Nehemi 9:29 - Sră Goh 2018

²⁹ Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Nehemi 9:29 ပူးပေါင်းရင်းမြစ်များ

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

II Ală Bơtau 17:14

Mơya bol khai ò bài iat, bol khai kư̆ kơldang bồ, be ală ồng pàng bol khai dê ò dòn di Jehôwa Yàng Tom Trồ bol khai dê.

II Yal Yau 24:19

Bulah Yàng Jehôwa sồr ală cau gơnoar hwơr lòt tus hơ làng bol nàng cèng bol khai rê wơl hơ Kơnràñ, mơ bulah bol khai lơh cơng tòmdră mơ làng bol, mơya làng bol ò bài iat.

II Yal Yau 33:10

Yàng Jehôwa neh đơs mơ Manase mơ làng bol khai dê, mơya bol khai ò ơn tồr iat.

II Yal Yau 36:15

Jehôwa Yàng Tom Trồ ală ồng pàng bol khai dê neh kong ơt di bol khai mơ kơnòm di ală cau kong sồr Kơnràñ dê, tài bơh Kơnràñ kòñ nđàc hơđang làng bol Kơnràñ dê, mơ hơđang tiah ơm sùm Kơnràñ dê.

Nehemi 13:15

Tòm ală ngai hơ̆, añ gŏ cau tòm Juda pat plai ño tòm ngai Saƀat. Gơs cau cèng kòi hơđang alàng, mơ kung pơdiang tơrnòm, plai ño, plai ƀal, mơ ală phan ndai hơ Jerusalem tòm ngai Saƀat. Behơ̆ tàng añ neh bơto pơrhơng bol khai bơh bơta tac phan sa tòm ngai hơ̆.

Nehemi 9:10

mơ neh lơh ală tềl is mơ ală bơta crih crài tòmdră mơ Pharaôn, ală cau duh broă khai, mơ jơh làng bol khai dê; bơh Kơnràñ git lah bol khai neh gơwèt mơ mò pàng bol hi dô bă pơnhừ să. Kơnràñ neh lơh sơnđan Kơnràñ gơs tiơng pơnro jơl tus ngai do.

Nehemi 9:16

Mơya mò pàng bol hi lơh lòt dô bă pơnhừ, kơldang bồ, ò iat ală bơta sồr lam Kơnràñ dê,

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Jeremi 17:23

Mơya, bol khai ò bài iat, ò bài ơn tồr kơno; bol khai kơldang ngko mơ ò bài iat Añ mơ ò bài dòp jơnau nting sồr.’

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 42:19

Ơ oh mi la cau Juda gam ơm wơl, Yàng Jehôwa neh đơs bơh oh mi lah: ‘Bañ tus hơ lơgar Ejiptơ.’ Pal git loh lah ngai do añ neh yal loh oh mi in.

Jeremi 43:2

gen Ajaria kòn klau Hôsaya, Jôhanan kòn klau Kareah, bal mơ ală cau pơnhừ să đơs mơ Jeremi lah: “Mê đơs blac! Jehôwa Yàng Tom Trồ bol hi òhềt tŭ lơi sồr mê yal bol hi in lah: ‘Bañ lòt hơ lơgar Ejiptơ mơ ơm tềng hơ̆.’

Jeremi 44:10

Bol khai ò tơnliah să jơl tus ngai do, ò duh rngòt, ò lòt jat bơta boh lam gơnoar sồr Añ neh ơn di đap bol mê mơ ồng pàng bol mê dê.’

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Ejekiel 20:11

Añ neh ai bol khai in jơnau sồr Añ jê, mơ sơnio bol khai in git ală bơta boh lam Añ jê, bơh cau lơi lơh jat ală bơta hơ̆ gen rơp geh kis.

Daniel 5:20

Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

Sră Ôse 6:5

Behơ̆ tàng Añ neh ngui ală cau gơnoar hwơr Añ jê kơl bol mê, Añ neh tơnchơt bol mê bơh jơnau đơs bơr Añ jê; ală bơta cahrña Añ jê rơp lik be bơta àng;

Lebi 18:5

Prap gàr tĕ ală bơta lơh nền mơ ală bơta boh lam Añ jê; bơh cau lơi lơh jat ală bơta hơ̆ gen bơh hơ̆ rơp kis. Añ la Yàng Jehôwa.

Mathiơ 19:17

Yàng Jesu ho lah: “Ñchi bơh tài mê lùp Añ bơh broă niam taih? Mìng gơs dô Bơtau niam lơm. Dilah mê kòñ mut tòm bơta kis, gen pal prap gàr ală bơta sồr lam.”

Luka 10:28

Kơnràñ đơs lah: “Mê đơs di; lơh tĕ bơta hơ̆ gen rơp geh kis.”

Rôma 10:5

Môise cih lah dilah cau lơi lơh jat bơta song ring bơta boh lam dê, gen bơh hơ̆ mơ kis.

Galati 3:12

Mơ tai, bơta boh lam ò di be bơta dòn, mơya: “Cau lơi lơh jat bơta boh lam gen rơp kơnòm di bơta hơ̆ mơ geh kis.”

Yal Wơl 31:21

Mơ tòm tŭ gơs oă bơta rung rài bòl glar gơtơntus di bol khai gen bơta đơs chò do rơp lơh cơng tòmdră mơ bol khai tài bơh ală kòn sau bol khai dê rơp ò hŭi bơta đơs chò do. Bơh Añ git lài rau ñchi bơta bol khai rơp lơh tòm tŭ Añ cèng bol khai mut tòm lơgar mơ Añ neh ho ai bol khai in.”

Yal Wơl 31:27

Bơh añ git bol mê la dô nơm làng bol jak tòmdră mơ kơldang bồ. Dilah bol mê neh bơtào tòmdră mơ Yàng Jehôwa tòm tŭ añ gam kis digùl oh mi, tơ ài lah tơnơ̆ mơ tŭ añ neh chơt rau gen bol mê rơp bơtào tòmdră oă rlau tai!

Yal Wơl 4:26

Añ hòi trồ mơ tiah lơh cơng tòmdră mơ bol mê tòm ngai do la bol mê rơp kong roh rui mhar bơh di ù tiah mơ bol mê neh tiă Jordan nàng dòp lơh gơs sre brê. Bol mê rơp ò kis jŏ tòm lơgar hơ̆ mơ ngan la rơp kong tơnroh.

Ală Kwang Cahrña 6:10

Añ neh đơs mơ bol mê lah: “Añ la Jehôwa Yàng Tom Trồ bol mê dê, bol mê bañ duh khoai ală yàng ală làng bol Amôr dê tòm lơgar lơi bol mê ơm,” mơya bol mê ò bài ơn tồr iat jơnau Añ jê.’”