Nehemi 9:22 - Sră Goh 2018

²² Mơ tai Kơnràñ neh ai bol khai in ală lơgar mơ ală làng bol, mơ tòmpà bol khai in tus lồi nhàr lơgar hơ̆ bol khai in. Bol khai dòp geh lơgar Sihôn bơtau Hesbôn dê, mơ lơgar Ok bơtau Basan dê.

Nehemi 9:22 ပူးပေါင်းရင်းမြစ်များ

Đơs Crih 105:44

Kơnràñ ai gòi bol khai in ù tiah ală làng bol dê, Bol khai dòp geh cồng nha tơngai broă ală làng bol hơ̆ dê,

Đơs Crih 78:65

Gen Yàng kah rngal bơh bơta bic, Ò gơkrơi be cau pràn kơldang driau dờng tài bơh tơrnòm.

Jeremi 27:5

‘Să tòm Añ la Bơtau neh lơh gơs ù tiah, jơi kòn mơnus mơ jơi phan poan jơng ơm hơđang plai ù, bơh gơnoar dờng mơ tơwòr tê Añ jê pò tơlik, Añ ai gơ cau lơi in jat nùs Añ kòñ.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Yal Wơl 1:4

Hơ̆ la tơnơ̆ mơ tŭ khai neh lơh alah Sihôn bơtau cau Amôrit neh at bồ tòm Hesbôn, mơ tòm Edrei neh lơh alah Ok bơtau Basan neh at bồ tòm Astarôt.

Yal Wơl 32:26

Añ neh đơs lah Añ rơp rsìh bol khai mơ jùt sang bơta kirsơnre bol khai dê bơh di jơi kòn mơnus,

Yal Wơl 4:46

mơ neh ơm tòm thòng rềp di Bet Pheor đah mattơngai lik Jordan dê, tòm lơgar Sihôn bơtau cau Amôrit dê, la bơtau at bồ tòm Hesbôn mơ neh kong ală cau Israel mơ Môise lơh alah tòm tŭ bol khai lik bơh di Ejiptơ.

Yal Wơl 4:47

Bol khai ai lơgar khai dê mơ lơgar Ok bơtau Basan dê lơh gơs sre brê, hơ̆ la bàr nă cau bơtau Amôrit ơm đah mattơngai lik Jordan dê.

Jôsue 10:11

Tòm tŭ bol hơ̆ ntoat dô bơh di đap Israel tòm gùng mù kơh bơh Bet Hôrôn tus hơ Ajekah, gen Yàng Jehôwa tơndùh hơđang bol khai mìu lŭ dờng bơh đang trồ, mơ khà cau chơt bơh mìu lŭ la oă rlau mơ khà cau kòl Israel tơnchơt mơ đào.

Jôsue 11:23

Behơ̆ Jôsue tòmpìt ai jơh lơgar jat be jơh ală jơnau Yàng Jehôwa neh đơs mơ Môise, mơ ai lơgar hơ̆ Israel in lơh gơs sre brê jat be bơta tă khà ală jơi bơtiàn bol khai dê. Mơ lơgar ơm rlô bơh bơta kơlìn.