Nehemi 2:17 - Sră Goh 2018

¹⁷ Gen añ đơs mơ bol khai lah: “Bol mê gŏ ală bơta bòl glar bol he dê, mbe Jerusalem neh tơrlah jơh, mơ ală mpồng gơ dê neh ồs sa. Tus tĕ bol he bơt wơl ală dơrñang Jerusalem dê, nàng bol he ò tai ơm tòm bơta jê sồt sền òsơp.”

Nehemi 2:17 ပူးပေါင်းရင်းမြစ်များ

Ejra 9:9

Bơh bol hi la ală cau dĭ, bulah behơ̆ Yàng Tom Trồ bol hi dê ò sang lòi bol hi tòm bơta ơm dĭ bol hi dê. Mơya neh ràng tơlik bol hi in bơta kòñ gơboh kơ̆ dơn Kơnràñ dê di đap ală cau bơtau lơgar Persia dê, nàng ai bol hi in rài kis pa, nàng bơtào wơl hìu Yàng Tom Trồ bol hi dê mơ rcang niam wơl ală tiah tơrlah tơrling gơ dê, mơ ai bol hi in dô nơm dơrñang tòm Juda mơ Jerusalem.

Nehemi 1:3

Bol khai yal mơ añ lah: “Ală cau hơ̆ gam wơl tòm ƀòn dờng neh klàs bơh bơta kup cèng, gen bol khai kòl bơta bòl glar kalke dờng ngan mơ bơta ƀàssìl; mơ dơrñang Jerusalem dê neh tơrlah jơh mơ ală mpồng gơ neh kong tơnroh bơh ồs.”

Nehemi 2:13

Añ neh lik lòt tòm trồ mang bơh Mpồng Thòng, lòt gan Croh Dà Nagrài mơ tus hơ Mpồng È. Mơ añ sơwì sền ală dơrñang Jerusalem dê tơrlah mơ mpồng ƀòn neh ồs sa tơnroh.

Nehemi 2:16

Ală cau kwang ò git ntềng đah añ neh lòt mơ ñchi añ neh lơh, bơh añ òhềt yal ală cau Juda, ală cau gơnoar ơn phan duh khoai, ală cau màng ryŭ, ală cau kwang dờng, mơ ală cau ndai pal lơh broă hơ̆ in git.

Nehemi 3:15

Salum kòn klau Kolhojeh cau at bồ kơnhwàl Mispa bơt wơl Mpồng Dà Cat, khai bơt wơl mơ tìm gơyồng ală mpồng gơ, ơn kơrnal mơ ală kai gơ dê. Khai kung bơt dơrñang Tơnau Sela di gah suơn cau bơtau dê, sơlo ngài tus hơ ală kơnă ntùng mù hơ ƀòn Dabit dê.

Đơs Crih 102:15

Ală làng bol rơp duh rngòt di sơnđan Yàng Jehôwa, Mơ jơh ală cau bơtau dunnia dê rơp duh rngòt di bơta gơklŏ Kơnràñ dê.

Đơs Crih 44:13

Yàng lơh bol hi in be phan cau gơp ƀòn hi dơñŏ tơnhial, Be phan bơtat bơtròh mơ bơrsèl tơnhial gùt dar bol hi.

Đơs Crih 44:14

Yàng lơh bol hi in be dô jơnau pơnđik digùl ală làng bol, mơ la dô jơnau dơñŏ tơnhial digùl ală làng bol.

Đơs Crih 79:12

Ơ Yàng Jehôwa bơta bơtat bơtròh mơ cau ơm rềp di bol hi neh bơtat bơtròh di Yàng, Dan tơm bơta hơ̆ poh dơ̆ di ntơh cau gơp ƀòn bol hi dê.

Đơs Crih 79:4

Bol hi neh gơlik gơs bơta bơtat bơtròh di cau ơm rềp mơ hi, Ală cau ơm gùt dar bol hi dơñŏ tơnhial mơ sền òsơp di bol hi.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Ñìm Rac 2:2

Yàng neh tơnroh ò nđàc sơngit, jơh ală tiah ơm Jakôp dê. Tòm bơta gơjrañ Kơnràñ dê, Kơnràñ neh lơh tơrlơm ală theng kơ̆ cê kòn ùr Juda dê; Kơnràñ neh tơmù tus di ù, tòm bơta ƀàssìl lơgar mơ ală kwang at bồ gơ dê.

Ñìm Rac 3:51

Mat añ lơh añ in jê sồt moat jrùng, tài bơh bơta neh lơh nền jơh ală kòn ơruh tòm ƀòn dờng añ.

Ejekiel 5:14

Rlau tai Añ rơp lơh mê in tơrlah tơrling mơ kong lah pơrhơng tòm ală lơgar gùt dar mê, di đap mat jơh ală cau lòt gan.

Mice 7:11

Gơs dô ngai bơt bơtào ală dơrñang mê dê, tòm ngai pò ơnàng ală nhàr lơgar mê dê.

I Samuel 11:2

Mơya Nahas cau Ammôn ho lah: “Tòm bơta pal càng do gen añ rơp lơh dô bơta ho bal mơ bol mê, tŭ lơi bol hi klĕ mat đah ma kòp nă bol mê dê nàng lơh ƀàssìl hơđang jơh Israel.”