Nehemi 9:26 - Sră Goh 2018

²⁶ Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Nehemi 9:26 ပူးပေါင်းရင်းမြစ်များ

I Ală Bơtau 14:9

mơya mê neh lơh bơta iơh rlau mơ ală cau lài mơ mê, mơ bơtào mê in ală yàng ndai mơ lơh rùp ràk pac sềr nàng bơrcek Añ gơjrañ, mơ tơlo Añ hơ đah ngkòi mê dê.

I Ală Bơtau 18:13

Cau neh ò yal ồng in git, tòm tŭ Jesabel tơnchơt ală cau gơnoar hwơr Yàng Jehôwa dê, mbe añ neh pồn dô rhiang nă cau gơnoar hwơr Yàng Jehôwa dê pram jơt nă tòm kòp nơm rgồng lŭ, mơ rcang bol khai in ƀañ mơ dà ơ?

I Ală Bơtau 18:4

Tòm tŭ Jesebel tơnchơt jơh ală cau gơnoar hwơr Yàng Jehôwa dê, gen Apdia neh cèng dô rhiang nă cau gơnoar hwơr pồn bol khai pram jơt nă tòm kòp nơm rgồng lŭ, rcang bol khai in ƀañ mơ dà.)

I Ală Bơtau 19:10

Khai ho lah: “Añ neh jơh nùs, ngac ngar bơh Jehôwa Yàng Tom Trồ Gơnap Gơnoar Dờng Làm Jơh; bơh làng bol Israel neh sang lòi bơta ho bal Kơnràñ dê, phà tơrlah ală cơnòng duh khoai Kơnràñ dê, mơ tơnchơt ală cau gơnoar hwơr Kơnràñ dê mơ đào; mìng dô nă añ gam wơl, mơ bol khai kung jòi bơta kis añ nàng tơnchơt.”

II Ală Bơtau 21:10

Yàng Jehôwa kơnòm di ală cau gơnoar hwơr, la dĭ gơna Kơnràñ, mơ đơs lah:

II Ală Bơtau 21:11

“Bơh Manase, bơtau Juda, neh tìs ală bơta cù kìr hơ̆, mơ neh lơh bơta iơh rlau mơ ală bơta cau Amôrit neh lơh lài mơ khai, mơ neh lơh Juda in kung tìs glài mơ rùp ràk khai dê sơl.

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Nehemi 9:18

Bulah tòm tŭ bol khai neh tŏ dô nơm kơnrồ dam mơ đơs lah: do la yàng bol mê dê neh lam bol mê lik bơh di lơgar Ejiptơ; Mơ neh đơs tràl sơrbil di Yàng kơnjơ̆ ngan;

Nehemi 9:29

Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Đơs Crih 50:17

Bơh mê gơjrañ kơuềng di bơta lơh glài tơmàl, Ală jơnau đơs Añ jê mê sang lòi đah ngkòi mê dê.

Jeremi 16:11

Gen đơs tĕ mơ bol khai lah: Yàng Jehôwa đơs: ‘Hơ̆ la tài bơh ồng pàng bol mê dê neh sang lòi Añ, lòt jat ală yàng ndai, nàng duh broă mơ duh khoai ală yàng hơ̆, mơ neh sang lòi Añ ò prap gàr bơta boh lam Añ jê.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 2:7

Añ neh cèng bol mê mut tòm dô nơm lơgar ù bơkah tiah lơngồt, nàng sa plai mơ dòp ală bơta niam gơ dê. Mơya tòm tŭ bol mê neh mut, gen bol mê neh lơh ƀơ̆ ƀơl lơgar Añ, neh lơh sre brê Añ jê gơlik gơs ngkòr ngkàc.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 42:19

Ơ oh mi la cau Juda gam ơm wơl, Yàng Jehôwa neh đơs bơh oh mi lah: ‘Bañ tus hơ lơgar Ejiptơ.’ Pal git loh lah ngai do añ neh yal loh oh mi in.

Ñìm Rac 3:42

“Bol hi neh tìs glài, neh sòdră; mơ Kơnràñ ò toh glài!

Ejekiel 20:21

Mơya ală kòn sau pơrlơ̆ dră mơ Añ; bol khai neh ò lơh jat ală jơnau sồr Añ jê, bol khai neh ò kơrhia prap gàr ală bơta boh lam Añ jê, bơh cau lơi lơh jat gen kòp nă rơp geh kis; mơ bol khai sền òsơp di ală ngai Saƀat Añ jê. Gen Añ kơlôi Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm ƀlàng ngềt ngơt.

Mathiơ 21:35

Mơya ală cau lơh suơn kup ală cau dĭ, pù lơh cau do, tơnchơt cau ne, mơ cơm lŭ di cau dă.

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;

Yal Wơl 32:14

dơngi dà toh mơ dà toh bơh di mpồl kơnrồ mơ belàt, mơ bơh ală belàt kòn mơ ală be lơmă, bơh ală belàt sac rwah Basan dê mơ ală gar kòi mi niam rlau jơh. Mê hùc tơrnòm ño bơkah bơh dà bơsơt plai ño dê.

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.

Ală Kwang Cahrña 10:6

Gen làng bol Israel lơh bơta iơh bơsak tai di đap Yàng Jehôwa. Bol khai duh broă ală yàng Baal mơ yàng Astarôt, ală yàng lơgar Aram, ală yàng lơgar Sidôn, ală yàng lơgar Môap, ală yàng lơgar Ammôn, mơ ală yàng lơgar Philistin dê. Mơ tài bơh làng bol Israel sang lòi Yàng Jehôwa mơ ò duh khoai Kơnràñ.