Nehemi 13:25 - Sră Goh 2018

²⁵ Añ lah pơrhơng bol khai, srat rma bol khai, pù lơh bàr pe nă bol khai, dŭi sŏ bol khai, sồr bol khai sơnio Yàng Tom Trồ mơ srat lah: “Bol mê rơp ò tòmbau kòn ùr bol mê dê mơ kòn klau bol khai dê, kung ò tòmbau kòn klau bol mê dê mơ kòn ùr bol khai, hala să tòm bol mê ò bau mơ bol khai.

Nehemi 13:25 ပူးပေါင်းရင်းမြစ်များ

II Ală Bơtau 2:24

Khai wơlke mơ gŏ kơnòm hơ̆, mơ khai srat rma ală kơnòm hơ̆ tòm sơnđan Yàng Jehôwa. Gen gơs bàr nơm jơgơu me lik bơh brê, kap crè poan jơt bàr nă kơnòm klau.

Ejra 10:5

Gen Ejra ñă ntào mơ bơtào mơ ală cau lam bồ ală cau gơnoar ơn phan duh khoai, ală cau Lebi mơ jơh làng bol Israel srat să ho nền lơh jat jơnau neh đơs hơ̆. Behơ̆ bol khai srat să.

Ejra 7:26

Cau ò dòn bơr lơh jat bơta boh lam Yàng Tom Trồ mê dê mơ bơta boh lam cau bơtau dê gen pal lơh glài kràñ cê hơđang bol khai, bulah bơh bơta tơnchơt, tơnroh, tă ai jơh phan jơtài, hala kup jàm.”

Nehemi 13:11

Behơ̆ añ lah pơrhơng ală kwang lah: “Ñchi bơh tài hìu duh khoai Yàng Tom Trồ kòl sang lòi behơ̆? Gen añ hòi pơjum bol khai mơ ơn bol khai tòm broă bol khai dê.

Nehemi 13:17

Tŭ hơ̆ añ lah pơrhơng ală kwang at bồ lơgar Juda dê lah: Ñchi broă iơh bol mê lơh be do, mơ lơh ƀơ̆ ƀơl ngai Saƀat in taih?

Nehemi 13:24

Nggùl ală kòn bol khai dê đơs jơnau Asdot mơya jơnau đơs ndai mơ ò git đơs jơnau Juda.

Nehemi 5:13

Añ kung rtuh ào añ mơ đơs lah: “Cau lơi ò lơh jat jơnau ho gen dan Yàng Tom Trồ rtuh khai bơh hìu khai dê mơ bơh di sre brê khai dê, dan khai gơkòl rtuh tơlik behơ̆.” Gen jơh mpồl jơnum đơs: “Amen” mơ jòng ro Yàng Jehôwa. Làng bol lơh jat bơta bol khai neh ho.

Nehemi 5:6

Añ gơhào gơjrañ ngan tòm tŭ añ kơno ală bơta tòm pơndang hơ̆.

Đơs Crih 119:53

Añ gơjrañ ngan tài bơh cau iơh bơsak sang lòi bơta boh lam Yàng dê.

Đơs Crih 15:4

Khai sền òsơp di cau iơh bơsak, Mơya sền dờng màng di cau duh rngòt di Yàng Jehôwa; Khai ho nền bulah pal kong roh, kung ò tòmgơl jơnau.

Lik Ejiptơ 34:16

Mơ tòm tŭ bol mê sac rwah dô êt nă kòn ùr bol khai dê lơh gơs bau ală kòn klau bol mê in, mơ ală kòn ùr hơ̆ să tòm bol khai tòmtir mơ ală yàng bol khai dê, bol khai lam ală kòn klau bol mê dê lơh jat kung be bol khai.

Jơnau Pơnđik 28:4

Cau sang bơta boh lam jòng ro cau iơh; ai cau prap gàr bơta boh lam tòmlơh mơ bol khai.

Esai 50:6

Añ neh ai ngkòi Añ cau in pù lơh, ai tơrmồ Añ cau in dŭi sơnò tềp; Añ ò pồn mat bơh di cau dơñŏ tơnhial mơ choh dà diau hơđang Añ.

Yal Wơl 6:13

Rngòt tĕ di Jehôwa Yàng Tom Trồ bol mê dê, duh broă mìng dô nă Kơnràñ lơm mơ ai sơnđan Kơnràñ dê srat să ho pơgon.

Yal Wơl 7:3

Bañ lap klau tòmbau ùr mơ bol khai. Bañ ai ală kòn ùr bol mê dê bau mơ ală kòn klau bol khai dê hala ai ală kòn ùr bol khai dê bau mơ ală kòn klau bol mê dê,

Jôsue 23:12

Mơya dilah bol mê wèt wơl mơ lơh gơtòmsòr bal mơ ală làng bol do gam kis mơ ơm digùl bol mê, mơ dilah bol mê lap klau tòmbau ùr mơ bol khai mơ lơh gơs dô bă bal mơ bol khai,