Nehemi 9:27 - Sră Goh 2018

²⁷ Tài bơh hơ̆, Kơnràñ neh jào bol khai tòm tê cau sò tơm bol khai dê. Gen cau sò tơm hơ̆ rồn bơklơn bol khai. Mơ tòm tŭ kòl tòm bơta jê sồt bòl glar gen bol khai neh rac dan mơ Kơnràñ. Bơh đang trồ Kơnràñ neh kơno bol khai, mơ jat bơta nđàc dờng Kơnràñ dê, gen Kơnràñ sồr ală cau dong klàs tus nàng dong tă bol khai klàs bơh di ală cau sò tơm bol khai dê.

Nehemi 9:27 ပူးပေါင်းရင်းမြစ်များ

II Ală Bơtau 13:5

Gen tàng Yàng Jehôwa ai cau Israel in dô nă cau dong tă, behơ̆ tàng bol khai geh klàs bơh tê cau Aram, mơ cau Israel geh ơm wơl tòm hìu bol khai be lài òr.

II Ală Bơtau 14:27

Yàng Jehôwa ò đơs lah Kơnràñ rơp jùt sơnđan Israel bơh hơđơm mattơngai do, gen kơnòm Jerôbôam, kòn klau Jôas, dong tă bol khai.

II Ală Bơtau 17:20

Yàng Jehôwa neh sang lòi jơh jơi bơtiàn Israel, lơh glài bol khai mơ phi bol khai tòm tê ală cau phà tơnroh, jơl tus Kơnràñ bơtrơh tơlik bol khai bơh di đap mat Kơnràñ.

II Ală Bơtau 17:39

mơya bol mê pal duh khoai Jehôwa Yàng Tom Trồ bol mê dê, Kơnràñ rơp dong tă bol mê klàs bơh tê ală cau sò tơm.”

II Yal Yau 36:17

Gen tàng Kơnràñ cèng bơtau Babilôn guh tòmdră mơ bol khai, khai ai đào sreh tơnchơt ală cau pơnu bol khai dê, tòm hìu sàng goh bol khai dê, mơ ò nđàc sơngit di cau pơnu hala cau ơruh, cau kra hala cau ryŭ ryơm; mơ Kơnràñ jào jơh ală phan hơ̆ tòm tê Nebukatnessar.

Nehemi 9:19

Bơh tòm bơta nđàc sơngit dờng Kơnràñ ò sang lòi bol khai tòm ƀlàng ngềt ngơt; jrong mhwal lam gùng ò sang lòi bol khai tòm trồ ngai, jrong ồs sòl tòm trồ mang lam bol khai lòt tòm gùng bol khai pal lòt.

Đơs Crih 136:24

Kơnràñ dong tă bol hi klàs bơh cau sò tơm, Bơh bơta kòñ gơboh kơ̆ dơn Kơnràñ dê gam sùm sùm.

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Apdia 1:21

Ală cau neh geh dong tă rơp guh hơđang mơnơm Siôn nàng at bồ mơnơm Esau dê. Mơ lơgar bơtau rơp gơrê bal mơ Yàng Jehôwa.

Ală Kwang Cahrña 2:18

Tŭ lơi Yàng Jehôwa bơtào tơngguh bol khai in dô nă cau kwang cahrña, Kơnràñ ơm bal mơ cau kwang cahrña hơ̆ tòm jơh rài kis khai dê nàng dong Israel lik bơh di tê cau sò tơm bol khai dê; bơh Yàng Jehôwa gơs nùs nđàc sơngit di bol khai tòm tŭ bol khai rơnđơh, bơh ală cau kup kơryan mơ rồn bơklơn bol khai.