Nehemi 8:17 - Sră Goh 2018

¹⁷ Jơh mpồl jơnum neh geh rê bơh bơta kong kup cèng gen lơh sàl mơ ơm tềng hơ̆. Bơh di rài Jôsue kòn klau Nun dê jơl tus ngai hơ̆, làng bol òhềt gơs behơ̆, mơ gơs bơta hòn chò dờng ngan.

Nehemi 8:17 ပူးပေါင်းရင်းမြစ်များ

I Yal Yau 29:22

Mơ bol khai sa mơ ñô di đap mat Yàng Jehôwa tòm ngai hơ̆ gơs bơta hòn chò dờng. Bol khai pồ bơtào Salômôn kòn klau Dabit gơs bơtau dơ̆ bàr; bol khai bong mơñà khai lơh gơs bơtau at bồ, mơ Jadôk gơs cau gơnoar ơn phan duh khoai.

II Yal Yau 30:26

Gơs bơta hòn chò dờng tòm Jerusalem, bơh di ngai Salômôn kòn klau Dabit bơtau Israel dê, òhềt gơs bơta lơi neh gơs be bơta hơ̆ tòm Jerusalem.

II Yal Yau 35:18

Òhềt tŭ lơi gơs bơta pơjum sa lòt gan geh prap gàr tòm toh behơ̆ tòm Israel, bơh di ală ngai cau gơnoar hwơr Samuel dê; mơ ò gơs dô nă bơtau lơi Israel dê neh prap gàr dô ngai pơjum sa wèr Lòt Gan kung be Jôsia neh prap gàr mơ bơh ală cau gơnoar ơn phan duh khoai, ală cau Lebi mơ jơh Juda mơ Israel la ală cau neh gơs mat mơ bơh làng bol ơm tòm Jerusalem.

II Yal Yau 8:13

jat bơta pal càng kòp ngai, ơn phan pơdơng jat be bơta boh lam Môise dê bơh ală ngai Saƀat, ală ngai Dùl Lik mơ tòm pe bơta pơjum sa kòp nam la bơta pơjum sa Piang lă ò gơs kañ, bơta pơjum sa Ală Poh mơ bơta pơjum sa Sàl Ing.

Ejra 3:4

Bol khai prap gàr ngai pơjum sa ngai wèr Sàl Ing, jat be bơta neh cih mơ ơn ală phan ơn duh khoai chu pơrguc jat khà pal ơn kòp ngai be neh geh lơh nền.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Yal Wơl 16:15

Tòm poh ngai, pơjum tĕ Ngai pơjum sa Jehôwa Yàng Tom Trồ bol mê dê di tiah mơ Yàng Jehôwa rơp sac rwah. Bơh Jehôwa Yàng Tom Trồ bol mê dê rơp ai lơngai lơngò bol mê in tòm jơh ală phan bol mê rơp toès mơ tòm jơh ală broă bol mê neh lơh, mơ bơta hòn chò bol mê dê rơp geh wil tơl.

Hebrơ 11:13

Jơh ală cau hơ̆ neh chơt tòm bơta dòn, òhềt dòp geh bơta neh ho pơgon, mìng đal sền mơ gơs nùs chò hòp wă rò ală bơta hơ̆ bơh tiah ngài, bol khai kòp să he la cau nac crih mơ la cau ơm ing tòm plai ù.

Hebrơ 11:9

Bơh bơta dòn khai ơm ing tòm lơgar neh ho ai khai in kung be ơm tòm lơgar ndai, ơm tòm sàl bal mơ Isak mơ Jakôp la ală cau geh pơrdòn dô jơnau ho pơgon bal mơ khai.

Hebrơ 4:8

Bơh dilah Jôsue neh ai bol khai in rlô mơ Yàng Tom Trồ neh ho, gen ngan Yàng Tom Trồ ò gam đơs bơh dô ngai ndai tai.

Jôsue 1:1

Tơnơ̆ mơ tŭ Môise cau duh broă Yàng Jehôwa dê neh chơt, Yàng Jehôwa đơs mơ Jôsue kòn klau Nun, cau dong broă Môise dê lah: