Nehemi 3:26 - Sră Goh 2018

²⁶ Di gah khai la Pedaia kòn klau Parôs bơt wơl bal mơ ală cau duh broă tòm hìu duh khoai ơm hơđang Ôphel bơt wơl guh tus di tiah tòm toh mat mơ Mpồng Dà đah mattơngai lik theng kơp gàr.

Nehemi 3:26 ပူးပေါင်းရင်းမြစ်များ

I Yal Yau 9:2

Mơ tai, ală cau sơnròp rê ơm wơl tòm ù tiah tòm, tòm ală ƀòn tòm bol khai dê la dô pơnah cau Israel, ală cau gơnoar ơn phan duh khoai, ală cau Lebi, mơ ală cau duh broă tòm hìu duh khoai.

II Yal Yau 27:3

Jôtham bơt wơl mpồng hơđang hìu duh khoai Yàng Jehôwa dê, mơ bơt wơl oă broă hơđang dơrñang ƀòn Ôphel.

II Yal Yau 33:14

Tơnơ̆ mơ hơ̆ khai bơt wơl dơrñang đah bơdìh dơrñang Ƀòn Dờng Dabit dê, đah mattơngai mut croh dà Gihôn tòm thòng, tus di mpồng dờng sơnđan la Mpồng Ka mơ gùt dar mơnơm dềt Ôphel; khai kung bơt jòng jơnhoa rlau tai. Khai ơn ală cau at bồ mpồl ling tòm jơh ală ƀòn dờng kơ̆ cê tòm Juda.

Nehemi 10:28

Làng bol gam wơl, ală cau ơn phan duh khoai, ală cau Lebi, ală cau sền gàr mpồng, ală cau đơs chò, ală cau duh broă tòm hìu duh khoai, ală cau neh cah is bơh ală làng bol tòm lơgar nàng jat bơta boh lam Yàng Tom Trồ dê, bal mơ ală bau ùr, ală kòn klau, ală kòn ùr bol khai dê, hơ̆ la ală cau gơs tơl bơta git wă,

Nehemi 11:21

Ală cau duh broă tòm hìu duh khoai gen ơm tòm Ôphel; Jiha mơ Gispa at bồ ală cau duh broă tòm hìu duh khoai.

Nehemi 12:37

Di Mpồng Dà Cat bol khai guh song jat ală kơnă ntùng ƀòn dờng Dabit dê, di tiah guh dơrñang lòt gan hơđang gơlang Dabit dê, jơl tus Mpồng Dà đah mattơngai lik.

Nehemi 3:27

Di gah bol khai la cau Tekôa bơt wơl pơnah ndai tòm toh mat theng dờng kơp gàr, sơlo ngài tus hơ dơrñang Ôphel dê.

Nehemi 8:1

Gen bol khai pơjum bal be dô nă tòm ƀlàng dờng di đap Mpồng Dà. Bol khai sồr Ejra cau bơto bơta boh lam cèng sră boh lam Môise dê mơ Yàng Jehôwa neh ai làng bol Israel in.

Nehemi 8:16

Behơ̆ làng bol lik lòt mơ cèng brê ală nha hơ̆. Kòp nă lơh sàl bol khai in hơđang ală rkàng (hìu cau Hebrơ gơs rkàng ring) hìu ơm, tòm ƀlàng jơng hìu, tòm ƀlàng jơng hìu duh khoai Yàng Tom Trồ dê, tòm ƀlàng dờng di đap Mpồng Dà, mơ tòm ƀlàng di đap Mpồng Epraim.

Nehemi 8:3

Khai sền sră tòm toh di ƀlàng dờng di đap Mpồng Dà, bơh rìng àng drim jơl gùl ngai, di đap ală cau klau mơ ală cau ùr la ală cau rgơi wă. Tồr jơh ală làng bol dê ơm iat nền di sră bơta boh lam.

Esai 32:14

Gơlang rơp kòl sang lòi, ƀòn dờng gal cau rơp kòl sang lòi ngềt ngơt, dòr mơ theng kơp gàr rơp gơlik trồm lòi srau gòi gam sùm sùm, tiah ală ơseh alàng hòn chò, dô nơm ƀlàng ñhơt ală mpồl phan poan jơng in sa.