Nehemi 4:5 - Sră Goh 2018

⁵ Dan bañ jơm bơta iơh bơsak bol khai dê, dan bañ lòi glài bol khai dê jùt bơh di đap mat Yàng; bơh khai neh đơs jơnau bơtat bơtròh di đap mat ală cau bơt bơtào.

Nehemi 4:5 ပူးပေါင်းရင်းမြစ်များ

II Samuel 17:2

Añ rơp brồ lơh khai tòm tŭ khai bòl glar lơbơn. Añ rơp lơh khai in rngòt gen jơh làng bol jat khai rơp ntoat dô. Añ rơp tơnchơt mìng dô nă bơtau lơm,

Nehemi 4:6

Behơ̆ bol hi bơt wơl dơrñang mơ jơh ală dơrñang neh tơrbŏ bal jơnhoa tus di nggùl; bơh làng bol neh lơh broă dô nùs dô bă bal.

Đơs Crih 109:14

Lòi bơta tồi glài iơh bơsak ồng pàng khai dê kòl kah wơl di đap Yàng Jehôwa, Lòi tồi glài mè khai dê ò tŭ lơi geh jùt sang!

Đơs Crih 51:1

Ơ Yàng Tom Trồ, dan kòñ nđàc di añ jat nùs kòñ gơboh kơ̆ dơn Kơnràñ dê; Dan jùt jơh ală bơta tìs glài añ jê, jat bơta kòñ nđàc dờng ơnàng Yàng dê.

Đơs Crih 51:9

Dan Yàng pleh mat bơh di ală tồi glài añ jê, Mơ jùt jơh ală bơta iơh bơsak añ jê.

Esai 2:9

Behơ̆ kòn mơnus rơp kong tơnliah; bañ toh glài bol khai, ơ Yàng!

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Ñìm Rac 1:22

Dan lòi ală broă tồi glài bol khai dê tus di đap Kơnràñ! Dan lơh di bol khai kung be Kơnràñ neh lơh mơ añ, tài bơh jơh ală tồi glài añ jê; Bơh añ rơnđơh oă ngan, mơ nùs añ bòl glar.

II Timôthe 4:14

Aleksandria la cau chài tiar kòng, neh lơh iơh di añ oă ngan; Yàng rơp sal wơl khai in jat be broă khai dê.