Nehemi 4:14 - Sră Goh 2018

¹⁴ Tơnơ̆ mơ tŭ añ neh sền ală bơta rau, añ ñă ntào mơ đơs mơ ală cau màng ryŭ, mơ jơh ală cau kwang, mơ jơh ală cau gam wơl lah: “Bañ rngòt di bol khai, kah tĕ Yàng Jehôwa la Bơtau dờng mơ pal rngòt, mơ tòmlơh tĕ ală oh mi bol mê in, ală kòn klau ală kòn ùr, ală bau ùr mơ ală hìu nhă bol mê in.”

Nehemi 4:14 ပူးပေါင်းရင်းမြစ်များ

II Samuel 10:12

Lơh tĕ pràn kơldang mơ bol he khin cha tĕ tòmlơh tài bơh làng bol bol he dê mơ ală ƀòn dờng Yàng Tom Trồ bol he dê; mơ dan Yàng Jehôwa lơh bơta lơi niam nùs Kơnràñ.”

II Yal Yau 32:7

“Gơs tĕ pràn kơldang mơ khin cha. Bañ rngòt hala gơplơ̆ nùs tài bơh cau bơtau Asiri mơ mpồl ling dờng khai dê, bơh gơs dô Bơtau ơm bal mơ bol he dờng rlau mơ cau ơm mơ khai.

Nehemi 1:5

Añ hòi dan be do: “Ơ Jehôwa Yàng Tom Trồ hơđang trồ dê, Yàng Tom Trồ dờng mơ pal duh rngòt, Bơtau prap gàr bơta ho bal mơ gơs nùs kòñ gơboh kơ̆ dơn gơwèt mơ ală cau kòñ gơboh di Kơnràñ mơ prap gàr bơta sồr lam Kơnràñ dê,

Sră Jop 37:22

Gơlik tus bơh đah đang àng gơklŏ; gùt dar Yàng Tom Trồ la bơta ryŭ ryơm pal rngòt ngan.

Đơs Crih 143:5

Añ kah wơl ală ngai yau òr, Añ kơlôi bơh ală bơta Yàng neh lơh, Mơ kơlôi sơnơng bơh ală broă tê Yàng lơh.

Đơs Crih 20:7

Cau do kơnòm di rơndeh, cau ndai kơnòm di ơseh; Mơya bol hi kơnòm di sơnđan Yàng Jehôwa, la Yàng Tom Trồ bol hi dê.

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 65:5

Ơ Yàng Tom Trồ la Bơtau Dong Klàs bol hi, Kơnràñ ho wơl bol hi in bơh ală broă lơh pal rngòt nàng dong tă bol hi; Yàng Tom Trồ la bơta dong klàs bol hi dê; Yàng la bơta gơn kơnòm jơh ală cau tòm tiah lồi dut plai ù dê; mơ ală cau ơm tòm tiah ngài rlau jơh dàlềng dê.

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Đơs Crih 66:5

Tus tĕ sền ală broă Yàng Tom Trồ neh lơh: Ală broă Kơnràñ lơh digùl kòn mơnus la pal rngòt ngan.

Lik Ejiptơ 14:14

Yàng Jehôwa rơp tòmlơh ala bol mê in; bol mê mìng ơm mŏ mŏ lơm.”

Lik Ejiptơ 14:25

Kơnràñ lơh kong rơndeh lòs tòmlơh bol khai dê gơkòl sơntă, lòi bol khai at dô bă bòl glar kalke ngan. Gen cau Ejiptơ đơs lah: “Bol he dô pleh tĕ bơh di cau Israel, Yàng Jehôwa bơh bol khai mơ tòmlơh mơ Ejiptơ.”

Cau Bơto 12:1

Kah tĕ Bơtau crơng gơs mê dê, tòm ală ngai mê gam kơnòm să lài mơ tŭ ală ngai bòl glar kalke tus, mơ lài mơ tŭ ală sơnam tus rềp, mơ mê rơp đơs lah: “Añ ò niam nùs bơh gơ;”

Daniel 11:32

Khai ngui jơnau rơmhòc nàng ơniai ală cau sang lòi bơta ho bal; mơya làng bol git Yàng Tom Trồ rơp tòmdră mơ khai dô bă pràn kơldang.

Sacari 14:3

Gen Yàng Jehôwa rơp lik lòt tòmlơh mơ ală lơgar hơ̆, kung be Kơnràñ tòmlơh tòm ngai kơlìn gơtoă.

Khà Làng Bol 14:9

Mìng bañ tòmdră mơ Yàng Jehôwa, mơ bañ rngòt di làng bol tòm lơgar hơ̆, tài bơh bol he rơp sa loan bol khai, bol khai ò gam gơs bơta sền gàr, mơya Yàng Jehôwa ơm bal mơ bol he. Bañ rngòt di bol khai.”

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Yal Wơl 1:21

Sền ne, Jehôwa Yàng Tom Trồ bol mê dê neh ai lơgar bol mê in. Lòt guh tĕ mơ dòp sre brê jat be Jehôwa Yàng Tom Trồ ală ồng pàng bol mê dê neh đơs mơ bol mê. Bañ rngòt, bañ gơplơ̆ nùs.’

Yal Wơl 10:17

Bơh Jehôwa Yàng Tom Trồ bol mê dê la Yàng Tom Trồ dờng, gơs gơnoar pràn mơ pal rngòt, Kơnràñ ò cah is cau lơi, ò dòp phan loă.

Hebrơ 13:6

Behơ̆ gen bol he gơs nùs dòn nền mơ đơs lah: “Yàng la Bơtau dong kòl añ jê, añ rơp ò rngòt, Ñchi kòn mơnus rgơi lơh di añ taih?”

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Ală Kwang Cahrña 3:27

Tòm tŭ khai neh tus tềng hơ̆ rau gen khai uh kơlwòk tòm lơgar mơnơm Epraim; làng bol Israel mù bal mơ khai bơh mơnơm mơ khai lơh gơs cau lam bồ.