Nehemi 9:20 - Sră Goh 2018

²⁰ Kơnràñ kung ai bol khai in Hwềng lơbơn niam nàng bơto bol khai. Mơ ò lơh sềt pơniă ai bol khai in sa mana, mơ dà bol khai in nàng hùc rài tơhìr.

Nehemi 9:20 ပူးပေါင်းရင်းမြစ်များ

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Đơs Crih 105:41

Kơnràñ lơh bơcah pơnai lŭ, gen dà hòr lik pràn ngan; Gơhòr be dô nơm hiòng tòm ƀlàng bràs.

Đơs Crih 143:10

Dan bơto añ lơh jat nùs kòñ Yàng dê, Bơh Kơnràñ la Yàng Tom Trồ añ jê; Dan Hwềng Goh Yàng dê tề lam añ tòm gùng ring drik.

Lik Ejiptơ 16:15

Tòm tŭ cau Israel gŏ gen lùp bal mơ gơp lah: “Phan hơ̆ la ñchi taih?” Bơh bol khai ò git phan hơ̆ la ñchi. Gen Môise đơs mơ bol khai lah: “Hơ̆ la piang lă mơ Yàng Jehôwa ai bol mê in lơh gơs phan sa.

Lik Ejiptơ 16:35

Cau Israel sa mana tòm poan jơt nam, jơl tus di tŭ bol khai mut tòm lơgar bol khai ơm; bol khai sa mana jơl tus di tŭ bol khai tus di nhàr lơgar Kanaan.

Lik Ejiptơ 16:4

Gen Yàng Jehôwa đơs mơ Môise lah: “Añ rơp bơh hơđang trồ đùh mìu piang lă bol mê in. Làng bol rơp lik kòp ngai dòñ tơl sa dô ngai hơ̆. Lơh behơ̆ nàng Añ lòng sền làng bol rơp lơh jat jơnau bơto sồr Añ jê hala ò.

Lik Ejiptơ 17:3

Mơya tềng hơ̆ làng bol tơhìr dà ngan, mơ bol khai yoam tòmdră di Môise. Bol khai đơs lah: “Ñchi bơh tài ồng neh cèng bol hi lik bơh Ejiptơ nàng bol hi mơ kòn bol hi dê bal mơ ală mpồl phan poan jơng pal kong chơt tơhìr be do taih?”

Lik Ejiptơ 17:6

Añ rơp ntào tềng hơ̆ di đap mê, di pơnai lŭ tòm Hôrep. Mê pòng tĕ pơnai lŭ, gen dà rơp bơh di pơnai lŭ hơ̆ gơhòr lik ai làng bol in hùc.” Môise lơh behơ̆ di đap ală cau kwang kra Israel dê.

Esai 48:21

Bol khai rơp ò tơhìr dà tòm tŭ Kơnràñ lam bol khai lòt gan ală ƀlàng bràs; Kơnràñ neh lơh dà gơhòr lik bơh di pơnai lŭ klềr; Kơnràñ pòng bơcah pơnai lŭ klềr, gen dà hòr lik.

Esai 49:10

Bol khai rơp ò jơgloh ò tơhìr, kơnhồl duh tòm ƀlàng bràs hala mattơngai rơp ò àl hơđang bol khai. Bơtau kòñ nđàc di bol khai rơp tề lam bol khai, mơ cèng bol khai tus rềp di croh dà.

Sră Age 2:5

‘Jat be bơta ho bal Añ neh bơtào mơ bol mê tòm tŭ bol mê lik bơh Ejiptơ. Mơ Hwềng Añ gam ơm digùl bol mê, bañ rngòt.’

Khà Làng Bol 11:17

Añ rơp mù tus mơ tòmbơhbơr mơ mê tềng hơ̆, mơ Añ rơp ai Hwềng neh ơm hơđang mê mơ ơn Hwềng hơ̆ hơđang bol khai. Bol khai rơp dong kòl mê àñ ơnòng kơnjơ̆ làng bol dê tồ mê rơp ò àñ ơnòng is mìng dô nă mê lơm.

Jang 4:10

Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Rôma 15:30

Behơ̆, ơ oh mi, kơnòm di Yàng Jesu Krist bol he dê mơ kơnòm di bơta kòñ gơboh Yàng Hwềng dê, añ bơto tơngkah oh mi gơs tĕ dô nùs bal mơ añ nàng tòmlơh tòm bơta hòi dan mơ Yàng Tom Trồ añ in,

I Kôrintô 10:3

Jơh ală bol khai sa bal dô nơm phan sa đah hwềng,

Ephesô 5:9

(bơh plai bơta àng dê ơm tòm jơh ală bơta lơbơn niam, song ring, mơ song ngan),

Jôsue 5:12

Mana dơh wơl tòm ngai bol khai neh sa phan gơlik bơh ù tiah, mơ làng bol Israel ò gam gơs mana tai, bol khai neh sa phan tòm lơgar Kanaan tòm nam hơ̆.

II Pier 1:21

bơh ò gơs jơnau gơnoar hwơr lơi bơh nùs is dô nă cau lơi mơ gơs, mơya hơ̆ la bơh Yàng Hwềng Goh lơh rngoh rngac mơ cau neh đơs jơnau Yàng Tom Trồ dê.