Nehemi 10:31 - Sră Goh 2018

³¹ Mơ dilah làng bol tòm lơgar cèng phan kă bro, hala kòi phe nàng tac tòm ngai Saƀat, gen bol hi rơp ò blơi mơ bol khai tòm ngai Saƀat hala ngai sàng goh; bol hi rơp ò lơh mìr sre tòm nam dơ̆ poh mơ kung ò lùp dồs lơi.

Nehemi 10:31 ပူးပေါင်းရင်းမြစ်များ

II Yal Yau 36:21

Nàng gơlik di ngan be jơnau Yàng Jehôwa neh kơnòm dê bơr Jeremi, jơl tus di ù geh bơtào wơl ală nam Saƀat gơ dê. Jơh ală nam neh lòi srau, ù geh prap gàr ngai Saƀat jơl tus wil tơl poh jơt sơnam.

Nehemi 13:23

Rlau mơ hơ̆ añ gŏ ală cau Juda la cau neh bau mơ ală cau ùr Asdot, Ammôn, mơ Môap;

Nehemi 13:27

Mbe bol hi rgơi iat mơ lòi bol mê lơh ală bơta iơh mơ broă bơsak dờng hơ̆, tòmbau mơ ùr bơdìh mơ tìs glài mơ Yàng Tom Trồ bol he sơl?”

Lik Ejiptơ 12:16

Tòm ngai sơnròp rơp gơs dô bơta pơjum goh; tus di ngai poh kung rơp gơs dô bơta pơjum sàng goh tai. Bañ lơh dô nơm broă lơi tòm ală ngai hơ̆, lòi mìng rcang phan sa kòp nă cau in lơm, kàr hơ̆ la jơh ală bơta bol mê rgơi lơh.

Lik Ejiptơ 20:10

mơya ngai poh la ngai Saƀat Jehôwa Yàng Tom Trồ bol mê dê. Tòm ngai hơ̆ bol mê, kòn klau, kòn ùr, cau klau duh broă, cau ùr duh broă, ală phan poan jơng, bal mơ ală cau làng bơdìh ơm tòm hìu bol mê dê rơp ò lơh dô nơm broă lơi.

Lik Ejiptơ 34:16

Mơ tòm tŭ bol mê sac rwah dô êt nă kòn ùr bol khai dê lơh gơs bau ală kòn klau bol mê in, mơ ală kòn ùr hơ̆ să tòm bol khai tòmtir mơ ală yàng bol khai dê, bol khai lam ală kòn klau bol mê dê lơh jat kung be bol khai.

Esai 58:6

Hơ̆ la bơta mơ bol mê sơnđan la bơta ơt sa, la dô ngai geh Yàng Jehôwa niam nùs dòp rò, sơl ơ? Hơ̆ ò di la bơta ơt sa mơ Añ neh sac rwah: Nàng hồ ală che sreng ò song ring, hồ ală che kơt di yô, nàng lòi ală cau kong rồn bơklơn lòt khat gơboh, mơ dơrpă kòp nơm yô ò ơ?

Lebi 16:29

Do la dô bơta sồr lam gam sùm sùm bol mê in: Tòm ngai jơt kơnhai poh bol mê pal ơt sa mơ bañ lơh dô nơm broă lơi, bulah la cau deh tòm lơgar hala cau làng bơdìh ơm digùl bol mê,

Lebi 23:21

Kung tòm dô ngai hơ̆, bol mê pal yal tơnggit dô bơta pơjum sàng goh mơ bañ lơh dô nơm broă lơi òs lơh. Bơta hơ̆ rơp la dô bơta sồr lam gam sùm sùm ală rài rơp tus bol mê in bulah bol mê ơm tiah lơi kung behơ̆ sơl.

Lebi 23:3

Gơs prau ngai nàng bol mê lơh broă, mơya ngai poh la dô ngai Saƀat nàng rlô, dô ngai pơjum sàng goh. Bol mê bañ lơh broă lơi; bulah bol mê ơm tiah lơi, hơ̆ la ngai Saƀat Yàng Jehôwa in.

Mathiơ 6:12

Dan toh glài bol hi in, be bol hi kung toh cau tìs glài mơ bol hi;

Kôlôse 2:16

Behơ̆ gen bañ lòi cau lơi cahrña oh mi bơh phan sa phan ñô, hala bơh ngai pơjum sa, hala ngai kơnhai dùl lik, hala ngai Saƀat.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.