Nehemi 9:17 - Sră Goh 2018

¹⁷ bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Nehemi 9:17 ပူးပေါင်းရင်းမြစ်များ

I Ală Bơtau 6:13

Mơ Añ rơp ơm digùl kòn sau Israel, Añ rơp ò tŭ lơi sang lòi làng bol Añ jê la Israel.”

I Ală Bơtau 8:57

Dan Jehôwa Yàng Tom Trồ bol hi ơm bal mơ bol hi, be Kơnràñ neh ơm bal mơ ồng pàng bol hi dê, bañ sang lòi bol hi;

II Yal Yau 36:13

Khai kung tòmdră mơ bơtau Nebukatnessar la bơtau neh sồr khai srat să ho nền tòm sơnđan Yàng Tom Trồ dê. Khai kơldang bồ mơ kơldang nùs ò bài rê wơl hơ Yàng Jehôwa la Yàng Tom Trồ Israel dê.

Ejra 9:9

Bơh bol hi la ală cau dĭ, bulah behơ̆ Yàng Tom Trồ bol hi dê ò sang lòi bol hi tòm bơta ơm dĭ bol hi dê. Mơya neh ràng tơlik bol hi in bơta kòñ gơboh kơ̆ dơn Kơnràñ dê di đap ală cau bơtau lơgar Persia dê, nàng ai bol hi in rài kis pa, nàng bơtào wơl hìu Yàng Tom Trồ bol hi dê mơ rcang niam wơl ală tiah tơrlah tơrling gơ dê, mơ ai bol hi in dô nơm dơrñang tòm Juda mơ Jerusalem.

Nehemi 9:31

Mơya tài bơh nùs nđàc sơngit dờng ngan Kơnràñ dê gen Kơnràñ neh ò tơnroh bol khai, kung ò sang bol khai sơl; tài bơh Kơnràñ la Yàng Tom Trồ kòñ nđàc mơ nđàc sơngit.

Đơs Crih 106:13

Mơya bol khai mhar ngan hŭi ală broă Kơnràñ dê, Ò kơp gơn bơta lơh nền Kơnràñ dê gơwèt mơ bol khai.

Đơs Crih 106:7

Tòm tŭ ồng pàng bol hi dê ơm tòm lơgar Ejiptơ, bol khai ò git wă ală broă crih crài Kơnràñ dê, Bol khai ò kah bơta kòñ gơboh kơ̆ dơn tơngkah tơngkañ Kơnràñ dê, Mơya tòmdră mơ Bơtau Hơđang Rlau Jơh di gah Dàlềng Pơrhê.

Đơs Crih 130:4

Mơya Yàng gơs nùs toh glài, Nàng cau in duh rngòt dê Kơnràñ.

Đơs Crih 78:10

Bol khai ò prap gàr bơta ho bal Yàng Tom Trồ dê, Kung ò bài lơh jat bơta boh lam Kơnràñ dê.

Đơs Crih 78:11

Bol khai hŭi ală broă Kơnràñ lơh, Mơ ală bơta crih crài Kơnràñ neh ràng tơlik bol khai in gŏ.

Đơs Crih 78:38

Bulah behơ̆, bơh nùs kòñ nđàc Kơnràñ toh bơta tồi glài iơh bơsak bol khai dê. Ò tơnroh bol khai; oă dơ̆ Kơnràñ tơnruc bơta gơhào gơjrañ Kơnràñ dê, mơ ò gơrơndul jơh bơta gơjrañ dờng Kơnràñ dê.

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Lik Ejiptơ 32:9

Yàng Jehôwa kung đơs mơ Môise lah: “Añ neh gŏ làng bol do la dô nơm làng bol kơldang bồ.

Jơnau Pơnđik 1:24

Tài bơh añ hòi jà mơya bol mê ò bài iat, Añ pò tê mơya ò gơs cau lơi ơn nùs kơlôi.

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Ejekiel 5:6

Mơya gơ neh bơtào tòmdră mơ ală bơta boh lam mơ ală bơta sồr lam Añ jê gơlik iơh bơsak rlau mơ ală làng bol mơ ală lơgar gùt dar gơ, neh sang lòi ală bơta boh lam Añ jê mơ ò lơh jat ală bơta sồr lam Añ jê.

Daniel 9:9

Jehôwa la Yàng Tom Trồ bol hi dê la Bơtau gơs bơta kòñ nđàc mơ jak toh glài bulah bol hi neh tòmdră mơ Kơnràñ.

Jôel 2:13

Crè tĕ nùs bol mê, bañ crè ào bol mê dê. Rê wơl tĕ hơ Jehôwa Yàng Tom Trồ bol mê dê; bơh Kơnràñ la kòñ nđàc mơ nđàc sơngit, òbat gơjrañ mơ bềng bơta kòñ gơboh kơ̆ dơn, tơnruc nùs ò đùh bơta rung rài.

Lebi 26:44

Bulah neh gơs ală bơta hơ̆, tòm tŭ bol khai ơm tòm lơgar ală cau sò tơm di bol khai, Añ rơp ò sang lòi bol khai hala cù kìr di bol khai nàng tơnroh jơh hir bol khai mơ sang lòi jơnau Añ neh ho bal mơ bol khai. Añ la Jehôwa Yàng Tom Trồ bol khai dê.

Nahum 1:3

Yàng Jehôwa òbat gơjrañ mơ gơs gơnap gơnoar dờng; Yàng Jehôwa ò lòi cau tìs glài ò kong lơh glài. Gùng lòt Kơnràñ dê la tòm càl rwac mơ càl rbut dờng, mơ ală puk mhwal la thul hơđơm jơng Kơnràñ dê.

Khà Làng Bol 14:11

Yàng Jehôwa đơs mơ Môise lah: “Nđò jŏ làng bol do gam sền òsơp di Añ taih? Nđò jŏ bol khai gam ò bài dòn di Añ bulah Añ neh lơh jơh ală tềl krơi digùl bol khai taih?

Khà Làng Bol 14:41

Mơya Môise đơs lah: “Ñchi bơh tài bol mê ò lơh jat jơnau sồr Yàng Jehôwa dê taih? Bơta bol mê lơh hơ̆ ò gơlik cồng nha niam ò!

Khà Làng Bol 16:14

Rlau mơ hơ̆, mê ò gŏ cèng bol hi tus hơ dô nơm lơgar bềng lìu dà toh mơ dà lơwe hala ai bol hi in ală ƀlàng sre mơ ală suơn ño lơh gơs sre brê. Mê rơp kơlwĕ gar mat ală cau do sơl ơ? Ò, bol hi rơp ò lòt tus ò.”

Broă 7:39

Mơya ală ồng pàng bol he ò bài lơh jat jơnau khai, sang khai mơ wèt nùs wơl hơ lơgar Ejiptơ.

Rôma 9:15

Bơh Kơnràñ neh đơs mơ Môise lah: “Añ rơp kòñ nđàc di cau Añ kòñ nđàc, Añ rơp nđàc sơngit di cau Añ nđàc sơngit.”

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

I Samuel 12:22

Bơh sơnđan dờng ryŭ Yàng Jehôwa dê gen Kơnràñ rơp ò sang lòi làng bol Kơnràñ dê, tài bơh Kơnràñ neh niam nùs dòp rò bol mê lơh gơs làng bol Kơnràñ dê.