Nehemi 4:7 - Sră Goh 2018

⁷ Mơya tòm tŭ Sanbalat, Tôbiah, ală cau Arap, ală cau Ammôn mơ ală cau Asdôt kơno broă bơt wơl dơrñang neh ntoat tơngguh mơ ală tiah tơrlah neh mòr bơt wơl wil tơl, gen bol khai gơhào gơjrañ oă ngan,

Nehemi 4:7 ပူးပေါင်းရင်းမြစ်များ

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

II Ală Bơtau 24:2

Yàng Jehôwa chồl ală mpồl ling Kalde, ling Aram, ling Môap, mơ ling Ammôn dê tus tòmlơh mơ tơnroh Juda, jat be jơnau Yàng Jehôwa neh đơs bơh di ală cau gơnoar hwơr, la dĭ gơna Kơnràñ dê.

II Yal Yau 20:1

Tơnơ̆ mơ hơ̆, cau Môap mơ cau Ammôn, bal mơ dô êt cau Meunit lòt tus brồ lơh Jehôsaphat tòm bơta tòmlơh.

Ejra 5:8

Dan yal bơtau in git lah bol hi neh lòt tus hơ kơnhwàl Juda, tus hơ hìu Yàng Tom Trồ dờng. Làng bol ơm bơt wơl hìu hơ̆ mơ lŭ dờng, mơ ală chi mpàn neh pơng tòm ală dơrñang rau. Broă lơh do neh lơh sir dô bă ngac ngar ngan mơ ntoat tơngguh tòm tê bol khai dê.

Nehemi 2:10

Mơya tòm tŭ Sanbalat, cau Hôrôn mơ Tôbiah cau Ammôn dê kơno bơta hơ̆, bol khai sơềt sơềl oă ngan, bơh gơs cau ƀà tus nàng jòi bơta lơngap lơngai làng bol Israel.

Nehemi 2:19

Mơya tòm tŭ Sanbalat cau Hôrôn, Tôbiah cau kwang Ammôn, mơ Gesem cau Arap kơno bơta hơ̆, gen bol khai ñŏ tơnhial di bol hi, đơs lah: “Ñchi bol mê lơh taih? Bol mê tòmdră mơ bơtau ơ?”

Nehemi 4:1

Tòm tŭ Sanbalat kơno bol hi ơm bơt wơl dơrñang ƀòn, gen khai gơhào gơjrañ oă ngan mơ dơñŏ tơnhial di cau Juda.

Nehemi 4:6

Behơ̆ bol hi bơt wơl dơrñang mơ jơh ală dơrñang neh tơrbŏ bal jơnhoa tus di nggùl; bơh làng bol neh lơh broă dô nùs dô bă bal.

Nehemi 4:8

mơ jơh tơl nă bol khai bơtào kai gơrmơ̆i bal nàng lòt tòmlơh tòmdră mơ Jerusalem mơ lơh oă bơta sơlồng sơlàng tềng hơ̆.

Nehemi 6:16

Dơ̆ ală cau sò tơm bol hi dê kơno bơta hơ̆, gen jơh ală làng bol gùt dar bol hi rngòt mơ gơplơ̆ nùs; tài bơh bol khai git lah broă do neh geh bơtào kơ̆ bơh bơta dong kòl Yàng Tom Trồ bol hi dê.

Jeremi 25:20

ală làng bol ơm bơcă bal, ală bơtau lơgar Us, ală bơtau lơgar Philistin: hơ̆ la bơtau Askalôn, Gaja, Ekrôn, mơ ală cau gam kis ơm tòm Asdôt;

Jeremi 41:10

Tơnơ̆ hơ̆, Ismael kup jơh ală làng bol gam ơm wơl tòm Mispa cèng gơs dĭ: hơ̆ la ală kòn ùr bơtau, mơ jơh làng bol gam lòi wơl tòm Mispa mơ kwang lam bồ ling kơp gàr Nebujaradan neh jào phi Gedalia, kòn klau Ahikam in, Ismael kòn klau Nethania, kup ală cau hơ̆ cèng gơs dĭ, mơ lam tus hơ tiah làng bol Ammôn.

Amôs 1:13

Yàng Jehôwa đơs be do: “Bơh tồi glài Ammôn dê, oă rlau mơ pe poan dơ̆. Añ rơp ò jùt sang bơta lơh glài Añ jê. Tài bơh khai neh reh kơndul ală cau ùr bun tòm Galaat, nàng pò ơnàng nhàr ù tiah khai dê.

Amôs 1:8

Añ rơp tơnroh ală cau ơm tòm Asdot mơ cau at gai gơnoar at bồ tòm Askalôn. Añ rơp tơrwơl tê tòmdră mơ Ekrôn, jơl tus di tŭ cau Philistin gam tơngkah wơl rơp gơkòl roh rui,” Yàng Jehôwa đơs behơ̆.

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Broă 5:33

Tŭ bol khai kơno ală jơnau hơ̆ gen tơk òl gơhào nùs, mơ bơyai kòñ tơnchơt ală cau gơnoar bơto dờng.

Yal Tơlik 12:17

Gen nagrài gơhào gơjrañ di cau ùr, mơ lòt tòmlơh mơ ală cau ndai tòm jơi bơtiàn cau ùr hơ̆ dê, la ală cau prap gàr ală bơta sồr lam Yàng Tom Trồ dê mơ gơs jơnau lơh cơng bơh Yàng Jesu.

I Samuel 11:2

Mơya Nahas cau Ammôn ho lah: “Tòm bơta pal càng do gen añ rơp lơh dô bơta ho bal mơ bol mê, tŭ lơi bol hi klĕ mat đah ma kòp nă bol mê dê nàng lơh ƀàssìl hơđang jơh Israel.”