Nehemi 10:36 - Sră Goh 2018

³⁶ Mơ tai, kung cèng tòm hìu Yàng Tom Trồ bol hi dê, tus hơ ală cau gơnoar ơn phan duh khoai la ală cau duh broă tòm hìu Yàng Tom Trồ bol hi dê, ală kòn klau tơnhoa bol hi dê mơ ală kòn tơnhoa phan poan jơng bol hi dê, jat be neh cih tòm bơta boh lam, kòn tơnhoa tòm mpồl kơnrồ hala mpồl belàt bol hi dê;

Nehemi 10:36 ပူးပေါင်းရင်းမြစ်များ

II Yal Yau 31:5

Tòm tŭ jơnau gơnoar sồr neh geh yal tơlik làm jơh, gen cau Israel ơn oă ngan ală kòi bồ sơnam bol khai dê, tơrnòm pa, mơñà, dà lơwe, bal mơ jơh ală phan tơnggơs bơh di ală ƀlàng sre. Bol khai cèng tus oă ngan, phan ơn dô pơnah jơt mơ jơh ală phan ndai tai.

Nehemi 12:44

Tòm ngai hơ̆ cau pồ bơtào ală cau sền gàr ală ơdŭ ơn phan bơh ală phan ơn, plai bồ sơnam, ală pơnah jơt, nàng tơrgòm ală phan hơ̆ jat bơta boh lam neh sồr nàng ơn ală cau ơn phan duh khoai in; bơh làng bol Juda chò hòp bơh ală cau gơnoar ơn phan duh khoai mơ ală cau Lebi neh duh broă.

Nehemi 13:5

neh rcang Tôbiah in dô nơm ơdŭ dờng la tiah bơh lài cau neh ơn ală kòi phe, ală kơlhô, ală phan ngui, kòi pơnah jơt, tơrnòm, mơ mơñà, hơ̆ la ală phan neh geh ơn bơh bơta boh lam ai ală cau Lebi, ală cau đơs chò, mơ ală cau sền gàr mpồng in, bal mơ ală phan ơn ală cau gơnoar ơn phan duh khoai in.

Lik Ejiptơ 13:2

“Ơn tĕ Añ in kòp nă kòn klau tơnhoa hala kòp nơm phan poan jơng dam deh sơnròp. Kòp nă kòn sơnròp tòm làng bol Israel gơrê bal mơ Añ, bulah kòn mơnus hala phan poan jơng kung behơ̆ sơl.”

Lik Ejiptơ 23:19

Cèng tĕ ală plai đo bồ sơnam niam rlau jơh bơh di ù tiah bol mê dê tus tòm hìu Jehôwa Yàng Tom Trồ bol mê dê. Bañ gơm be kòn tòm dà toh mè gơ dê.”

Lik Ejiptơ 34:19

Ală kòn deh sơnròp gen gơrê bal mơ Añ; kòp bal jơh ală kòn dam deh sơnròp tòm mpồl phan poan jơng mê dê, bulah la kơnrồ hala belàt kung behơ̆ sơl.

Malaci 3:10

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Khà Làng Bol 3:13

bơh jơh ală kòn klau tơnhoa gơrê bal mơ Añ. Tòm tŭ Añ tơnchơt ală kòn klau tơnhoa cau Ejiptơ dê, Añ neh ơn is să tòm Añ in kòp nă kòn klau tơnhoa tòm Israel, bulah la kòn mơnus hala phan poan jơng. Bol khai gơrê bal mơ Añ. Añ la Yàng Jehôwa.”

Galati 6:6

Bulah behơ̆, cau lơi geh cau bơto jơnau niam he in, gen ai tĕ tòm jơh ală phan ngui sa he dê nàng pà bal cau bơto hơ̆ in.

Yal Wơl 12:6

tềng hơ̆ bol mê cèng ală phan ơn chu pơrguc mơ ală phan ơn duh khoai, ală pơnah jơt mơ ală phan ơn ndai, bơta bol mê neh ho ơn mơ ală phan ơn jat nùs kòñ mơ kòn tơnhoa tòm ală mpồl kơnrồ mơ ală mpồl belàt bol mê dê.