Nehemi 10:39 - Sră Goh 2018

³⁹ Làng bol Israel mơ ală cau Lebi rơp cèng ală phan ơn be kòi, tơrnòm, mơ mơñà tơmut tòm ală đam hơ̆, la tiah prap gàr ală phan ngui tòm Hìu Duh Khoai Sàng Goh, mơ tềng hơ̆ la tiah ală cau ơn phan duh khoai duh broă, mơ ală cau kơp mpồng, mơ ală cau đơs chò ơm. Bol he rơp ò sang lòi ală alai hìu duh khoai Yàng Tom Trồ bol he dê.

Nehemi 10:39 ပူးပေါင်းရင်းမြစ်များ

II Ală Bơtau 7:10

Behơ̆ bol khai lòt, hòi ală cau ling ơm kơp gàr mpồng ƀòn, mơ yal bol khai in lah: “Bol hi neh lòt tus hơ sàl mpồl ling cau Aram dê, mơya ò gơs dô nă cau lơi, mơ kung ò kơno sap dô nă cau lơi tềng hơ̆; mìng gŏ ală ơseh mơ alàng gam kơt, mơ ală sàl gam be òs.”

II Yal Yau 31:11

Ejekia ai jơnau gơnoar sồr bơt ală đam jàr tòm hìu duh khoai Yàng Jehôwa dê, mơ bol khai neh rcang gơs behơ̆.

II Yal Yau 31:12

Gen bol khai dòn song cèng tơmut ală phan ơn, ală phan pơnah jơt mơ ală phan ơn is sàng goh. Kônania la dô nă cau Lebi, gơs broă tòm sền gàr ală phan hơ̆, mơ Simei oh khai dê la cau gơnoar oh tòm broă hơ̆.

Nehemi 12:47

Tòm rài Jerubabel mơ Nehemi jơh làng bol Israel ơn pơnah ngui sa kòp ngai ală cau đơs chò in mơ ală cau kơp gàr mpồng in; bol khai kung ơn is pơnah ală cau Lebi in, mơ ală cau Lebi ơn is ală pơnah kòn sau Arôn in.

Đơs Crih 122:9

Tài bơh hìu Jehôwa la Yàng Tom Trồ bol he dê, Añ rơp jòi bơta niam mê in.

Khà Làng Bol 18:26

“Yal tĕ ală cau Lebi in mơ đơs mơ bol khai lah: ‘Tòm tŭ bol mê dòp bơh di ală cau Israel ală pơnah jơt mơ Añ ai bol mê in lơh gơs sre brê, gen bol mê pal ơn dô pơnah jơt bơh di pơnah jơt hơ̆ lơh gơs phan ơn duh khoai Yàng Jehôwa in.

Khà Làng Bol 18:30

Đơs tĕ mơ ală cau Lebi lah: ‘Tŭ lơi bol mê ơn pơnah niam rlau jơh, gơ rơp geh kòp la phan ơn bol mê dê kung be phan gơlik gơs bơh di làn jă kòi hala bơh di mpal pat plai ño.

Yal Wơl 12:17

Bol mê ò di sa tòm ală ƀòn tòm bol mê dê ală phan ơn pơnah jơt bơh kòi mbo bol mê dê, tơrnòm pa mơ mơñà, hala kòn tơnhoa mpồl kơnrồ mơ belàt bol mê dê, hala phan lơi mơ bol mê neh ho ơn, hala ală phan ơn jat nùs kòñ hala ală phan ơn ndai,

Hebrơ 10:25

Bañ sang lòi bơta pơjum bal be cau ƀà òs lơh, mơya pal bơto tơngkah bal mơ gơp, mơ sơlo pal lơh lin rlau tai, bơh oh mi gŏ ngai Yàng Jesu dê tus rềp.