Nehemi 12:40 - Sră Goh 2018

⁴⁰ Behơ̆ jơh bàr mpồl đơs jơnau ưnngài ơm ntào tòm hìu duh khoai Yàng Tom Trồ dê. Añ mơ nggùl ală kwang at bồ ơm bal mơ añ;

Nehemi 12:40 ပူးပေါင်းရင်းမြစ်များ

Ejra 3:11

Bol khai đơs chò tòmho bal jòng ro mơ ưnngài Yàng Jehôwa lah: “Bơh Kơnràñ la niam, bơta kòñ gơboh kơ̆ dơn Kơnràñ dê gam sùm sùm gơwèt mơ Israel.” Mơ jơh làng bol tòmho wơl mơ jơnau driau dờng jòng ro Yàng Jehôwa; tài bơh mơnàng hìu Yàng Jehôwa dê neh bơt bơtào.

Nehemi 12:39

lòt hơđang Mpồng Epraim, lòt gan Mpồng Yau mơ Mpồng Ka, mơ gan Theng Hananel mơ Theng Rhiang, tus hơ Mpồng Belàt, bol khai lòt tus hơ nggùl Mpồng Kơp Gàr.

Nehemi 12:41

mơ ală cau gơnoar ơn phan duh khoai Eliakim, Maaseyah, Minyamin, Mikaiah, Eliôenai, Sacari, mơ Hanania at ală kơlwòk;

Đơs Crih 42:4

Tòm tŭ nùs añ moat jrùng jê sồt, añ kah wơl ală bơta do: Añ neh lòt bal mơ mpồl gal. Añ lam bol khai tus hơ hìu Yàng Tom Trồ; Bol khai driau chò mơ đơs chò jòng ro Yàng.