Nehemi 5:13 - Sră Goh 2018

¹³ Añ kung rtuh ào añ mơ đơs lah: “Cau lơi ò lơh jat jơnau ho gen dan Yàng Tom Trồ rtuh khai bơh hìu khai dê mơ bơh di sre brê khai dê, dan khai gơkòl rtuh tơlik behơ̆.” Gen jơh mpồl jơnum đơs: “Amen” mơ jòng ro Yàng Jehôwa. Làng bol lơh jat bơta bol khai neh ho.

Nehemi 5:13 ပူးပေါင်းရင်းမြစ်များ

II Ală Bơtau 23:3

Bơtau ñă di gah jrong mơ bơtào bơta ho bal di đap Yàng Jehôwa, lòt jat Yàng Jehôwa, jơh nùs jơh hwềng soàn prap gàr ală bơta boh lam, bơta lơh nền, mơ bơta sồr lam Kơnràñ dê, mơ lơh wil tơl jơnau ho bal neh cih tòm sră do. Jơh làng bol geh dô nùs bal bơh jơnau ho pơgon hơ̆.

I Yal Yau 16:36

Pal jòng ro Yàng Jehôwa la Yàng Tom Trồ Israel dê, bơh sùm sùm tus di sùm sùm. Gen jơh làng bol đơs “Amen” mơ “Jòng ro Yàng Jehôwa.”

Nehemi 8:6

Gen Ejra jòng ro Yàng Jehôwa, Yàng Tom Trồ dờng ngan; gen jơh làng bol pò tê mơ đơs lah: “Amen! Amen!” Gen bol khai kun bồ tơmbic să di ù mơ duh khoai Yàng Jehôwa.

Đơs Crih 119:106

Añ neh srat să mơ lơh nền prap gàr Jơnau gơnoar sồr song ring Yàng dê.

Đơs Crih 50:14

Ai tĕ bơta ưnngài lơh gơs phan ơn duh khoai Yàng Tom Trồ in, Mơ tơm bơta ho pơgon mê dê Bơtau Hơđang Rlau Jơh in.

Đơs Crih 76:11

Ho pơgon tĕ mơ Jehôwa Yàng Tom Trồ bol mê dê, mơ lơh jat be bơta neh ho; Jơh tơl nă cau lơi ơm gùt dar Kơnràñ, cèng tĕ phan ơn Kơnràñ in la Bơtau pal duh rngòt.

Jơnau Pơnđik 28:4

Cau sang bơta boh lam jòng ro cau iơh; ai cau prap gàr bơta boh lam tòmlơh mơ bol khai.

Cau Bơto 5:5

Chan bañ ho pơgon, niam rlau mơ neh ho pơgon mơya ò lơh sir.

Khà Làng Bol 5:22

Dan dà do la dà cèng tus dô bơta srat sơntơm rơp mut tòm să jan ai dê tian gơs kơndul ai dê gơ as pŭ mơ bơnô ai dê gơ ồm.” Gen cau ùr pal đơs lah: “Amen. Amen!”

Mathiơ 10:14

Cau lơi ò wă rò bol mê hala ò iat jơnau bol mê, tŭ lik bơh hìu hơ̆ hala bơh ƀòn dờng hơ̆, gen rtuh tĕ thul bơh di jơng bol mê dê.

Broă 13:51

Bàr nă bol khai rtuh thul di mpàng jơng nàng tòmdră di bol hơ̆, lồc behơ̆ lòt tus hơ Ikôni.

Broă 18:6

Mơya ală bol hơ̆ tòmdră đơs tràl sơrbil, gen tàng Pol rtuh ào khai mơ đơs lah: “Mhàm bol mê tuh wơl hơđang bồ bol mê! Ai đah mơ añ gen ò kòl glài; bơh tŭ do añ rơp lòt tus hơ làng bol bơdìh.”

I Kôrintô 14:16

Dilah ò behơ̆, dilah mê mìng ai hwềng nùs mơ ưnngài, gen cau nggui tềng hơ̆ ò git wă jơnau mê đơs la ñchi, gen mbe khai git wă jơnau ưnngài mê dê mơ đơs “Amen” taih?

I Samuel 15:28

Samuel đơs mơ khai lah: “Ngai do Yàng Jehôwa neh crè lơgar Israel bơh di mê mơ neh ai gơ dô nă cau tòm ală cau gơp ƀòn mê dê, la cau niam rlau mơ mê.