Nehemi 6:13 - Sră Goh 2018

¹³ Cau neh ơpah khai nàng lơh añ in rngòt mơ lơh añ in tìs glài, nàng bol khai gơs bơta đơs iơh di añ, lơh añ in ƀàssìl.

Nehemi 6:13 ပူးပေါင်းရင်းမြစ်များ

Nehemi 6:12

Añ đal git mơ gŏ Yàng Tom Trồ ò sồr khai tòm jơh ală bơta, mơya khai đơs jơnau tòmdră di añ, tài bơh Tôbiah mơ Sanbalat neh ơpah khai.

Nehemi 6:6

Tòm sră pơyoa hơ̆ neh cih lah: “Tòm ală làng bol cau kơno yal, mơ Gesem kung bơh bơta hơ̆: Mê mơ ală cau Juda kòñ pơrlơ̆ dră, tài bơh hơ̆ tàng mê bơt wơl dơrñang; mơ jat be jơnau geh yal la mê kòñ lơh gơs bơtau bol khai dê.

Jơnau Pơnđik 22:1

Sơnđan geh tiơng pơnro geh sac rwah mơ jền priă phan mơna oă; mơ bơta nđàc màng rlau mơ màh hala priă.

Jơnau Pơnđik 29:5

Cau lơi rơmhòc cau ơm rềp mơ he, pơt dă di đap cơnđòa khai.

Cau Bơto 7:1

Tiơng pơnro niam rlau mơ mơñà kas màng: ngai chơt rlau mơ ngai deh.

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Jeremi 1:17

Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Ejekiel 2:6

Ai mê, ơ kòn mơnus, mê bañ rngòt di bol khai hala di jơnau đơs bol khai dê. Bañ rngòt bulah lò mrơt lò mang rồng gùt dar mê, mơ mê ơm digùl ală diang. Bañ rngòt di jơnau lơi bol khai đơs, mơ bañ rơm să tài bơh bol khai, bơh bol khai la dô nơm hìu jak tòmdră.

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Mathiơ 22:15

Tŭ hơ̆ ală cau Pharisi lik lòt, tòmbơyai bal nàng jòi kup tòm jơnau đơs Yàng Jesu dê.

Mathiơ 26:59

Mơ tai, ală cau gơnoar lam bồ ơn phan duh khoai mơ jơh Mpồl Kwang Tơrña jòi jơnau lơh cơng blac di Yàng Jesu, nàng tơnchơt Kơnràñ.

Broă 6:13

Bol hơ̆ bơtào is ală cau lơh cơng blac, đơs lah: “Cau do òs đơs ală jơnau tràl sơrbil di tiah sàng goh mơ di bơta boh lam sơl,

II Kôrintô 11:12

Bơta añ lơh gen añ kư̆ lơh tai, nàng tă sang kai gơrmơ̆i bơh di cau jòi kai jòng să lah, bol khai ndròm mơ bol hi.

I Timôthe 5:14

Behơ̆ añ kòñ ală cau ùr bơnrau gam kơnòm să pal jòi bau, deh kòn mơ at bồ hìu he, tồ cau sò tơm in ò gơs kai nàng đơs iơh.

II Timôthe 1:7

Bơh Yàng Tom Trồ ò di ai bol he in hwềng nùs rngòt rngơt, mơya ai hwềng nùs pràn kơldang, kòñ gơboh mơ git kơrhia.

Sră Pơyoa Pol Dê Pơyoa Tit In 2:8

Jơnau đơs di gùng mơ ò gơs tiah geh lah pơrhơng, tồ cau sò tơm in ƀàssìl, ò geh jơnau lơi đơs iơh di bol he.

Jakơ 4:17

Gen tàng cau lơi git broă niam pal lơh mơ ò lơh gen tìs glài.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”