Nehemi 10:29 - Sră Goh 2018

²⁹ dô bă bal mơ ală oh mi bol khai dê, ală cau dờng màng bol khai dê srat să mơ ho lòt jat bơta boh lam Yàng Tom Trồ dê, neh kơnòm di Môise, cau duh broă Yàng Tom Trồ dê, nàng sền sơwì mơ lơh jat ală bơta sồr lam, Yàng Jehôwa dê, la Yàng bol he dê, mơ bơta lơh nền mơ bơta boh lam Kơnràñ dê.

Nehemi 10:29 ပူးပေါင်းရင်းမြစ်များ

II Ală Bơtau 10:31

Mơya Jehu ò jơh nùs lơh jat bơta boh lam Jehôwa Yàng Tom Trồ Israel dê; khai ò sang lòi tồi glài Jerôbôam dê, hơ̆ la glài neh lơh cau Israel in tìs glài.

II Ală Bơtau 23:3

Bơtau ñă di gah jrong mơ bơtào bơta ho bal di đap Yàng Jehôwa, lòt jat Yàng Jehôwa, jơh nùs jơh hwềng soàn prap gàr ală bơta boh lam, bơta lơh nền, mơ bơta sồr lam Kơnràñ dê, mơ lơh wil tơl jơnau ho bal neh cih tòm sră do. Jơh làng bol geh dô nùs bal bơh jơnau ho pơgon hơ̆.

I Yal Yau 9:2

Mơ tai, ală cau sơnròp rê ơm wơl tòm ù tiah tòm, tòm ală ƀòn tòm bol khai dê la dô pơnah cau Israel, ală cau gơnoar ơn phan duh khoai, ală cau Lebi, mơ ală cau duh broă tòm hìu duh khoai.

II Yal Yau 34:31

Cau bơtau ntào di tiah khai dê mơ lơh pa wơl jơnau ho bal khai dê di đap Yàng Jehôwa, hơ̆ la lòt jat Yàng Jehôwa, jơh nùs jơh hwềng prap gàr ală jơnau sồr, ală bơta sồr lam mơ ală bơta lơh nền Kơnràñ dê, mơ dòn bơr lơh jat ală jơnau tòm bơta ho bal neh cih tòm dap sră do.

II Yal Yau 6:16

Gen tàng, ơ Jehôwa Yàng Tom Trồ Israel dê, dan prap gàr dĭ gơna Kơnràñ in la Dabit bèp añ jê ală jơnau Kơnràñ neh ho mơ khai, mơ đơs lah: ‘Mê rơp ò tŭ lơi siơ̆u dô nă cau geh pơrdòn di đap Añ nàng nggui hơđang sơbàn Israel dê, mìng dilah ală kòn sau mê dê git kơrhia tòm jơh gùng dà bol khai dê, mơ lòt tòm bơta boh lam be mê neh lòt di đap Añ.’

Nehemi 13:25

Añ lah pơrhơng bol khai, srat rma bol khai, pù lơh bàr pe nă bol khai, dŭi sŏ bol khai, sồr bol khai sơnio Yàng Tom Trồ mơ srat lah: “Bol mê rơp ò tòmbau kòn ùr bol mê dê mơ kòn klau bol khai dê, kung ò tòmbau kòn klau bol mê dê mơ kòn ùr bol khai, hala să tòm bol mê ò bau mơ bol khai.

Nehemi 7:46

Cau Nethinim: Kòn sau Jiha, kòn sau Hasupa, kòn sau Tabaôt.

Nehemi 8:2

Gen tàng, cau gơnoar ơn phan duh khoai Ejra cèng bơta boh lam tus di đap mpồl jơnum, cau klau mơ cau ùr, mơ jơh ală cau lơi rgơi iat mơ wă wơng. Hơ̆ la tòm ngai dùl kơnhai poh.

Nehemi 8:3

Khai sền sră tòm toh di ƀlàng dờng di đap Mpồng Dà, bơh rìng àng drim jơl gùl ngai, di đap ală cau klau mơ ală cau ùr la ală cau rgơi wă. Tồr jơh ală làng bol dê ơm iat nền di sră bơta boh lam.

Nehemi 9:2

Gen ală cau Israel cah is să tòm bol khai bơh di ală cau làng bol bơdìh, ntào yal glài să tòm bol khai mơ ală bơta tồi glài mò pàng bol khai dê.

Nehemi 9:38

Tài bơh jơh ală bơta do, bol hi bơtào dô bơta ho bal kơ̆ ngan, mơ bol hi cih gơ; ală kwang bàng, ală cau Lebi, mơ ală cau gơnoar ơn phan duh khoai bol hi dê tap ƀang kì di gơ.

Đơs Crih 105:45

Tồ bol khai in prap gàr ală jơnau sồr Kơnràñ dê, Mơ lơh jat ală bơta boh lam Kơnràñ dê. Jòng ro Yàng Jehôwa!

Đơs Crih 119:106

Añ neh srat să mơ lơh nền prap gàr Jơnau gơnoar sồr song ring Yàng dê.

Đơs Crih 8:1

Ơ Yàng Jehôwa la Yàng bol hi dê, Sơnđan Kơnràñ la gơklŏ ryŭ ryơm làm jơh plai ù git nđò! Bơta gơklŏ Kơnàñ dê geh ràng tơlik hơđang ală tap trồ!

Đơs Crih 8:9

Ơ Yàng Jehôwa la Yàng bol hi dê. Sơnđan Kơnràñ la gơklŏ ryŭ ryơm làm jơh plai ù ò git nđò!

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Jeremi 26:4

Mê pal đơs bol khai in lah: Yàng Jehôwa đơs be do: ‘Dilah bol mê ò bài iat Añ, ò lòt jat bơta boh lam Añ neh ơn di đap bol mê;

Jeremi 34:15

Ai ală bol mê, pa do neh rê wơl mơ lơh bơta niam nùs Añ, kòp nă yal cau gơp ƀòn he geh khat gơboh; mơ neh bơt bơtào bơta ho bal di đap Añ, hơ̆ la tòm hìu geh sơnđan bơh sơnđan Añ.

Ejekiel 36:27

Añ rơp ơn Hwềng Añ tòm bol mê, mơ lơh bol mê in lòt jat bơta sồr lam Añ jê, mơ kơrhia prap gàr ală bơta boh lam Añ jê.

Lebi 20:26

Bol mê pal la sàng goh Añ in, tài bơh Añ, Yàng Jehôwa, la sàng goh, mơ Añ neh cah is bol mê bơh di ală làng bol nàng bol mê gơrê is bal mơ Añ.

Malaci 4:4

“Kah wơl tĕ bơta bơto sồr dĭ gơna Añ jê la Môise, ală bơta sồr lam mơ boh lam mơ Añ neh ai khai in hơđang mơnơm Hôrep, nàng ai jơh làng bol Israel in.

Khà Làng Bol 5:21

(lòi cau gơnoar hwơr hơ̆ kup cau ùr hơ̆ pal srat sơntơm să) mơ đơs mơ cau ùr hơ̆ lah: “Dan Yàng Jehôwa lơh làng bol ai dê srat sơntơm mơ lơh nền glài ai, Yàng Jehôwa lơh hìu kòn ai gơrung ồm mơ kơndul ai dê as pŭ.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Jang 15:14

Dilah bol mê lơh jat bơta Añ bơto sồr, gen bol mê la bơyô Añ jê.

Jang 7:19

Ò di Môise neh ai bơta boh lam bol mê in ò ơ? Mơya tòm bol mê ò gơs dô nă cau lơi prap gàr bơta boh lam hơ̆. Ñchi bơh tài bol mê jòi nàng tơnchơt Añ taih?”

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 17:34

Mơya gơs dô êt cau jat khai mơ dòn Yàng; tòm ntum cau hơ̆ gơs Deni la cau kwang tơrña Areôpa dê, mơ dô nă cau ùr sơnđan la Damari, bal mơ ală cau ndai tai.

Broă 23:21

Mơya dan ồng bañ lơh jat ală bol hơ̆, bơh neh gơs rlau poan jơt nă cau tòm mpồl bol hơ̆ ơm pồn mơ kơp khai; bol khai neh srat să bal lah ò sào ò hùc jơl tus di tŭ geh tơnchơt khai sồng lòi; tòm tŭ do bol hơ̆ neh rcang sir rau, gam mìng gơn ồng dòp jơnau bol khai dê lơm.”

Rôma 12:9

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

Yal Wơl 33:4

Hơ̆ la bơta boh lam mơ Môise neh ai bol hi in, la sre brê mpồl jơnum Jakôp dê.

Yal Wơl 5:1

Môise pơjum jơh Israel mơ đơs lah: “Ơ Israel, iat tĕ ală bơta lơh nền mơ ală bơta boh lam mơ añ bơto yal tòm tồr bol mê tòm ngai do. Bơtê tĕ mơ lơh nền lơh jat ală bơta hơ̆.

Yal Wơl 5:32

Behơ̆ kơrhia tĕ lơh jat ală bơta mơ Jehôwa Yàng Tom Trồ bol mê dê neh sồr bol mê; bañ pơrlac wèt đah ma hala đah kiau.