Nehemi 7:65 - Sră Goh 2018

⁶⁵ Cau kwang at bồ lơgar bơkơ̆u bol khai sa ală phan sàng goh jơl tus gơs dô nă cau gơnoar ơn phan duh khoai ngui Urim mơ Thumim rơp tus.

Nehemi 7:65 ပူးပေါင်းရင်းမြစ်များ

Ejra 2:63

Cau kwang at bồ kơnhwàl đơs mơ bol khai la bañ sa phan lơi tòm ală phan sàng goh rlau jơh, jơl tus di tŭ pal gơs dô nă cau gơnoar ơn phan duh khoai hòi lùp Urim mơ Thumim.

Nehemi 10:1

Do la sơnđan ală cau neh tap ƀang kì tòm bơta ho bal hơ̆: Nehemi kwang at bồ lơgar, la kòn klau Hakalia dê mơ Jedekia.

Nehemi 7:64

Ală cau hơ̆ cih tơmut bol khai tòm sră cih sơnđan jơi bơtiàn, mơya jòi ò gŏ, behơ̆ bol khai kòl tă tơlik bơh gơnoar broă ơn phan duh khoai, kòp be la ò goh.

Nehemi 7:66

Jơh mpồl jơnum pơjum wơl la poan jơt bàr rbô pe rhiang prau jơt nă,

Nehemi 7:70

Gơs cau ƀà tòm ală cau at bồ hìu nhă ai phan nàng dong tòm broă lơh. Cau kwang at bồ kơnhwàl ơn tòm đam dô rbô darik màh (dô darik la pe cìh), pram jơt nơm cờu mơ phàm rhiang pe jơt nơm ào cau gơnoar ơn phan duh khoai.

Nehemi 8:9

Gen Nehemi cau kwang at bồ kơnhwàl, Ejra cau gơnoar ơn phan duh khoai kung la cau gơnoar cih, mơ ală cau Lebi la ală cau bơto làng bol đơs mơ làng bol Israel lah: “Ngai do la ngai sàng goh Jehôwa Yàng Tom Trồ bol mê in, bañ moat jrùng mơ ñìm rac.” Tài bơh jơh làng bol ñìm tòm tŭ bol khai kơno ală jơnau bơta boh lam dê.

Lik Ejiptơ 28:30

Hơđang ồi dềt kơt ntơh kung pal kơt Urim mơ Thumim nàng bol gơ ơm hơđang nùs Arôn dê tòm tŭ khai tus di đap Yàng Jehôwa. Behơ̆ di đap Yàng Jehôwa, Arôn rơp àñ sùm hơđang nùs khai dê ală bơta lơh nền gơwèt hơ ală kòn klau Israel dê.

Lebi 2:10

Pơnah gam wơl phan ơn mơ kòi mbo dê gơrê bal mơ Arôn mơ ală kòn klau khai dê, hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 2:3

Pơnah gam wơl bơh phan ơn mơ kòi mbo hơ̆ gơrê bal mơ Arôn mơ ală kòn klau khai dê; hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 6:17

Ò di buh gơ bal mơ kañ; Añ neh ai bol khai in gơs pơnah tòm ală phan ơn chu tòm ồs ơn Añ in. Kung be phan ơn tơwài glài mơ phan ơn tơwài glài gơtup tìs, gơ la sàng goh rlau jơh.

Lebi 8:8

Khai ơn ồi kơt ntơh di Arôn mơ ơn Urim mơ Thumim tòm ồi kơt ntơh.

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

Yal Wơl 33:8

Bơh Lebi khai neh đơs lah: “Thumim dan ai Lebi in, mơ ai Urim cau Kơnràñ kòñ gơboh. Kơnràñ neh lòng khai tòm Masa; Kơnràñ neh tòm pơndang mơ khai tòm dà Meriba;