Nehemi 13:17 - Sră Goh 2018

¹⁷ Tŭ hơ̆ añ lah pơrhơng ală kwang at bồ lơgar Juda dê lah: Ñchi broă iơh bol mê lơh be do, mơ lơh ƀơ̆ ƀơl ngai Saƀat in taih?

Nehemi 13:17 ပူးပေါင်းရင်းမြစ်များ

Nehemi 13:11

Behơ̆ añ lah pơrhơng ală kwang lah: “Ñchi bơh tài hìu duh khoai Yàng Tom Trồ kòl sang lòi behơ̆? Gen añ hòi pơjum bol khai mơ ơn bol khai tòm broă bol khai dê.

Nehemi 13:16

Kung gơs cau bơh Tirơ ơm tòm Jerusalem. Bol khai neh cèng ka mơ ală phan kă bro tus tac gơ mơ làng bol Juda ơm tòm Jerusalem tòm ngai Saƀat.

Nehemi 13:25

Añ lah pơrhơng bol khai, srat rma bol khai, pù lơh bàr pe nă bol khai, dŭi sŏ bol khai, sồr bol khai sơnio Yàng Tom Trồ mơ srat lah: “Bol mê rơp ò tòmbau kòn ùr bol mê dê mơ kòn klau bol khai dê, kung ò tòmbau kòn klau bol mê dê mơ kòn ùr bol khai, hala să tòm bol mê ò bau mơ bol khai.

Nehemi 5:7

Tơnơ̆ mơ tŭ kơlôi sơnơng bơh bơta hơ̆, añ cèng bơta hơ̆ tòmdră mơ ală cau màng ryŭ mơ ală cau kwang; añ đơs bol khai lah: “Jơh ală bol mê neh ai priă cồng bơh di làng bol tòm bol mê dê.” Añ neh hòi pơjum dô bơta pơjum dờng nàng tòmdră mơ bol khai,

Jơnau Pơnđik 28:4

Cau sang bơta boh lam jòng ro cau iơh; ai cau prap gàr bơta boh lam tòmlơh mơ bol khai.

Esai 1:10

Iat tĕ jơnau Yàng Jehôwa dê; Ơ bol mê la ală cau kwang Sôdôm dê; Iat tĕ jơnau bơto sồr Yàng Tom Trồ bol he dê; Ơ làng bol Gômôrơ dê!

Jeremi 13:18

Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

Jeremi 5:5

Lòi Añ lòt tus mơ ală cau pas sơm Mơ đơs mơ bol khai, ngan bol khai git loh gùng dà Yàng Jehôwa dê, Bơta boh lam Yàng Tom Trồ bol khai dê.” Mơya, bol khai jơh ală gơlơh be dơrpă yô, mơ bol khai neh gơltac ală che cap.

Ejekiel 20:13

Mơya hìu Israel tòmdră mơ Añ tòm ƀlàng ngềt ngơt; bol khai ò lơh jat jơnau sồr Añ jê, mơya sang lòi ală bơta sồr lam Añ jê, bulah cau lơi lơh jat gen rơp geh kis bơh gơ, mơ bol khai neh sền òsơp oă ngan di ală ngai Saƀat Añ jê. Behơ̆ Añ neh kơlôi Añ rơp tuh bơta gơjrañ dờng Añ jê hơđang bol khai tòm ƀlàng ngềt ngơt, nàng tơnroh bol khai.

Lebi 19:17

Bañ prap tòm nùs bơta gơjrañ kơuềng di oh mi bol mê dê. Ai tĕ nùs song ngan mơ lah pơrhơng cau gơp ƀòn bol mê dê nàng mê rơp ò kong bal mơ khai bơh tồi glài khai dê.

Mice 3:1

Gen Añ đơs lah: “Iat tĕ, ơ ală bol mê la cau gơnoar lam bồ Jakôp dê mơ bol mê la cau gơnoar at bồ hìu Israel dê. Bol mê ò di pal git bơta song ring ò ơ?

Mice 3:9

Iat tĕ jơnau do, ơ bol mê la ală cau gơs gơnoar lam bồ hìu Jakôp dê, mơ bol mê la ală cau at bồ hìu Israel dê, la ală cau sền òsơp di bơta song ring, mơ lơh rkwet rkwe jơh ală bơta di;