Nehemi 2:6 - Sră Goh 2018

⁶ Cau bơtau đơs mơ añ lah (tŭ hơ̆ bau ùr bơtau dê kung nggui di gah bơtau): “Mê lòt gùng nđò jŏ mơ mê rê wơl tŭ lơi taih?” Gen bơtau niam nùs ai añ in lòt, mơ añ yal bơtau in git nđò jŏ sồng añ rê.

Nehemi 2:6 ပူးပေါင်းရင်းမြစ်များ

Nehemi 1:11

Ơ Yàng Jehôwa, dan iat jơnau hòi dan dĭ gơna Kơnràñ dê mơ jơnau hòi dan ală cau hòn chò duh rngòt di sơnđan Kơnràñ. Dan ai bơta bơtoah bơtoài cau duh broă Kơnràñ in tòm ngai do, mơ ai cau bơtau in gơs nùs nđàc sơngit di đap añ do.” Mơ tai, tŭ hơ̆ añ la cau yò ñô bơtau in.

Nehemi 13:6

Tòm tŭ ală bơta hơ̆ neh gơs añ ò ơm tòm Jerusalem; tài bơh di di nam pe jơt bàr rài Artaserses, bơtau Babilôn dê; gen añ neh rê wơl hơ bơtau. Tơnơ̆ dô êt jŏ, añ dan bơtau ai gơnoar nàng lòt bơh di bơtau,

Nehemi 2:4

Cau bơtau đơs mơ añ lah: Ñchi bơta mê kòñ dan taih? Gen añ hòi dan mơ Yàng Tom Trồ hơđang trồ dê.

Nehemi 2:5

Gen añ đơs mơ bơtau lah: “Dilah bơta do niam nùs bơtau mơ añ geh bơta nđàc di đap bơtau, gen añ dan kơnràñ sồr añ lòt hơ lơgar Juda la ƀòn, la tiah gơs bơtô ƀồc mò pàng añ, nàng añ bơt wơl gơ.”

Nehemi 5:14

Mơ tai, bơh ngai añ neh geh pồ bơtào gơs kwang đơng lơgar Juda, bơh nam bàr jơt tus di nam pe jơt bàr rài bơtau Artaserses dê, jơh ală la jơt bàr nam. Bulah añ hala oh mi añ ò sa phan sa cau kwang at bồ lơgar ai gơnoar.

Esai 58:12

Bol mê rơp bơt wơl ală tiah tơrlah tơrlơm lài òr; mê rơp bơtào wơl ală mơnàng bơh ală rài yau dê; bol mê rơp geh sơnđan la cau rcang wơl ală tiah neh tơrlah tơrlơm, mơ la Cau Bơt Wơl ală gùng lòt tiah cau in ơm.

Esai 61:4

Bol khai rơp bơt wơl ală tiah tơrlah tơrlơm yau òr, mơ bơtào wơl ală tiah gơkòl tơnroh jŏ jòng rau; bol khai rơp bơtào wơl ală ƀòn dờng neh tơrlah tơrlơm gơkòl tơnroh bơh oă rài rau.

Esai 65:24

Lài mơ tŭ bol khai hòi dan Añ rơp ho wơl; tòm tŭ bol khai ơm đơs Añ rơp kơno.

Daniel 9:25

Mê git tĕ mơ wă loh bơh di tŭ tơlik jơnau gơnoar sồr rcang wơl mơ bơt wơl Jerusalem jơl tus di tŭ tus Bơtau geh bong mơñà, hơ̆ la bơtau at bồ, gen geh poh poh, mơ prau jơt bàr nơm poh. Ƀòn dờng hơ̆ rơp geh bơt wơl tòm tŭ tơngai bòl glar kalke, gơs gùng dờng mơ rbòng dà lơh gơs pơnggàr gùt dar.