Nehemi 9:14 - Sră Goh 2018

¹⁴ Kơnràñ neh yal bol khai in git ngai rlô sàng goh Kơnràñ dê, ai bol khai in ală bơta gơnoar sồr, bơta lơh nền mơ bơta boh lam. Gan di Môise cau duh broă Kơnràñ.

Nehemi 9:14 ပူးပေါင်းရင်းမြစ်များ

Sơnròp Gơlik Gơs 2:3

Kơnràñ ai lơngai lơngò ngai poh in, mơ sơnđan la ngai sàng goh, tài bơh tòm ngai hơ̆ Kơnràñ rlô bơh dê ală broă Kơnràñ neh crơng gơs mơ neh lơh gơs rau.

Nehemi 1:8

Dan kah jơnau Kơnràñ neh sồr Môise, dĭ gơna Kơnràñ dê lah: ‘Dilah bol mê ò dòn song, gen Añ rơp rsìh bol mê digùl ală làng bol.

Nehemi 10:32

Bol hi kung lơh nền să tòm bol hi pal gơs pơnah broă tòm ơn dô pơnah pe sieklơ kòp nam să tòm bol hi in nàng ngui tòm broă hìu duh khoai Yàng Tom Trồ bol he dê:

Lik Ejiptơ 16:23

Môise đơs mơ bol khai lah: “Do la jơnau Yàng Jehôwa neh sồr: ‘Ngai hìng rơp la ngai rlô, la ngai Saƀat sàng goh Yàng Jehôwa in, behơ̆ buh tĕ phan lơi bol mê kòñ buh, mơ gơm tĕ phan lơi bol mê kòñ gơm. Prap wơl phan gam tơngkah, lòi tĕ tus àng drim.’”

Lik Ejiptơ 16:29

Kah kơlôi tĕ lah Yàng Jehôwa neh ai bol mê in ngai Saƀat; tài behơ̆ tàng tòm ngai prau Kơnràñ ai bol mê in piang lă tơl bàr ngai. Tòm ngai poh kòp nă pal ơm tòm tiah khai dê, bañ gơs cau lơi lik bơdìh hìu.”

Lik Ejiptơ 24:12

Yàng Jehôwa đơs mơ Môise lah: “Guh tĕ mơ Añ hơđang mơnơm, mơ ơm tềng hơ̆; mơ Añ rơp ai mê in ală mpàn lŭ, gơs bơta boh lam mơ ală bơta sồr lam mơ Añ neh cih nàng bơto làng bol.”

Ejekiel 20:11

Añ neh ai bol khai in jơnau sồr Añ jê, mơ sơnio bol khai in git ală bơta boh lam Añ jê, bơh cau lơi lơh jat ală bơta hơ̆ gen rơp geh kis.

Ejekiel 20:12

Añ kung neh ai bol khai in ală ngai Saƀat Añ jê be dô nơm tềl digùl Añ mơ bol khai, nàng bol khai in git lah Añ la Yàng Jehôwa neh lơh bol khai in gơlik gơs sàng goh.

Ejekiel 20:20

Prap gàr tĕ sàng goh ală ngai Saƀat Añ jê nàng lơh gơs dô nơm tềl digùl Añ mơ bol mê. Gen bol mê rơp git Añ la Jehôwa Yàng Tom Trồ bol mê dê.’

Lebi 19:3

Kòp nă bol mê pal ki ngàm di mè bèp he dê, mơ bol mê pal prap gàr ngai Saƀat Añ jê. Añ la Jehôwa Yàng Tom Trồ bol mê dê.

Lebi 27:34

Hơ̆ la ală bơta sồr lam cau Israel in mơ Yàng Jehôwa neh ai Môise in hơđang mơnơm Sinai.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Yal Wơl 4:45

Hơ̆ la ală sơnoa rnoas, ală bơta lơh nền mơ ală bơta boh lam mơ Môise neh ai bol khai in tòm tŭ bol khai lik lòt bơh di Ejiptơ

Yal Wơl 4:5

Sền tĕ, añ neh bơto bol mê in git ală bơta lơh nền mơ ală bơta boh lam mơ Jehôwa Yàng Tom Trồ añ jê neh sồr añ, tồ bol mê rgơi lơh jat tòm lơgar bol mê rơp mut mơ dòp lơh gơs sre brê.

Yal Wơl 5:31

Mơya mê ơm wơl tềng do bal mơ Añ nàng Añ ai mê in jơh ală jơnau sồr, ală bơta lơh nền mơ ală bơta boh lam mơ mê rơp bơto bol khai lơh jat tòm lơgar Añ rơp ai bol khai in dòp geh lơh gơs phan tòm.’