Nehemi 9:30 - Sră Goh 2018

³⁰ Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Nehemi 9:30 ပူးပေါင်းရင်းမြစ်များ

II Ală Bơtau 18:11

Bơtau Asiri cèng cau Israel tus hơ Asiri, ơn bol khai ơm tòm Halah hơđang Habo, hiòng Gôjan, mơ tòm ală ƀòn dờng Medi dê;

II Ală Bơtau 21:10

Yàng Jehôwa kơnòm di ală cau gơnoar hwơr, la dĭ gơna Kơnràñ, mơ đơs lah:

II Yal Yau 24:19

Bulah Yàng Jehôwa sồr ală cau gơnoar hwơr lòt tus hơ làng bol nàng cèng bol khai rê wơl hơ Kơnràñ, mơ bulah bol khai lơh cơng tòmdră mơ làng bol, mơya làng bol ò bài iat.

Ejra 9:10

Mơ tŭ do, ơ Yàng Tom Trồ bol hi dê, ñchi jơnau bol hi pal đơs tơnơ̆ mơ ală bơta do taih? Bơh bol hi neh sang lòi ală bơta sồr lam Kơnràñ dê,

Nehemi 9:20

Kơnràñ kung ai bol khai in Hwềng lơbơn niam nàng bơto bol khai. Mơ ò lơh sềt pơniă ai bol khai in sa mana, mơ dà bol khai in nàng hùc rài tơhìr.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Nehemi 9:29

Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 95:10

Tòm poan jơt nam Añ cù kìr di jơi bơtiàn hơ̆, Mơ Añ đơs lah: “Bol khai la dô nơm làng bol gơs nùs tìs nrah, Bol khai ò kơlôi wèt di ală gùng dà Añ jê.”

Esai 28:10

Bơh hơ̆ lah: “Jơnau sồr bơtơl jơnau sồr, jơnau sồr bơtơl jơnau sồr, sèng bơtơl sèng, sèng bơtơl sèng, dô êt tềng do, dô êt tềng ne.”

Esai 42:24

Ñcau neh jào Jakôp nàng gơkòl cau kup geh, mơ phi Israel nàng cau phà kơñau taih? Hơ̆ ò di la Yàng Jehôwa, la Bơtau mơ bol he neh tìs glài tòmdră mơ Kơnràñ ò ơ? Bơh bol khai ò bài lòt jat ală gùng dà Kơnràñ dê; bol khai ò dòn bơr lơh jat bơta boh lam Kơnràñ dê.

Esai 48:9

Tài bơh sơnđan is să tòm Añ jê, Añ òbat tuh bơta gơjrañ Añ jê; tài bơh bơta jòng ro Añ jê, Añ tơnruc wơl gơ bơh di mê; Behơ̆ nàng Añ ò tơnroh bol mê.

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Jeremi 25:4

Yàng Jehôwa neh kong ơt sồr ală dĭ gơna Kơnràñ, la ală cau gơnoar hwơr, mơya oh mi ò bài iat jơnau, ò ơn tồr iat.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 44:4

Ngan, Añ neh ơt ơl sồr ală dĭ gơna Añ la ală cau gơnoar hwơr, lòt tus mơ bol mê mơ đơs lah: ‘Bañ lơh bơta cù kìr mơ Añ gơjrañ hơ̆.’

Jeremi 44:5

Mơya bol khai ò kơno, ò ơn tồr iat, ò sang bơta iơh kư̆ chu kơlhô ală yàng ndai in.

Jeremi 7:25

Bơh ngai ồng pàng bol mê dê lik bơh lơgar Ejiptơ jơl tus di ngai do, Añ neh kong sồr ală cau duh broă Añ jê la ală cau gơnoar hwơr, lòt tus mơ bol khai; kòp ngai Añ guh gòñ sồr bol khai tus.

Ñìm Rac 2:17

Yàng Jehôwa neh lơh bơta Kơnràñ neh lơh nền; Kơnràñ neh lơh gơlik gơs bơta Kơnràñ neh pơhìn; kung be bơta Kơnràñ neh rơndap bơh lài òr, Kơnràñ neh lơh tơrlơm ò nđàc sơngit, Kơnràñ neh lơh cau sò tơm mê chò hòp bơh mê, mơ yò tơngguh gơnoar pràn cau sò tơm mê dê.

Daniel 9:6

Bol hi neh ò iat jơnau ală cau duh broă Kơnràñ dê la ală cau gơnoar hwơr neh ai sơnđan Kơnràñ mơ đơs mơ ală cau bơtau, ală cau kwang at bồ, ală ồng pàng bol hi dê, bal mơ jơh làng bol tòm lơgar.

Sacari 7:12

Bol khai lơh nùs bol khai dê kră kung be lŭ tơrneh, nàng ò iat bơta boh lam mơ ală jơnau Yàng Jehôwa Gơnap Gơnoar Dờng Làm Jơh dê neh đơs bơh Hwềng Kơnràñ dê kơnòm di ală cau gơnoar hwơr tòm rài yau. Behơ̆ Yàng Jehôwa Gơnap Gơnoar Dờng Làm Jơh gơjrañ dờng ngan.

Sacari 7:13

Be tòm tŭ Añ hòi, bol khai ò bài iat, mơ tòm tŭ bol khai hòi, Añ kung ò bài iat, Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 11:26

Bulah behơ̆, gơs bàr nă cau klau sơnđan la Eldat mơ Medat neh ơm wơl tòm sàl. Bol khai neh kòp bal mơ ală cau kwang kra mơya ò gŏ lòt tus hơ Sàl Tòm Mat. Bulah behơ̆, Hwềng neh ơm hơđang bol khai, mơ bol khai đơs hwơr tòm sàl.

Broă 13:18

Kơnràñ kong ơt di bol khai pơgap poan jơt nam tòm ƀlàng bràs ngềt ngơt.

Broă 28:25

Tài bơh bol khai ò gơs dô nùs bal mơ gơp mơ kòñ lik rê, gen Pol đơs bơtơl mìng dô jơnau do: “Yàng Hwềng Goh neh đơs di ngan tòm tŭ Kơnràñ ngui cau gơnoar hwơr Esai nàng đơs mơ ồng pàng oh mi dê lah:

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

I Pier 1:11

Bol khai sơwì tồ git tŭ lơi, mơ mbe lơi bơta hơ̆ rơp tus. Do la bơta mơ Hwềng Bơtau Krist dê ơm tòm bol khai neh sơnio, đơs lài bơh bơta jê sồt bòl glar Bơtau Krist pal kong mơ bơh bơta gơklŏ jat tơnơ̆.

II Pier 1:21

bơh ò gơs jơnau gơnoar hwơr lơi bơh nùs is dô nă cau lơi mơ gơs, mơya hơ̆ la bơh Yàng Hwềng Goh lơh rngoh rngac mơ cau neh đơs jơnau Yàng Tom Trồ dê.

II Pier 3:9

Yàng ò di òbat bơh jơnau ho pơgon Kơnràñ dê be ală cau ne kơlôi la òbat, mơya Kơnràñ kong ơt gơwèt mơ oh mi, ò kòñ dô nă cau lơi roh rui, mơya kòñ jơh tơl nă git gơjrañ sang glài.