Nehemi 5:15 - Sră Goh 2018

¹⁵ Ală kwang at bồ lài mơ añ neh kup làng bol àñ kơnjơ̆ rì phan sa, tơrnòm bal mơ poan jơt sieklơ priă. Tian gơs ală cau duh broă bol khai kung rồn bơklơn làng bol Mơya añ ò lơh behơ̆ ò, tài bơh añ duh rngòt di Yàng Tom Trồ.

Nehemi 5:15 ပူးပေါင်းရင်းမြစ်များ

Sơnròp Gơlik Gơs 20:11

Abraham ho lah: “Añ kơlôi lah tòm lơgar do ngan ò gơs cau rngòt di Yàng Tom Trồ gen bol khai rơp bơh bau añ mơ tơnchơt añ.

Sơnròp Gơlik Gơs 42:18

Tus ngai dơ̆ pe, Jôsep đơs mơ bol khai lah: “Añ rngòt di Yàng Tom Trồ, lơh tĕ be bơta do gen geh kis.

Nehemi 5:16

Añ ò ơn să tòm añ tòm broă bơt dơrñang, ò dan ù lơi. Mơ jơh ală cau lơh broă añ jê kung pơjum tềng hơ̆ nàng lơh broă.

Nehemi 5:9

“Bơta bol mê lơh la ò niam. Bol mê pal lơh lòt dô bă duh rngòt di Yàng Tom Trồ he, nàng kơryan jơnau dơñŏ tơnhial ală làng bol la cau sò tơm bol he dê ơ?

Sră Jop 31:23

Bơh añ rngòt di bơta rung rài tus bơh Yàng Tom Trồ, Mơ añ ò rgơi ơm di đap mat bơta ryŭ ryơm Kơnràñ dê.

Đơs Crih 112:1

Jòng ro Yàng Jehôwa! Lơngai cau lơi in duh rngòt di Yàng Jehôwa, Mơ cau lơi gơboh oă ngan bơta sồr lam Kơnràñ dê!

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Jơnau Pơnđik 16:6

Kơnòm di bơta kòñ gơboh kơ̆ dơn mơ dòn song gen glài geh tơwài; Bơh bơta duh rngòt Yàng Jehôwa cau pleh ngài bơta iơh.

Jơnau Pơnđik 29:12

Dilah cau bơtau ơn tồr iat jơnau ma blac, gen ală cau duh broă khai gơlik gơs iơh bơsak.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Jeremi 32:9

Behơ̆ añ neh blơi sre tòm Anatôt bơh di Hanamel, kòn klau wa añ, mơ añ kơr jơt poh sieklơ priă tơm khai in.

Ñìm Rac 5:8

Cau dĭ gơna at bồ hơđang bol hi; Ò gơs cau lơi dong tă bol hi klàs bơh tê bol khai.

Mathiơ 5:47

Mơ dilah bol mê mìng lùp còp să oh mi he lơm, gen gơs ñchi krơi mơ cau ndai taih? Ală làng bol bơdìh ò di lơh behơ̆ ò ơ?

II Kôrintô 11:9

Tòm tŭ añ ơm mơ oh mi, dơ̆ tìp bơta siơ̆u siar, gen ò lơh pơnjê di cau lơi ò; bơh ală oh mi ơm tòm Masedoan lòt tus mơ neh dong tơl tòm bơta pal càng añ jê. Tòm jơh ală broă, añ neh kơrmap gàr să añ tồ ò lơh pơnjê di oh mi; añ kung rơp kư̆ kơrmap gàr să añ behơ̆ sùm.

II Kôrintô 12:13

Dilah ò kòp bơta să tòm añ ò lơh pơnjê di oh mi, gen gơs bơta lơi mơ oh mi gơhuc mơ ală Hìu Jum Goh ndai sơl? Dan toh glài añ in bơta ò ring behơ̆!

I Samuel 8:15

Khai rơp tă dô pơnah jơt kòi mbo mơ suơn ño bol mê dê nàng ai ală cau kwang ling mơ ală cau duh broă khai in.