa mơ mơñà, ală kơnrồ tòm ală mpồl phan poan jơng bol mê dê mơ ală belàt kòn tòm ală mpồl belàt bol mê dê tòm lơgar mơ Kơnràñ neh srat să ho nền mơ ală ồng pàng bol mê dê ai bol mê in.

Yal Wơl 7:21

Bañ rngòt rngơt di bol khai bơh Jehôwa Yàng Tom Trồ bol mê dê la Bơtau ơm digùl bol mê la dờng mơ pal rngòt ngan.

Yal Wơl 7:9

Gen tàng, dòp git tĕ Jehôwa Yàng Tom Trồ bol mê dê la Yàng Tom Trồ: Kơnràñ la Yàng Tom Trồ lơh jat jơnau ho Kơnràñ dê, prap gàr bơta ho bal kòñ gơboh Kơnràñ dê tus di rbô rài ală cau in kòñ gơboh di Kơnràñ mơ prap gàr ală bơta sồr lam Kơnràñ dê.