Nehemi 2:20 - Sră Goh 2018

²⁰ Gen añ ho bol khai lah: “Yàng Tom Trồ hơđang trồ la Bơtau rơp ai bol hi in gơlik cồng nha, mơ bol hi la cau duh broă Kơnràñ dê neh lòt nàng sơntòm bơt wơl. Mơya bol mê ò gơs pơnah lơi, gơnoar lơi, hala bơta yal yau lơi di ngan tòm Jerusalem.”

Nehemi 2:20 ပူးပေါင်းရင်းမြစ်များ

II Yal Yau 26:5

Khai jòi jat Yàng Tom Trồ tòm rài Sacari la cau neh bơto sồr khai duh rngòt di Yàng Tom Trồ. Khai jòi jat Yàng Jehôwa jŏ kàr lơi gen Yàng Tom Trồ ai khai in bơta bơtoah bơtoài.

Ejra 4:3

Mơya Jerubabel, Jesua mơ ală cau gam wơl at bồ ală hìu nhă Israel dê đơs mơ bol hơ̆ lah: “Bol mê ò gơs pơnah lơi bal mơ bol hi tòm bơta bơt bơtào dô nơm hìu duh khoai Yàng Tom Trồ bol hi dê. Mìng bol hi lơm rơp bơt bơtào hìu hơ̆ Jehôwa Yàng Tom Trồ Israel dê, jat be Sirus bơtau Persia neh ai gơnoar sồr bol hi.”

Nehemi 1:4

Tòm tŭ añ kơno ală jơnau hơ̆ gen añ nggui ñìm mơ moat jrùng bàr pe ngai, ơt sa, mơ hòi dan mơ Yàng Tom Trồ hơđang trồ dê.

Nehemi 2:4

Cau bơtau đơs mơ añ lah: Ñchi bơta mê kòñ dan taih? Gen añ hòi dan mơ Yàng Tom Trồ hơđang trồ dê.

Este 4:11

“Jơh ală cau kwang duh broă bơtau mơ làng bol tòm ală kơnhwàl bơtau dê git lah dilah cau klau hala cau ùr lơi lòt tus hơ cau bơtau tòm hìu dơlam mơ ò geh cau bơtau hòi tus gen cau bơtau gơs mìng dô bơta boh lam lơm: cau hơ̆ pal kong lơh glài tơnchơt. Mìng dilah bơtau yơr gai gơnoar at bồ cau hơ̆ in, gen cau hơ̆ rgơi geh kis. Să tòm añ òhềt geh hòi tus hơ cau bơtau neh dô kơnhai rau.”

Đơs Crih 102:17

Kơnràñ rơp wèt sền jơnau hòi dan cau dồn sa rƀah dê, mơ ò sền òsơp di jơnau rac dan bol khai dê.

Đơs Crih 122:6

Hòi dan tĕ Jerusalem in geh bơta ring lơngai! “Dan cau lơi kòñ gơboh di mê gen geh bơtoah bơtoài!

Đơs Crih 20:5

Dan bol hi in geh hòn chò bơh bơta pha lin rlau mê dê, Mơ ai sơnđan Yàng Tom Trồ bol he dê, pò tơngguh ală bồng bi bol he dê. Dan Yàng Jehôwa lơh gơlik gơs jơh ală bơta mê neh dan.

Đơs Crih 35:27

Ai cau lơi dòp jơnau yal lah añ ò gơs glài, Lòi bol khai in geh driau dờng hòn chò mơ chò hòp, Mơ đơs sùm ò dơh lah: “Dờng ngan la Yàng Jehôwa, La Bơtau hừh nùs bơh bơta lơngap lơngai cau duh broă Kơnràñ dê.”

Đơs Crih 51:18

Dan Yàng lơh niam Siôn in jat be nùs kòñ niam Kơnràñ dê; Dan bơt bơtào wơl ală dơrñang Jerusalem dê.

Lik Ejiptơ 28:29

Tŭ lơi Arôn mut tòm Tiah Sàng Goh, khai rơp kơt hơđang ntơh khai sơnđan ală kòn klau Israel dê di ồi dềt kơt ntơh bơh bơta lơh nền gơs dô bơta kah kirsơnre gam sùm sùm di đap Yàng Jehôwa.

Cau Bơto 7:18

Bơta niam hơ̆ la mê sơmbat kơ̆ dô bơta; mơ kung bañ kwòr tê hơ bơta ne; bơh cau lơi duh rngòt Yàng Tom Trồ rơp geh pơrdòn jơh bàr bơta hơ̆.

Esai 56:5

Añ rơp ai dô bă tiah tòm hìu duh khoai Añ jê, mơ tòm dơlam ală dơrñang gơ dê, dô bơta kah kirsơnre, dô nơm sơnđan niam rlau mơ ală kòn klau mơ kòn ùr; Añ rơp ai bol khai in dô nơm sơnđan gam sùm sùm mơ rơp ò gơs tŭ lơi lồi.

Lebi 2:2

Mơ cèng gơ tus hơ ală kòn klau Arôn dê la ală cau gơnoar ơn phan duh khoai. Cau gơnoar ơn phan duh khoai ai dô sơmbat kơmbuh phe mơ mơñà bal mơ jơh kơlhô mơ chu phan hơ̆ lơh gơs dô pơnah lòi kirsơnre hơđang cơnòng duh khoai, dô nơm phan ơn chu mơ ồs. Hơ̆ la dô nơm phan ƀô bơlhu niam nùs Yàng Tom Trồ.

Lebi 24:7

Rò gah kòp sèng ơn tĕ dô êt kơlhô ngan lơh gơs dô pơnah lòi kirsơnre bơh piang lă mơ lơh gơs dô nơm phan ơn chu tòm ồs ơn Yàng Jehôwa in.

Sacari 6:14

Sơgơn bơtau rơp ai Heldai, Tôbija, Jedaiya, mơ Hen, kòn klau Jephaniah in, lơh gơs dô nơm phan kah kirsơnre tòm hìu duh khoai Yàng Jehôwa dê.”

Khà Làng Bol 10:10

Kung behơ̆ sơl, di di ală tŭ hòn chò bol mê dê la ală bơta pơjum sa neh lơh nền mơ ală bơta pơjum sa Ngai Kơnhai Dùl Lik, gen bol mê uh tĕ ală kơlwòk tòm tŭ ơn phan duh khoai chu pơrguc mơ phan duh khoai bơta Ring Lơngai, mơ rơp la dô bơta kah kirsơnre bol mê in di đap Yàng Tom Trồ bol mê dê. Añ la Jehôwa Yàng Tom Trồ bol mê dê.”

Broă 10:31

mơ đơs lah: ‘Ơ Kornai, jơnau hòi dan mê dê neh geh kơno rau, bơta pà gòi mê dê neh geh Yàng Tom Trồ cih kah.

Broă 10:4

Khai rngòt rngơt sền trol di cau gơnrơh, mơ đơs lah: “Ơ Yàng, gơs ñchi broă taih?” Cau gơnrơh ho lah: “Jơnau hòi dan mơ bơta pà gòi mê dê neh guh tus hơ Yàng Tom Trồ, mơ Kơnràñ neh cih kah rau.

Broă 8:21

Mê ò gơs pơnah lơi hala tòmpà bal tòm broă do, tài bơh nùs mê ò song di đap Yàng Tom Trồ.