Nehemi 7:5 - Sră Goh 2018

⁵ Gen Yàng Tom Trồ chồl ơn tòm nùs añ, pơjum ală cau dờng màng, ală cau kwang at bồ, mơ làng bol geh cih sơnđan jat jơi bơtiàn. Añ neh bàn sră cih sơnđan jơi bơtiàn ală cau neh rê dơ̆ sơnròp, mơ añ gŏ neh cih jat be do lah:

Nehemi 7:5 ပူးပေါင်းရင်းမြစ်များ

Ejra 2:62

Ală cau hơ̆ jòi tòm sră cih sơnđan hìu nhă bol khai dê, mơya bol khai jòi ò bàn, gen tàng bol khai gơkòl pơndut broă ơn phan duh khoai tài bơh ò sàng goh.

Ejra 7:27

Pal jòng ro Jehôwa Yàng Tom Trồ ală ồng pàng bol he dê bơh Kơnràñ neh ơn ală bơta hơ̆ tòm nùs cau bơtau nàng khai lơh gơklŏ hìu Yàng Jehôwa tòm Jerusalem,

Nehemi 5:19

Ơ Yàng Tom Trồ añ jê, dan kah bơh broă niam añ jê, jơh ală broă añ neh lơh làng bol do in.

Nehemi 6:14

Ơ Yàng Tom Trồ añ, dan kah tĕ Sanbalat mơ Tôbiah jat be ală broă bol khai neh lơh, kung kah Nôdia cau gơnoar hwơr ùr bal mơ ală cau gơnoar hwơr ndai neh kòñ lơh añ in rngòt.

Nehemi 7:4

Ƀòn hơ̆ la dờng mơ ơnàng, ai làng bol tòm dơlam gơ gơs mìng dô êt, mơ ală hìu gen òhềt geh bơt bơtào.

Nehemi 7:64

Ală cau hơ̆ cih tơmut bol khai tòm sră cih sơnđan jơi bơtiàn, mơya jòi ò gŏ, behơ̆ bol khai kòl tă tơlik bơh gơnoar broă ơn phan duh khoai, kòp be la ò goh.

Jơnau Pơnđik 2:6

Bơh Yàng Jehôwa ai gòi bơta jak chài. Bơh di bơr Kơnràñ tus bơta git jak mơ bơta git wă.

Jơnau Pơnđik 3:6

Tòm jơh ală gùng dà kòn dê, dòp git tĕ Kơnràñ, Gen Kơnràñ rơp bơsong ală gùng dà kòn dê.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

II Kôrintô 3:5

Ò di să tòm bol he gơs tơl bơta chài rgơi is nàng kơlôi broă lơi gơlik bơh bol hi, mơya bơta chài rgơi bol hi dê tus bơh Yàng Tom Trồ.

II Kôrintô 8:16

Ưnngài Yàng Tom Trồ, Kơnràñ neh ơn tòm nùs Tit gơs bơta kơlôi ngac ngar gơwèt mơ oh mi kung be añ sơl.

Kôlôse 1:29

Kung bơh bơta hơ̆ mơ añ kong bòl glar lơh broă, tòmlơh jơh nùs kơnòm di pràn Kơnràñ dê mơ Kơnràñ lơh broă tòm añ dô bă gơs gơnap gơnoar.

Jakơ 1:16

Ơ oh mi kòñ gơboh añ jê, bañ gơkòl pơrlồm.